ایڈوانس ممبرز پلس
السلام علیکم دوستوں ! زیادہ دوستوں کے لئے اجنبی ہوں اور گمان کرتا ہوں کہ کچھ دوستوں نے ابھی تک یاد رکھا ہوگا کیونکہ ہمیں حکم ہے کہ ہمیشہ گمان اچھا رکھو ۔ اِس لئے سوچتا ہوں کہ اِس فانی دنیا کی طرح فورم کی دنیا بھی ایک زندگی کی مانند ہے پرانے ممبرز اپنی اپنی مصرفیات کی وجہ سے فورم سے دیکھنے میں دُور پر دلیِ طور پر بہت درد رکھنے والے اور نزدیک ہوتے ہیں(چاہے سب ہی نہیں پر کچھ ہوتے ضرور ہیں) اور یہ وہی لوگ ہوتے ہیں جو نئے آنے والوں کے لئے راہیں سجھاتے ہیں ، پھر اِن پر چلاتے ہیں ، کوئی تھک جائے تو ہمت دلاتے ہیں، پیٹھ تھپتھپاتے ہیں ، منزل کی طرف اشارہ کرتے ہیں! دیکھو وہ رہی منزل ، اُٹھو گرد جھاڑو اور چلو ، چلو کہ منزل تمہارا انتظار کر رہی ہے، تمہاری راہ تک رہی ہے اِسی طرح آنے اور جانے کا سلسلہ چلتا رہتا ہے بس فرق اتنا ہوتا ہے کہ کچھ لوگ دوستوں کی آنکھوں میں رہنے والے لوگوں کی مانند ہوتے ہیں اپنی ذمہ داریوں کو خوش اسلوبی سے سرانجام دینے کی وجہ سے اِس فانی دنیا اور فورم کی دنیا میں زندہ جاوید رہتے ہیں۔
پچھلے کچھ عرصے مصروفیات کی وجہ سے وطنِ عزیز سے باہر رہا (جلد ہی واپسی ہے ) گزشتہ کل ہی اپنی جنت (پاکستان) میں واپس لوٹا ہوں تو اِس دنیا (آئی ٹی دنیا) میں بھی آنکھ کھولی تو نئی دنیا کو دیکھابہت اچھا لگا اِس گلدستے کو آباد وشاداب دیکھ کر پر کچھ ساتھیوں کو فورم پر نہ پا کراُن کی کمی بہت محسوس ہوئی پھر سوچتا ہوں وہ بھی میری طرح اپنی نئی ذمہ داریوں کی انجام دہی میں مصروف ہوگئے ہونگے پر نئے دوستوں کے کام کو دیکھ کر دل کو اطمینان ہوا کہ آئی ٹی دنیا کامیابی سے اپنے سفر کی طرف گامزن ہے اِس لئے ہماری (ایڈوانس ممبرز پلس کی) دُعائیں بھی آپ سب کے ساتھ ہیں اور اُمیدِ خالص ہے کہ راستہ کٹتا ہی جائے گا منزلیں ملتی جائیں گی۔
دعاؤں کا طالب عالمگیر خان
لوگ کہتے ہیں زندہ رہے تو ملتے رہیں گے
ہم کہتے ہیں ملتے رہے تو زندہ رہیں گے
Bookmarks