وعلیکم السلام
آئی ٹی دنیا منیجمنٹ کی طرف سے ہمیشہ فورم کی ترقی کے لئے بہترین فیصلے کیے گئے ہیں۔
مختلف ادوار میں ایسے بہترین فیصلے کئے گئے جو بظاہر تو شروع میں لگ رہے تھے کہ فورم کی بہتری کے بجائے اس میں فورم کی تنزلی کا امکان ہے(خدا نہ خواستہ) لیکن ان فیصلوں نے آئی ٹی دنیا کی ترقی اور اپنے سیکھنے اور سکھانے کے مقصد کو اور زیادہ اچھے طریقے سے پورا کرنے میں مدد کی۔
جیسا کہ منیجمنٹ میں جب عثمان ریاض بھائی کو شامل کیا گیا۔لیکن ہم نے یہ دیکھا کہ عثمان بھائی کے آنے کے بعد فورم کی سیکورٹی اور بہت سے اور عوامل میں آئی ٹی دنیا نے کافی ترقی کی۔
اس کے علاوہ جب فورم پر لنکس اور امیجز کو ہر کسی کے لئے اوپن کیا گیا تو بظاہر تو لگا کہ اب فورم کے ممبر بننے میں کوئی دلچسپی نہیں لے گا، لیکن اس فیصلے سے آئی ٹی دنیا کے ممبران کی تعداد بڑھنے کے ساتھ ساتھ آئی ٹی دنیا کے سیکھنے و سکھانے کے عمل میں اور زیادہ ترقی ہوئی۔
اب آتے ہیں اس نئے سلسلے کی جانب جس میں فورم میں نئے ٹیم ممبران کے لئے ایک طرح کا انٹرویو رکھا گیا ہے کہ فورم کے ممبران اپنی اپنی درخواستیں دائر کریں اور اپنے کام کے معیار کے کے مطابق ٹیم ممبر کا رینک حاصل کرلیں۔
اس کی مثال بلکل ایسی ہے کہ جیسے کوئی بھی شخص کسی جاب کے لئے اپنی تعلیمی قابلیت کے بنا پر درخواست متعلقہ ادارے کو ارسال کرتا ہے ۔ پھر وہ ادارہ اس شخص سے انٹرویو لیتا ہے ۔اگر وہ شخص اس ادارے کے معیار پر پورا اترتا اور اس کی تعلیمی قابلیت مطلوبہ جاب کے لئے ٹھیک ہے تو اس شخص کو وہ جاب مل جاتی ہے۔
میرے خیال میں یہ اچھوتا فیصلہ کافی زبردست رہے گا ، اس سے فورم پر بہتر سے بہترین ممبران سامنے آئیں گے جن کو موجودہ ٹیم جانچ پڑتال کے بعد منتخب کرے گی۔
سوال نمبر :۱
آئی ٹی دنیا ڈاٹ کام کی ٹیم میں آپ کیوں آنا چاہتے ہیں۔۔؟؟ آپ کی عمر اور تعلیمی قابلیت کیا ہے۔۔؟
جواب: اس سوال کا جواب تو بہت ہی آسان ہے۔
فورم پر موجودہ اور سابقہ ٹیم ممبران کے کام کو دیکھ کر اور جس انداز میں فورم کو خوش اصلوبی سے چلا رہے ہیں وہ قابل ستائش ہے۔
ان کے کام دیکھ کر میرا بھی دل کرتا ہے کہ میں بھی اتنے زبردست فورم کی شاندار ٹیم کا حصہ بن کر فورم کی خدمت کر سکوں۔ اور سیکھنے اور سکھانے کے عمل کو جاری و ساری رکھ سکوں۔
میں اس وقت بی ایس جیالوجی (ارضیات) کر رہا ہوں اس کا بھی آخر آخر ہی ہے۔ اور میری عمر ۲۳ سال ہے۔
سوال نمبر ۲:
ٹیم میں آنے کے بعد آپ کا ردعمل کیا ہوگا اور آپ کیا کچھ کرینگے۔۔؟
