Pakistani Urdu Forum for Free IT Education, ITDunya.com  


Home UrduPad EMail FAQ ITD Mobile
Go Back   Pakistani Urdu Forum for Free IT Education, ITDunya.com > Entertainment and Discussions > Urdu Adab & Shayeri
Forgot Password? Join Us!

Urdu Adab & Shayeri Urdu adab se aap ka intikhab......nasar.....nazam....ghazal....about poets etc

Mirza Ghalib Ki Kuch GHAZALS
Closed Thread
 
LinkBack Thread Tools Display Modes
  #1  
Old 25th November 2009, 02:05 AM
BARi_Bhatti's Avatar
Senior Member
 
Last Online: 2nd June 2011 05:03 PM
Join Date: 13 Mar 2009
Location: ஐ-->
Gender: Male
Posts: 2,743
Started threads: 339 Started threads
Thanks: 5
Thanked 213 Times in 178 Posts
Thread Starter
Smile Mirza Ghalib Ki Kuch GHAZALS

a ki meri jan mein qarar nahi hai,
taqat-e-bedad-e-intazar nahi hai,

dete hain jannat hayat-e-dahar ke badle,
nasha ba andaza-e-Khumar nahi hai,

giriya nikle hai teri bazm se mujh ko,
haye! k rone pe ikhtiyar nahi hai,

ham se abas hai guman-e-ranjish-e-khatir,
khak mein ushshaq ki gubar nahi hai,

dil se utha lutf-e-jalwa haye mani,
gair-e-gul aina-e-bahar nahi hai,

qatl ka mere kiya hai ahad to bare,
waye! agar ahad ustawar nahi hai,

tu ne qasam maikashi ki khai hai 'Ghalib',
teri qasm ka kuch aitabar nahi hai...

Mirza Ghalib


----------------------------------------------------------

aah ko chahiye ik umr asar hone tak,
kaun jita hai teri zulf k sar hone tak,

dam har mauj mein hai halqa-e-sadkam-e-nahang,
dekhen kya guzare hai qatre pe gauhar hone tak,

ashiqi sabr-talab aur tamanna betab,
dil ka kya rang karun khun-e-jigar hone tak

ham ne mana k taaful na karoge lekin,
khak ho jayenge ham tum ko khabar hone tak..

Mirza Ghalib

----------------------------------------------------

aina kyun na dun k tamasha kahen jise,
aisa kahan se laun k tujhsa kahen jise,

hasrat ne la rakha teri bazm-e-khayal mein,
guldasta-e-nigah suweda kahen jise,

phunka hai kisne goshe muhabbat mein ai Khuda,
afsun-e-intazar tamanna kahen jise,

sar par hujum-e-dard-e-garibi se daliye,
wo ek musht-e-khak k sahra kahen jise,

hai chashm-e-tar mein hasrat-e-didar se nihan,
shauq-e-inan gusekhta dariya kahen jise,

darkar hai shiguftan-e-gul haye aish ko,
subh-e-bahar panba-e-mina kahen jise,

"ghalib" bura na man jo waiz bura kahe,
aisa bhi koi hai k sab acha kahen jise...

Mirza Ghalib

-----------------------------------------------------
amad-e-khat se hua hai sard jo bazar-e-dost,
dud-e-shama-e-kushta tha shayad khat-e-rukhsar-e-dost,

ai dil na aqabat andesh zabt-e-shauq kar,
kaun la sakta hai tab-e-jalwa-e-didar-e-dost,

khana wiransazi-e-hairat tamasha kijiye,
surat-e-naqsh-e-qadam hun rafta-e-raftar-e-dost,

ishq main bedad-e-rashq-e-gair ne mara mujhe,
kushta-e-dushman hun akhir garche tha bimar-e-dost,

chashm-e-may raushan k us bedard ka dil shad hai,
dida-e-pur-khun hamara sagar-e-sar-shar-e-dost..

