زمین کے صحراؤں سے میدانوں تک اور زرخیز میدانوں سے سمندری پانیوں کی گہرائیوں تک چھوٹے سے چھوٹے جاندار، حشرات الارض سے جنگلی حیوانات و نباتات اور پانی میں تیرنے والے کڑوڑہا نسل کے آبی جانداروں کی چھوٹی سے چھوٹی حرکات و سکنات، تسبیح و تمھید، تک کا علم رکھتا ھے اور سب کچھ جانتا ھے
اربوں درختوں سے کھربوں پتوں کا مکمل احوال تک جانتا ھے کونسا پتہ درخت سے ٹوٹا اور کتنے بل کھاتا ھوا زمین کے کونسے حصے پر گرا، کس درخت نے کس ذائقے کا پھل تیار کیا، اور اس پھل کو کہاں استعمال کیا گیا، سب کچھ اللہ جانتا ھے اور اپنے العلیم ھونے کے باعث علم رکھتا ھے،
نظر نہ آنے والی انسانوں سے زیادہ بڑی مخلوقات زیادہ طاقتور اور اسباب رکھنے والے جنات کے زمین کے کس کونے میں کیا کر رھے ھیں اور کہاں کہاں سے اللہ کی عبادت و بغاوت کر رھے ھیں وہ اللہ سب کچھ جانتا ھے اور علم رکھتا ھے،
تو
اے انسان تم کس دھوکے میں ھو؟
اس اللہ کی بغاوت اور نافرمانی کرکے اِتراتے ھو اور گناھوں پر اکڑتے ھوئے بھی اللہ کی رحمت کی امید رکھ کر کسے دھوکہ دے رھے ھو؟
يَا أَيُّهَا الْإِنْسَانُ مَا غَرَّكَ بِرَبِّكَ الْكَرِيمِ
(الانفطار، 6)
اے انسان! تجھے اپنے رب کریم سے کس چیز نے بہکایا؟
پس میرے بھائیو اور بہنوں کسی دھوکے میں مت رہو تمہارا تنہائی کا گناہ جو تم زمین کے اوپر کرو یا زیرزمین کسی جگہ میں کرو وہ اللہ خوب جانتا ھے، خوب علم رکھتا ھے کہ اربوں انسانوں میں سے کون کہاں کیا کر رھا ھے وہ اللہ اپنے باغیوں کو بھی جانتا ھے اور اس کے باوجود رزق سے محروم نہیں کرتا اور اپنے فرمانبردار بندوں کو کہ جو گناھوں کو اللہ کے خوف سے ترک کر دینے والے ھوں کو بھی جانتا ھے اور انکی آزمائش بھی کرتا رھتا ھے
إِنَّ رَبَّكَ هُوَ أَعْلَمُ مَنْ يَضِلُّ عَنْ سَبِيلِهِ ۖ وَهُوَ أَعْلَمُ بِالْمُهْتَدِينَ
بالیقین آپ کا رب ان کو خوب جانتا ہے جو اس کی (فرمانبرداری والی) راه سے بے راه (گمراہ) ہوجاتا ہے۔ اور وه ان کو بھی خوب جانتا ہے جو اس کی راه (فرمانبرداری) پر چلتے ہیں
(سورہ الانعام، 117)
Bookmarks