السلام علیکم۔
آئی ٹی ڈی کے پیارے ممبران آج آپ کے لیے اپنی فیس بک کا ڈیٹا اپنے پاس سیو کرنے کا طریقہ کار لے کر حاضر ہوا ہوں۔
خاص کر یہ تھریڈ ہمارے سُپر موڈ جناب حافظ فصیح الدین محمد ناصر کے لیے بنایا گیا ہے۔ کیوں کہ ان کی فیس بُک آئی ڈئی بغیر کسی پیشگی اطلاع کے ڈِس ایبل کر دی گئی ہے۔
جس کی وجہ سے ان کا سارا ڈیٹا بھی ہاتھ سے گیا۔ اور اُن کو اس بات کی بہت زیادہ پریشانی ہے۔
ہم سب ممبران اور وہ خود کافی کوشش کر رہے ہیں کہ اُن کی آئی ڈی بحال ہو جائے اور کم از کم وہ اپنا ڈیٹا اپنے پاس سیو کر سکیں۔
تو سب سے پہلے آپ اپنے فیس بُک اکاونٹ میں لاگ اِن کر لیں۔
اب مین پیج پر اس سکرین شاٹ کے مطابق جو تکون بنی ہوئی ہے اس پر کلک کریں۔
اس کے بعد اس سکرین شاٹ کے مطابق سیٹینگز پر کلک کریں۔
اس کے بعد اس سکرین شاٹ کے مطابق تیر والے نشان پر کلک کریں۔
اس کے بعد اس سکرین شاٹ کے مطابق تیر والے نشان پر کلک کریں۔
اب آپ کے سامنے ایک ونڈو کھلے گی جس میں بہت ساری آپشن ہوں گی۔ آپ اپنی مرضی سے متعلقہ خانے کے سامنے چیک کرتے جایئں۔ یا پھر آسانی کے لیے سب کو سیلیکٹ کر لیں۔ یہ تمام فولڈر اسی طرح ڈاون لوڈ ہو کر زِپ فائل میں جمع ہو جایئں گے۔
اور جب آپ زِپ فائل کو ایکسٹریکٹ کریں گے تو سارے فولڈر آپ کو ایسے ہی نظر آیئں گے۔
اب آپ نے اوپر اس سکرین شاٹ کے مطابق چیزیں سیٹ کر لینی ہیں۔اور پھر کرییٹ فائل پر کلک کر دینا ہے۔
اب جیسے ہی آپ کلک کریں گے ایک اور ونڈو کھلے گی جو اس سکرین شاٹ کے مطابق ہو گی۔
یہاں آپ کو کچھ دیر انتظار کرنا پڑے گا کیوں کہ آپ کا سارا ڈیٹا ڈاون لوڈ کے لیے جمع کیا جا رہا ہے۔ یہ آپ کے سسٹم اور فیس بک کے ڈیٹا پر منحصر ہے اگر آپ کا سسٹم تیز ہے اور ڈیٹا کم ہے تو تین سے پانچ منٹ کا وقت لگ سکتا ہے اور زیادہ سے زیادہ آدھا گھنٹا بھی لگ سکتا ہے۔
جب آپ کا سارا ڈیٹا ڈاون لوڈنگ کے لیے تیار ہو جائے گا تو آپ کو اس طرح کا میسج ملے گا۔ یہاں آپ نے ڈاون لوڈ پر کلک کرنا ہے۔
جیسے ہی آپ ڈاون لوڈ پر کلک کریں گے ایک پاپ اَپ ونڈو کھلے گی اور آپ سے دوبارہ پاسورڈ پوچھا جائے گا۔ یہ بھی آپ کی سیکیورٹی کے لیے ہے کہ کوئی دوسرا شخص تو آپ کا ڈیٹا چوری نہیں کر رہا۔
یہاں آپ نے پاسورڈ دے کر سبمٹ پر کلک کرنا ہے۔
سبمِٹ پر کلک کرنے کے ساتھ ہی آپ کی فائل ڈاون لوڈ ہونا شروع ہو جائے گی جو آپ اپنے سسٹم کی سکریں پر بایئں جانب سب سے نیچے دیکھ سکتے ہیں۔اور تھوڑی ہی دیر میں یہ مکمل ڈاون لوڈ ہو کر آپ کے ڈاون لوڈ والے فولڈر میں سیو ہو جائے گی۔
اس کے ساتھ ہی آپ اس فائل کو جہاں بھی سیو کرنا چاہیں آپ ڈاون لوڈ والے فولڈر سے اُٹھا کر سیو کر سکتے ہیں۔
آپ کی یہ فائل ذِپ یا آر اے آر فارمیٹ میں ہو گی۔ جب آپ اس کو ایکسٹریکٹ کریں گے تو ہر قسم کا الگ الگ فولڈر ہو گا۔
اس کا سکرین شاٹ میں آگے پوسٹ کروں گا۔کیوں کہ دس ایمج کی لمٹ پوری ہو گئی ہے۔ دیکھیں پوسٹ نمبر 4
اب میرا یہ تھریڈ احتتام کو پہنچا۔ میں نے بہت ہی آسان الفاظ میں اور سٹیپ بائی سٹیپ سمجھا دیا ہے امید کرتا ہوں کسی کو کچھ مذید پوچھنے کی ضرورت نہیں پڑے گی۔
لیکن پھر بھی اگر کوئی ممبر کچھ پوچھنا چاہے تو پوچھ سکتا ہے۔ امید ہے آپ سب کے لیے یہ تھریڈ بہت کارآمد ثابت ہو گا۔
آپ کی دعاوں کا طالب۔ شاہین لطیف سُپر موڈریٹر آئی ٹی ڈی ٹیم۔
Bookmarks