Mirza Ghalib
----------------------------------------------------------------
arz-e-niyaz-e-ishq k qabil nahi raha,
jis dil pe naz tha mujhe wo dil nahi raha,

jata hun dag-e-hasrat-e-hasti liye hue,
hun shamma-e-kushta darkhur-e-mahfil nahi raha,

marne ki ai dil aur hi tadbir kar k main,
shayan-e-dast-o-bazu-e-qatil nahi raha,

ba-ru-e-shash jihat dar-e-ainabaz hai,
yan imtiaz-e-nakis-o-qamil nahi rahaa,

wa kar diye hain shauq ne band-e-naqab-e-husn,
gair az nigah ab koi hail nahi raha,

go main raha rahin-e-sitam haye rozgar,
lekin tere khayal se gafil nahi raha,

dil se hawa-e-kisht-e-wafa mit k wan,
hasil siwaye hasrat-e-hasil nahi raha,

bedad-e-ishq se nahi darta magar 'Asad',
jis dil pe naz tha mujhe wo dil nahi raha..

Mirza Ghalib
---------------------------------------------------------
bahot sahi gam-e-geti sharab kam kya hai,
gulam-e-saqi-e-kausar hun mujhko gam kya hai,

tumhari tarz-o-rawish jante hain ham kya hai,
raqib par hai agar lutf to sitam kya hai,

sukhan mein khama-e-Galib ki atashfashani,
yaqin hai hamko bhi lekin ab us mein dam kya hai...

Mirza Ghalib

-----------------------------------------------------------
bargashta-e-yazdan se kuch bhul hui hai,
bhatke hue insan se kuch bhul hui hai,

ta hadd-e-nazar shole hi shole hain chaman mein,
phulon k nigehban se kuch bhul hui hai,

jis ahad mein lut jaye faqiron ki kamai,
us ahad ke sultan se kuch bhul hui hai,

hanste hain meri surat-e-maftun pe shagufe,
mere dil-e-nadan se kuch bhul hui hai,

huron ki talab aur mai-o-sagar se hai nafrat,
zahid tere irfan se kuch bhul hui hai...

Mirza Ghalib

-------------------------------------------------------------
bas k dushwar hai har kam ka asan hona,
admi ko bhi mayassar nahi insan hona,

giriya chahe hai kharabi mere kashane ki,
dar-o-diwar se tapak hai bayaban hona,

wa-e-diwangi-e-shauq k har dam mujh ko,
ap jana udhar aur ap hi hairan hona,

jalwa azbas k taqaza-e-nigah karta hai,
jauhar-e-aina bhi chahe hai mizagan hona,

ishrat-e-qatlgah-e-ahal-e-tamanna mat puch,
id-e-nazzara hai shamshir ka uriyan hona,

le gaye khak mein ham dag-e-tamanna-e-nishat,
tu ho aur ap basadrang-e-gulistan hona,

ishrat-e-para-e-dil, zakhm-e-tamannakhana,
lazzat-e-rish-e-jigar garq-e-namakdan hona,

ki mere qatl k bad us ne jafa se tauba,
haye us zodpasheman ka pasheman hona,

haif us char girah kapre ki qismat 'ghalib',
jis ki qismat mein ho ashiq ka gareban hona..

Mirza Ghalib


---------------------------------------------------------------------
bazicha-e-atfal hai duniya mere age
hota hai shab-o-roz tamasha mere age

ik khel hai aurang-e-suleman mere nazdik
ik bat hai ejaz-e-masiha mere age

juz nam nahi surat-e-alam mujhe manzur,
juz waham nahi hasti-e-ashiya mere age,

hota hai nihan gard mein sehra mere hote,
ghista hai jabin khak pe dariya mere age,

mat puch k kya hal hai mera tere piche,
tu dekh k kya rang hai tera mere age,

sach kahte ho khudbin-o-khudara hun na kyon hun,
baitha hai but-e-aina sima mere age,

phir dekhiye andaz-e-gulafshani-e-guftar,
rakh de koi paimana-e-sahba mere age,

nafrat ka guman guzre hai main rashk se guzra,
kyon kar kahun lo nam na us ka mere age,

