قل ہو اللہ احد

[hazratg]

قل ہو اللہ احد
اللہ ایک ہے
رنگ و نور( سعدی کے قلم سے)

اﷲ ایک ہے۔۔۔۔۔۔ قل ہو اﷲ احد اے نبی فرمادیجئے اﷲ ایک ہے۔۔۔۔۔۔ ہمارے محبوب حضرت قاری محمد عرفان صاحبؒ جوش کے ساتھ فرمایا کرتے تھے اﷲ ایک ہے۔۔۔۔۔۔ اے القلم کے پڑھنے والو دل کے یقین کے ساتھ کہہ دو اﷲ ایک ہے۔۔۔۔۔۔ اس کا کوئی شریک نہیں ۔۔۔۔۔۔ اﷲ ایک ہے۔۔۔۔۔۔ ہم سب نے اسی کے پاس لوٹ کر جانا ہے۔۔۔۔۔۔ سب کچھ فنا ہوجائے گا۔۔۔۔۔۔ صرف اﷲ تعالیٰ باقی رہ جائے گا۔۔۔۔۔۔ پھر ہم اﷲ تعالیٰ کی نافرمانی کیوں کریں؟۔۔۔۔۔۔

اللہ ایک ہے۔۔۔۔۔۔ وحدہ لاشریک لہ پھر ہم اس کی ناشکری کیوں کریں؟۔۔۔۔۔۔ اللہ ایک ہے۔۔۔۔۔۔ اللہ ایک ہے۔۔۔۔۔۔ اللہ ایک ہے تو پھر کیوں نہ ہم اس کے نام پر کٹ مریں۔۔۔۔۔۔ ہاں یہی کائنات کا سب سے بڑا سچ ہے کہ اللہ ایک ہے۔۔۔۔۔۔ کوئی اس جیسا نہیں۔۔۔۔۔۔ کوئی اس جیسا ہو ہی نہیں سکتا۔۔۔۔۔۔ میں اسی کا ہوں۔۔۔۔۔۔ ہم سب اسی کے ہیں۔۔۔۔۔۔ کسی اور کے نہیں، کسی اور کے نہیں۔۔۔۔۔۔ اس نے ہمیں پیدا کیا۔۔۔۔۔۔ اور دنیا میں ہمیں اپنی زندگی اور غلامی کے لئے بھیجا۔۔۔۔۔۔ اور آخرت کو بدلے کی جگہ بنایا۔۔۔۔۔۔ یہاں وہ اپنوں کو ایسا نوازے گا، ایسا نوازے گا کہ سب پکار اٹھیں گے کہ اللہ ایک ہے۔۔۔۔۔۔
اللہ تعالیٰ کی ایک جلیل القدر نعمت
ہمارے محبوب حضرت قاری محمد عرفان صاحب ۔۔۔۔۔۔ اللہ پاک ان کو آخرت کی ساری خوشیاں عطاء فرمائے۔۔۔۔۔۔ ہمیں ہر مجلس میں یہ سبق یاد دلایا کرتے تھے کہ '' اللہ ایک ہے''۔۔۔۔۔۔ اس لےے مضمون کا آغاز خود کو اسی سبق کی یاد دہانی سے ہوا۔۔۔۔۔۔ اب چند باتیں ان کے بارے میں جو ہمارے لےے اللہ تعالیٰ کی ایک بہت جلیل القدر نعمت تھے۔۔۔۔۔۔ ان کی صحبت بڑی غنیمت تھی۔۔۔۔۔۔ ان کی زیارت سکون آور تھی۔۔۔۔۔۔ ان کی دعائیں انمول سرمایہ تھیں۔۔۔۔۔۔ ان کی نصیحتیں ایمان افروز تھیں۔۔۔۔۔۔ اور ان کی موجودگی ایک عظیم الشان نعمت تھی۔۔۔۔۔۔ ان کے ساتھ پہلی ملاقات بھی اچھی طرح یاد ہے۔۔۔۔۔۔ بالکل ایک حسین روحانی خواب کی طرح۔۔۔۔۔۔ اور ان کے ساتھ آخری ملاقات بھی یاد ہے۔۔۔۔۔۔ ہاں اس فانی دنیا میں آخری۔۔۔۔۔۔ آگے اللہ پاک رحم فرمائے۔۔۔۔۔۔ وہ تو اونچے درجوں والے آدمی تھے۔۔۔۔۔۔ اس دنیا کی ہر خوشی اور راحت بیچ کر آخرت خریدنے والے آدمی۔۔۔۔۔۔ ایسے محنتی، مخلص اور جفاکش لوگوں کے تو آخرت میں اونچے درجے ہوں گے۔۔۔۔۔۔ اللہ پاک ہم تن آسانوں پر بھی رحم فرمائے۔۔۔۔۔۔ پہلی اور آخری ملاقاتوں کے درمیان بہت سی ملاقاتیں ہوئیں۔۔۔۔۔۔ کراچی، بالاکوٹ، ہری پور، بہاولپور، ملتان۔۔۔۔۔۔ جی ہاں شکر ہے میرے رب کا بہت سی ملاقاتیں ہوئیں۔۔۔۔۔۔ لمبی لمبی، پیاری پیاری ملاقاتیں ہوئیں۔۔۔۔۔۔ خوب مزہ آیا خوب لطف اٹھایا۔۔۔۔۔۔ خوب پیار پایا۔۔۔۔۔۔ اور پھر ان کے انتقال کی خبر بھی آگئی۔۔۔۔۔۔ اس وقت جب پر بندھے ہوئے تھے۔۔۔۔۔۔ اور راستہ بہت دور تھا۔۔۔۔۔۔ وہ تو موت کا یوں بے قراری سے انتظار کر رہے تھے جس طرح مجنوں لیلیٰ کا۔۔۔۔۔۔ اور جوان دولہا سہاگ رات کا۔۔۔۔۔۔ اپنا کفن ساتھ اٹھائے پھرتے تھے۔۔۔۔۔۔ اور اسے عروسی کے جوڑے کی طرح اپنے بستر کے بہت قریب رکھتے تھے۔۔۔۔۔۔ ہر آدمی کو اپنی موت کے بارے میں طرح طرح کی فکریں ہوتی ہیں۔۔۔۔۔۔ ان کو بس ایک فکر تھی کہ کفن دفن میں دیر نہ ہوجائے۔۔۔۔۔۔ بس روح کے آزاد ہوتے ہی چار گھنٹے کے اندر تدفین ہوجائے۔۔۔۔۔۔ کسی کا انتظار نہ کیا جائے۔۔۔۔۔۔ بات سمجھ میں آتی ہے کہ اتنی جلدی کیوں تھی؟۔۔۔۔۔۔ ہاں وہ فرمایا کرتے تھے '' اللہ ایک ہے''۔۔۔۔۔۔ ان کا جینا مرنا اسی اللہ ایک کے لئے تھا تو پھر۔۔۔۔۔۔ اس کے پاس جانے میں دیر کیسی؟۔۔۔۔۔۔ دنیا میں کس کا انتظار؟۔۔۔۔۔۔ مجھے جلدی رب کے مہمان خانے میں پہنچادینا۔۔۔۔۔۔ مجھے جلدی قبر میں دفن کر آنا۔۔۔۔۔۔ میرا محبوب ایک ہے۔۔۔۔۔۔ اللہ ایک ہے۔۔۔۔۔۔ اللہ ایک ہے۔۔۔۔۔۔

