Main Aise Mohabbat Karti Hoon
Tum Kesi Mohabbat Kartey Ho..?
Tum Jab Bhi Samnay Aatey Ho
Main Tum Say Sunna Chahti Hoon
Ae Kash Kabhi Tum Ye Keh Do
Tum Mujh Say Mohabbat Kartey Ho
Tum Mujh Ko Behad Chahtey Ho
Lekin Tum Janay Kyun Chup Ho
Ye Soch K Dil Ghabraata Hay
Aisa To Nahi Hay Na Janan
Sab Meri Nazar Ka Dhoka Ho
Tum Ne Mujh Ko Chaha Hee Na Ho
Koi Or Hee Dil Main Rehta Ho
Main Tum Say Poochhna Chahti hoon
Main Tum Say Kehna Chahti Hoon
Lekin Kuch Poochh sakti nahin
Mana K Mohabbat Hai Phir Bhi
Labb Apne Khul sakte nahin
Main Tum Say Ye Kaise Pochoon
Tum kaise Mohabbat Kartey Ho?
Khuwaboon Main Bohut Kuch Bolti Hoon
Par Samnay Chup Hee Rehti Hoon
Main Larki Hoon Kaise Keh Doon..?
Main Kaise Mohabbat Karti Hoon
Main Tum Say Ye Kaise Poochoon
Tum kaise Mohabbat Kartey Ho?
Main Aise Mohabbat karti Hoon
Tum Kaise Mohabbat Kartey Ho..?
Mujhe Thand Ras Nahi Aate
Mujhe Barish Se Khof Aata Hay
Par Jis Din Se Maloom Huwa
Ye Mousam Tum Ko Bhata Hay
Ab Jab B Sawan Aata Hay
Barish Main Bhegti Rehti Hoon
Qatron Mein Tum Ko Dhoondti Hoon
Boondon Say Tumhara Poochti Hoon
Main Aise Mohabat Karti Hoon
Tum Kaise Mohabat Kartey Ho..?
Jab Hath Duaa Ko Uthtey Hein
Alfaz Kahee Kho'jate Hein
Bas Dhyan Tumhara Rehta Hay
Or Aansoo Behtey Rehtey Hein
Har Khuwab Tumhara Poora Ho
main Us Rab Ki Minnat Karti Hon
Main Aise Muhabat Karti Hoon
Tum Kaise Mohabbat Kartey Ho..?
Sheeren B Nahi Laila B Nahi
Main Heer Nahi Azraa B Nahi
Wo Kissa Hain Afsana Hain
Wo Geet Hain Praim Tarana Hain
Main Zinda ek Haqiqat Hoon
Main Jaz-ba-ye-Ishq Ki Shiddat Hoon
Main Tum Ko Dekh K Jeti Hoon
Main Har Pal Tum Pe Marti Hoon
Main Aise Mohabbat Karti Hoon
Tum Kesi Mohabbat Kartey Ho..?
Bookmarks