iman mujhe rok hai jo khinche hai mujhe kufr,
kaba mere piche hai kalisa mere age,

ashiq hun pe mashuqfarebi hai mera kam,
majnun ko bura kahti hai laila mere age,

khush hote hain par wasl mein yun mar nahi jate,
ai shab-e-hijaran ki tamanna mere age,

hai maujzan ik qulzum-e-khun kash! yahi ho,
ata hai abhi dekhiye kya-kya mere age,

go hath ko jumbish nahi ankhon mein to dam hai,
rahne do abhi sagar-o-mina mere age,

hampesha-o-hammasharab-o-hamraz hai mera,
'ghalib' ko bura kyon kaho acha mere age...

Mirza Ghalib
---------------------------------------------------------------------

be-aitadaliyon se subuk sab mein ham hue,
jitne ziyada ho gaye utne hi kam hue,

pinhan tha dam sakht qarib ashiyan k,
urne na paye the k giraftar ham hue,

hasti hamari apni fana par dalil hai,
yan tak mite k ap ham apni qasam hue,

sakhtikashan-e-ishq ki puche hai kya khabar,
wo log rafta-rafta sarapa alam hue,

teri wafa se kya ho talafi ki dahar mein,
tere siwa bhi ham pe bahut se sitam hue,

likhte rahe junun ki hikayat-e-khunchakan,
harchand is mein hath hamare qalam hue,

Allah re! teri tundi-e-khu jis k bim se,
azza-e-nala dil mein mere rizqe-ham hue,

ahal-e-hawas ki fatah hai tark-e-nabard-e-ishq,
jo panw uth gaye wo hi un k alam hue,

nal-e-adam mein chand hamare supurd the,
jo wan na khinch sake so wo yan aa k dam hue,

chori 'Asad' na ham ne gadai mein dillagi,
sail hue to ashiq-e-ahal-e-karam hue...

Mirza Ghalib
-------------------------------------------------------------
chahiye achon ko jitna chahiye,
ye agar chahen to phir kya chahiye,

sohbat-e-rinda se wajib hai hazar,
ja-e-mai apne ko khencha chahiye,

chahne ko tere kya samjha tha dil,
bare ab is se bhi samjha chahiye,

chak mat kar jeb be ayyam-e-gul,
kuch udhar ka bhi ishara chahiye,

dosti ka parda hai beganagi,
munh chupana ham se chora chahiye,

dushmani main meri khoya gair ko,
kis qadar dushman hai dekha chahiye,

apni ruswai main kya chalti hai sai,
yar hi hangama ara chahiye,

munhasir marne pe ho jis ki umid,
naumidi us ki dekha chahiye,

gafil in mah talaaton k waste,
chahne wala bhi acha chahiye,

chahte hain khubruon ko asad,
ap ki surat to dekha chahiye...

Mirza Ghalib
-----------------------------------------------------
dard minnat kashe-dawa na hua,
main na acha hua, bura na hua,

jama karte ho kyon raqibon ko,
ik tamasha hua gila na hua,

ham kahan qismat azmane jayen,
tu hi jab khanjar azma na hua,

kitne shirin hain tere lab k raqib,
galiyan khak bemaza na hua,

hai khabar garm un k ane ki,
aj hi ghar mein boriya na hua,

kya wo namard ki khudai thi,
bandagi mein mera bhala na hua,

jan di, di hui usi ki thi,
haq to yun hai k haq ada na hua,

zakhm gar dab gaya lahu na thama,
kam gar ruk gaya rawa na hua,

rahzani hai k dilsitanee hai,
lek dil, dilsitan rawa na hua,

kuch to parhiye k log kahte hain,
aj 'ghalib' gazalsara na hua...

