بلدی اُتے تیل نہ پاوء
اگے ایئہ نہ کھیڈ ودھاوء
نکلو میرے دانش مندو
وچ بھراواں صلح کراوء
کرسی اندی جاندی رہنی
اپنا پاکستان بچاو
اپنے قد کرن لیء اُچے
داء تے پاکستان نہ لاو
اپنے اپنے منصب والے
نال سچائ فرض نبھاؤ
نفرت نال اے بھریا جیہڑا
اپنے اندروں گند مکاؤ
کدے تاں سجرے پھلاں ورگی
سانوں سجنوں خبر سناؤ
دھرتی اُکڑ وچوں کڈھو
نویاں ہور نہ گنجھلاں پاؤ
کدھرے تیجا کہ نہ دیوے
دنوں اپنے گھر نوں جاؤ
Bookmarks