جواب: ردعمل !!! بھئی تب تو عمل کا وقت ہوگاجو کچھ اتنے عرصے میں سیکھا اس کے مطابق کام شروع۔
موجود ٹیم کی رہنمائی میں بطور ٹیم ممبر اپنی ذمہ داریاں سنبھال لینی ہیں۔
ویسے کافی خوشی ہوگی ٹیم ممبر بن کر کہ میں پاکستان کے سب سے بڑے اور پسندیدہ آئی ٹی فورم کا ٹیم ممبر بن کر اردو میں آئی ٹی کا علم پھیلانے میں کچھ کرسکوں۔
سوال نمبر ۳
آپ نے اب تک آئی ٹی دنیا ڈاٹ کام پر جو بھی کام کیا ہو۔۔ انکے تھریڈ لنکس یہاں فراہم کریں۔۔ اگر آپ کی تھریڈز کی تعداد بہت زیادہ ہو تو آپ صرف اپنی پسندیدہ تھریڈز کے لنکس پوسٹ کریں۔۔ جس پر آپ نے سب سےزیادہ محنت کی ہو۔
جواب:
جب جون ۲۰۱۰ میں فورم کو جوائن کیا تب تو شروع شروع میں بات چیت سیکشن میں صرف گپ شپ لگاتا رہتا تھا۔ لیکن پھر یہاں پر ٹیم ممبران اور وی آئی پی ممبران کو دیکھ کر مجھے بھی شوق ہوا کہ میں بھی کچھ ایسا کروں جس سے دوسروں کو فائدہ پہنچے۔ اس لئے میں نے بھی تھریڈز بنانا شروع کئے اور پھر جب بھی کوئی نئی چیز سیکھتا تو اس کو فورم پر شیئر کرنے تگ و دو میں لگ جاتا۔
میرے چند تھریڈز جن پر میں نے کافی محنت کی، ان کے بارے میں ریسرچ اوران کے ڈیزائن وغیرہ پر۔
http://www.itdunya.com/t258864/
http://www.itdunya.com/t219520/
http://www.itdunya.com/t219525/
http://www.itdunya.com/t271619/
http://www.itdunya.com/t328212/
http://www.itdunya.com/t284750/
http://www.itdunya.com/t332954/
http://www.itdunya.com/t352957/
http://www.itdunya.com/t353942/
http://www.itdunya.com/t223937/
http://www.itdunya.com/t258386/
http://www.itdunya.com/t380693/
http://www.itdunya.com/t327237/
http://www.itdunya.com/t354670/
http://www.itdunya.com/t221793/
http://www.itdunya.com/t254838/
http://www.itdunya.com/t287729/
http://www.itdunya.com/t329596/
http://www.itdunya.com/t358128/
http://www.itdunya.com/t334095/
http://www.itdunya.com/t356074/
اس کے علاوہ بھی کافی سارے تھریڈز ہیں جو فوٹو گیلری میں ہیں اور ان کے لئے بھی مجھے کافی ریسرچ کرنی پڑتی ہے کیونکہ آئی ٹی دنیا پر مقدار نہیں معیار کو دیکھا جاتا ہے۔
اور کسی کی پہچان اس کے کام کے معیار سے ہوتی ہے نہ کہ کام کے مقدار سے۔
سوال نمبر ۴:
کیا آپ کو اردو لکھنی آتی ہیں۔۔ ۔۔ اگر ہا تو آپ اردو لکھنے کے لئے کونسا سافٹ ویئر یا طریقہ استعمال کرتے ہیں۔۔
جواب:
نہیں بلکل نہیں۔
یہ میرا جواب ہوتا اگر آپ مجھ سے جون ۲۰۱۰ سے پہلے پوچھتے کیونکہ کبھی اس طرح کے پلیٹ فارم پر کام کرنے کا موقع ہی نہیں ملا تھا جہاں اردو زبان لکھنے اور سیکھنے کا رواج اور ضرورت ہو۔
لیکن میں آج کافی فخر سے کہہ سکتا ہوں کہ میں کمپیوٹر پر اردو زبان لکھ سکتا اور ماشاءاللہ کافی مہارت کے ساتھ لکھ سکتا ہوں۔اور یہ سب آئی ٹی دنیا کے بدولت ہی ممکن ہوا کہ یہاں مجھے اردو زبان لکھنا سکھایا گیا۔
میں کمپیوٹر میں اردو لکھنے کے لئے فونیٹک کی بورڈ(انپیج فونیکٹ کیبورڈ ) استعمال کرتا ہوں۔ میں یونیکوڈ اردو کا بڑا مداح ہوں اور زیادہ تر یونیکوڈ کا ہی استعمال کرتا ہوں۔ انپیج کا استعمال بھی کرتا ہوں۔ کیلک پر کام کرنا سیکھ رہا ہوں۔ میں زیادہ تر کام یونیکوڈ میں کرتا ہوں اس لئے میں فوٹوشاپ کا مڈل ایسٹ ورژن استعمال کرتا ہوں کہ اس میں اردو لکھی جا سکتی ہے۔
سوال نمبر ۵:
آپ نے آئی ٹی دنیا ڈاٹ کام کو کیسے پایا۔۔۔۔۔۔کیا یہ اپنا مقصد جو سیکھنے اور سکھانے کا ہے وہ پورہ کر رہی ہیں۔۔
جواب:
جب میں یونیورسٹی میں بی ایس جیالوجی کی پڑھائی شروع کی تو پہلے سال ہمارے کورس میں کمپیوٹربھی تھا۔ اب کمپیوٹر کے بارے میں میرے اکثر دوستوں کو زیادہ معلومات نہیں تھیں اس لئے اس کلاس میں اکثر دوست پریشان رہتے تھے۔ میرا چونکہ کافی عرصے سے کمپیوٹر سے واسطہ رہ چکا تھا تو الحمد اللہ میں کمپیوٹر کے بارے میں تھوڑا بہت جانتا تھا۔ اس لئے میں مختلف چیزیں سمجھنے میں ان کی مدد کرتا رہتا تھا۔ جون ۲۰۱۰ میں مجھے آئی ٹی دنیا کا پتہ چلا تو پھر میں سارا دن اس کا ستعمال کرتا رہتا تھا۔ یونیورسٹی میں بھی جب فارغ ٹائم ہوتا یا پھر لیب کی کلاس ہوتی تو میں کمپیوٹر پر آئی ٹی دنیا اوپن کر دیتا ۔ اب جب دوستوں کو کوئی مسئلہ ہوتا تو وہ جب مجھ سے پوچھتے تو میں ان کو آئی ٹی دنیا کا بتاتا ۔ تو جی تب سے میرے دو تین دوست مجھے آئی ٹی کی دنیا کا خطاب دیے ہوئے ہیں۔(مسکراتے ہوئے)۔
میری انتی لمبی تمہید کا مطلب ہے کہ میں نے آئی ٹی دنیا سے بہت کچھ سیکھا بلکہ اگر میں کہوں کہ میرا ۸۰ فیصد آئی ٹی کا علم آئی ٹی دنیا کے مرہون منت ہے ۔ تو غلط نہ ہوگا۔
میری اپنی مثال کو دیکھ کر مجھے یہ کہنے میں کوئی مزائقہ نہیں کہ آئی ٹی دنیا اپنے مقصد سیکھنے اور سکھانے کو بخوبی پورا کر رہی ہے۔اور اس ویب سائٹ کی ہی وجہ سے بہت سے پاکستانی آئی ٹی کے بارے میں جاننے لگے ہیں۔
سوال نمبر ۶:
موجودہ ٹیم ممبرز میں سے آپ کا پسندیدہ ٹیم ممبر کون ہے۔۔ اور کیوں ہے۔۔؟