Mirza Ghalib

__________________
  #2  
Old 25th November 2009, 02:19 AM
NATURE BOY's Avatar
Senior Member
 
Last Online: 9th January 2013 11:22 PM
Join Date: 05 Nov 2009
Location: USA
Age: 24
Gender: Male
Posts: 1,196
Started threads: 90 Started threads
Thanks: 45
Thanked 131 Times in 74 Posts
Default

Bohat zbardast mojood bhai
  #3  
Old 25th November 2009, 05:34 AM
BARi_Bhatti's Avatar
Senior Member
 
Last Online: 2nd June 2011 05:03 PM
Join Date: 13 Mar 2009
Location: ஐ-->
Gender: Male
Posts: 2,743
Started threads: 339 Started threads
Thanks: 5
Thanked 213 Times in 178 Posts
Thread Starter
Default

thanks boy
  #4  
Old 25th November 2009, 06:36 AM
^NajanyQ^'s Avatar
Advance Member
 
Last Online: 14th March 2014 08:00 PM
Join Date: 23 Mar 2009
Location: ھزارہ
Age: 22
Gender: Male
Posts: 13,318
Started threads: 439 Started threads
Thanks: 3,127
Thanked 701 Times in 543 Posts
Default

Very nice sharing bro...*
  #5  
Old 25th November 2009, 08:02 AM
Banned
 
Last Online: 10th August 2010 07:31 PM
Join Date: 22 Oct 2009
Location: Faisalabad
Age: 26
Posts: 1,023
Started threads: 182 Started threads
Thanks: 1
Thanked 28 Times in 28 Posts
Smile

Nice Sharing.
Thanks For sharinG



I Proud to Be A PakistanI
  #6  
Old 25th November 2009, 08:18 AM
Aasi_786's Avatar
Advance Member
 
Last Online: 14th April 2014 08:23 PM
Join Date: 14 Jan 2008
Location: Islamabad
Posts: 18,909
Started threads: 2009 Started threads
Thanks: 562
Thanked 1,109 Times in 869 Posts
Default

Bohat umdha ... !!
  #7  
Old 25th November 2009, 10:09 AM
Banned
 
Last Online: 6th February 2010 09:21 PM
Join Date: 06 Oct 2009
Location: Karachi Pakistan
Posts: 1,563
Started threads: 64 Started threads
Thanks: 82
Thanked 56 Times in 51 Posts
Default

Haq Mojood shukreya bohut umda sharing ki hay aapne g thank you very much
  #8  
Old 25th November 2009, 11:16 AM
Senior Member
 
Last Online: 8th December 2010 04:00 PM
Join Date: 16 Apr 2009
Location: AAP KE DIL MEIN
Age: 33
Posts: 6,515
Started threads: 28 Started threads
Thanks: 34
Thanked 248 Times in 206 Posts
Default

Thanks 4
nice sharing.........
Closed Thread

Bookmarks


(View-All Members who have read this thread in the last 15 days : 0
There are no names to display.
Thread Tools
Display Modes

Posting Rules
You may not post new threads
You may not post replies
You may not post attachments
You may not edit your posts

BB code is On
Smilies are On
[IMG] code is On
HTML code is Off
Trackbacks are On
Pingbacks are Off
Refbacks are Off


Similar Threads
Thread Thread Starter Forum Replies Last Post
Mirza ghalib ki aek ghazal Adeel Urdu Adab & Shayeri 14 8th August 2010 10:07 PM
kuch GHAZALS BARi_Bhatti Urdu Adab & Shayeri 7 8th February 2010 10:31 AM
Mirza Ghalib ( By Alama Iqbal ) Gr8^Masood Urdu Adab & Shayeri 28 16th September 2009 11:22 PM
Mirza Ghalib allbestmessages Urdu Adab & Shayeri 1 21st July 2009 10:08 PM
mirza ghalib jams_88 Ask an Expert 1 2nd May 2009 06:14 PM


All times are GMT +5. The time now is 09:01 PM.


Powered by vBulletin® Version 3.8.7
Copyright 2005 - 2014, ITDunya All rights reserved, No Portion May be Reproduced Without Written Permission from ITD Management.

Search Engine Optimization by vBSEO ©2011, Crawlability, Inc.