[hazratg]

پہلی ملاقات
اگر ان کے ساتھ وابستہ یادوں کو لکھنا شروع کروں تو بات بہت لمبی ہوجائے گی۔۔۔۔۔۔ دراصل وہ ہم پر اللہ تعالیٰ کا ایک عظیم احسان تھے۔۔۔۔۔۔ میرے مہربان اور رحمن مالک کا احسان دیکھئے کہ جیسے ہی مجاہدین پر مشکل وقت آنے لگا۔۔۔۔۔۔ اس نے تکوینی طور پر زمانے کے بڑے بڑے اولیاء کو جہاد اور مجاہدین کے سروں کا سایہ بنادیا۔۔۔۔۔۔ گذشتہ سات سال میں جو کچھ ہوا۔۔۔۔۔۔ اگر حضرت لدھیانوی شہیدؒ ۔۔۔۔۔۔ کی شفقت وسرپرستی اور حضرت قاری محمد عرفان صاحبؒ کی رہنمائی اور دعائیں نہ ہوتیں تو معاملہ کافی مشکل ہوجاتا۔۔۔۔۔۔ ان دو حضرات کا نام تو قلم پر آگیا وگرنہ۔۔۔۔۔۔ اولیاء کرام کی ایک قابل قدر فہرست الحمد للہ آنکھوں کے سامنے ہے۔۔۔۔۔۔ ان میں کچھ اپنے رب کے پاس چلے گئے۔۔۔۔۔۔ اور چند ایک الحمد للہ موجود ہیں۔۔۔۔۔۔ اللہ تعالیٰ ان کی زندگیوں میں برکت عطاء فرمائے۔۔۔۔۔۔ یہ تمام حضرات اپنی ان ذمہ داریوں کو نباہ رہے تھے جو تکوینی طور پر اللہ تعالیٰ نے ان کے سپرد کی تھیں۔۔۔۔۔۔ مگر پھر یکایک اللہ تعالیٰ نے ان سب حضرات کے دلوں کو جہاد کی طرف متوجہ فرمادیا۔۔۔۔۔۔ اور ان کی دعاؤں کو مجاہدین کی قوت بنادیا۔۔۔۔۔۔ اے مسلمانو! موجودہ زمانے کے جہاد کی اس سے بڑھ کر اور کیا حقانیت ہوسکتی ہے؟۔۔۔۔۔۔ تفسیر اور حدیث کے امام مجاہدین کی سرپرستی کر رہے ہیں۔۔۔۔۔۔ اور زمانے کے قطب ابدال مجاہدین کے لئے دعائیں اور آنسو بہا رہے ہیں۔۔۔۔۔۔ جب ''جماعت'' کا قیام عمل میں آیا تو ایک دن حضرت لدھیانوی شہیدؒ نے مجھے بلایا۔۔۔۔۔۔ اس دن ان پر عجیب کیفیت طاری تھی اور آنکھیں نور سے چمک رہی تھیں۔۔۔۔۔۔ ارشاد فرمایا! بھائی مخالفت بہت ہوگی بالکل پروا نہ کرنا۔۔۔۔۔۔ کام انشاء اللہ خوب چلے گا۔۔۔۔۔۔ بس اپنے کام میں لگے رہنا مخالفین کے پیچھے نہ پڑ جانا۔۔۔۔۔۔ پھر ایک تحریر لکھوائی۔۔۔۔۔۔ اور اس جماعت کو اپنی جماعت قرار دیا۔۔۔۔۔۔ اب بھی الحمد للہ بعض اکابر حیات ہیں۔۔۔۔۔۔ اور وہ جہاد اور مجاہدین کی مکمل سرپرستی فرماتے ہیں۔۔۔۔۔۔ خیر یہ تو ایک الگ موضوع ہے۔۔۔۔۔۔ عرض یہ کر رہا تھا کہ اگر حضرت قاری صاحبؒ سے وابستہ تمام یادیں لکھوں تو پوری ایک کتاب بن جائے گی۔۔۔۔۔۔ اس لئے صرف وہی باتیں عرض کرنے کی کوشش کروں گا جن میں میرے لئے اور پڑھنے والوں کے لئے کوئی سبق ہوگا اور کوئی نصیحت۔۔۔۔۔۔ یا اللہ آپ کو آپ کے ایک ہونے کا واسطہ میری مدد فرما دیجئے۔۔۔۔۔۔
