Main Hansi Bhi Jurm Hai
Hum Nay Mana Is Zamanay Main Hansi Bhi Jurm Hai
Laikin Is Mahool Main Afsoordagi Bhi Jurm Hai
Dushmani Tu Khair Har Surat Main Hoti Hai Gunah
Ek Mouyyaan Had Say Aaghay Dosti Bhi Jurm Hai
Hum Wafain Kar K Rakhtay Hain Wafaon Ki Umeed
Dosti Main Is Qadar Saudaagari Bhi Jurm Hai
Is Say Pehlay Zindgi Main Inti Pabandi Na Thi
Ab Tu Jaisey Khud Wajood-E-Zindgi Bhi Jurm Hai
Aadmi Is Zindgi Say Bach K Jaye Bhi Kahan
Maikashi Bhi Jurm Hai Aur Khud Kushi Bhi Jurm Hai
Saadgi Main Jaan Day Bethay Hazaroon Kohkaan
Aadmi Soochay Tu Itni Saadgi Bhi Jurm Hai
Kitni Dewaarain Khari Hain Har Qadam Har Raah Par
Aur Sitam Yeh Hai K Shoreeda Sari Bhi Jurm Hai
Aik Saagar K Liey Jo Baich Dain Apna Zameer
Aisey Rindoon K Liey Tashna Labbee Bhi Jurm Hai
Apni Baynoori Ka Hum Iqbal Matam Kion Karain
Aaj K Halaat Main Deeda Waree Bhi Jurm Hai
aslam,taj,roni
Bookmarks