جواب:
اس انٹرویو کا سب سے مشکل سوال۔
جب سے میرا آئی ٹی دنیا سے ناطہ جڑا ہے تب سے میں نے یہاں ایک محنتی اور خوش اخلاق ٹیم کو کام کرتے ہوئے پایا ہے۔ہر ایک ٹیم ممبر ایک منفرد شخصیت کا مالک ہے اور ہر ٹیم ممبر کا الگ سے اپنا ایک مخصوص انداز ہے۔ اس لئے ہر ٹیم ممبر کی ایک الگ ہی شناخت بن چکی ہے۔
میں نے تقریبا ہر ٹیم ممبر سے کچھ نہ کچھ سیکھا ہے اس لئے مجھے کافی مشکل درپیش ہے کہ میں کس ٹیم ممبر کا نام اپنے پسندیدہ ٹیم ممبر کے طور پر لکھوں۔اس لئے میں کسی کا نام نہیں لکھ پا رہا کیونکہ ایک کا نام لکھنا چاہتا ہوں تو دوسرے کا کام سامنے آجاتا ہے۔
کافی تگ و دو اور بہت سوچ بچار کے بعد ایک نام سب سے زیادہ نمبر لے گیا اور وہ ہے نیٹ رائیڈر بھائی جو سوپر موڈریٹر کے عہدے پر فائز ہیں۔ ان کی انتھک محنت، بہترین اخلاق، کسی بھی مسئلے میں غیر جانب داری سے فیصلہ کرنا، ہر کسی کی مدد کرنا،تفصیل سے ہر بات سمجھانا،شاندار تھریڈز اور آئی ٹی دنیا میگزین کو چار چاند لگانا ۔ یہ سب خصوصیات نیٹ رائڈر بھائی میں پائی جاتی ہیں۔
سوال نمبر ۷:
آئی ٹی دنیا ڈاٹ کام کو کس ٹائم وزٹ کرتے ہیں۔۔ یا ٹیم میں آنے کے بعد آپ زیادہ سے زیادہ کتنا ٹائم دے سکتے ہیں۔۔ اور کونسے وقت میں آپ آئی ٹی دنیا ڈاٹ کام کے لئے دستیاب ہونگے۔۔
جواب
میرا ایسا کوئی خاص وقت تو مقرر نہیں جس وقت میں آئی ٹی دنیا کو استعمال کروں۔ ہاں تقریبا روزانہ کم از کم تین چار گھنٹوں کے لئے آنلائن تو رہتا ہی ہوں۔
آج کل کچھ چھٹیاں ہیں اس لئے زیادہ وقت دے سکتا ہوں فورم کو۔
امتحانات کے دوران اور اگر انٹرنیٹ میں مسئلہ ہو تو پھر آئی ٹی دنیا سے چھٹی ہوتی ہے۔
اس کے علاوہ اگر انٹرنیٹ کھلے گا تو ہوم پیج کے بعد پہلی ویب سائٹ آئی ٹی دنیا ہی ہوتی ہے۔
ٹیم ممبر بننے کے بعد فورم کو زیادہ وقت دینے کی کوشش کروں گا جتنا میرے بس میں ہوگا۔ جیسا کہ انگریزی میں کہتے ہیں نا
As much as possible
میں کوئی خاص وقت تو بتا نہیں سکتا لیکن میں زیادہ تر دوپہر کے وقت سے رات دیر تک میں کسی بھی وقت آنلائن آتا رہتا ہوں۔
سوال نمبر ۸
کیا آپ کسی بھی دوسرے فورم پر ٹیم میں رہ چکے ہیں، یا ٹیم کا حصہ ہے۔۔ یا وی بلٹن سافٹ ویئر میں آپ کا کوئی تجربہ ہے۔ اس سوال کا جواب صرف ہاں یا نہیں میں ہونا چاہیے۔۔
جواب۔
جی ہاں۔ وی بلٹن میں کام کا تجربہ ہے۔
نوٹ: خاموش بچہ ذرا سا خاموش رہتا ہے اس لئے اتنے کم الفاظ کا استعمال کیا
Bookmarks