حضرت قاری صاحبؒ سے پہلی ملاقات بہت اچانک اور بہت دلکش تھی۔۔۔۔۔۔ مجھے ان کے صاحبزادے نے بتایا کہ میرے والد صاحب ملنا چاہتے ہیں۔۔۔۔۔۔ میں نے عرض کیا ضرور تشریف لے آئیں۔۔۔۔۔۔ میں اپنی رہائی کے بعد کراچی میں عارضی طور پر مقیم تھا۔۔۔۔۔۔ اور جماعت کے قیام کا اہم ترین مرحلہ شروع تھا۔۔۔۔۔۔ ہر طرف شور اور گہما گہمی تھی۔۔۔۔۔۔ ایک طرف محبت کرنے والوں کے سمندر تھے تو دوسری طرف جماعت کے قیام کو روکنے والوں کے بڑے بڑے گڑھے۔۔۔۔۔۔ مجھے اندازہ نہیں تھا کہ کام کے شروع میں ہی اتنی مشکلات سامنے آجائیں گی۔۔۔۔۔۔
حافظ شیرازؒ تو فرماتے ہیں ؎
کہ عشق آساں نمود اوّل ولے اُفتاد مشکلہا
کہ شروع میں عشق آسان تھا مگر پھر اچانک مشکلات آگئیں۔۔۔۔۔۔ مگر ہمارے ساتھ تو عجیب ہوا کہ۔۔۔۔۔۔ عشق شروع ہوتے ہی مشکلات نے اپنے نوکیلے دانت نکال لئے۔۔۔۔۔۔ اس وقت جہادی جماعتیں آزادی کے ساتھ کام کر رہی تھیں۔۔۔۔۔۔ ملکی اور عالمی سطح پر کوئی خاص رکاوٹیں نہیں تھیں۔۔۔۔۔۔ پاکستان میں دو درجن سے زائد جہادی جماعتیں موجود تھیں۔۔۔۔۔۔ ان کے کھلے عام دفاتر تھے۔۔۔۔۔۔ چنانچہ میں نے اور میرے رفقاء نے بھی یہی سوچا کہ ہمارے لئے بھی جماعت قائم کرنا اور اسے چلانا کوئی مسئلہ نہیں ہوگا۔۔۔۔۔۔ مگر جیسے ہی ہم نے نام تجویز کیا اور جماعت کا اعلان کرنے کی تیاری کی۔۔۔۔۔۔ دنیا بھر میں گویا ایک بھونچال آگیا۔۔۔۔۔۔ عالمی طاقتوں نے حکومت پاکستان سے کہا کہ ان کو روکو یہ عالمی دہشت گرد جمع کریں گے۔۔۔۔۔۔ اور پاکستان میں قائم بعض جہادی جماعتوں نے حکومت سے فریاد کی کہ ان کو روکو یہ فرقہ پرستی پھیلائیں گے اور حکومت سے آزاد ہو کر کام کریں گے۔۔۔۔۔۔
الغرض ہر طرف سے اتنا دباؤ پڑا کہ حکومت پاکستان نے پوری قوت کے ساتھ جماعت کے اعلان کو روکنے کا فیصلہ کرلیا۔۔۔۔۔۔ اور یہ طے پا گیا کہ اڑنے سے پہلے ہی ان کے پر کاٹ دیئے جائیں۔۔۔۔۔۔ دوسری طرف ہم نے اللہ تعالیٰ کے بھروسے پر اپنی کشتی طوفان میں ڈالنے کا عزم کرلیا تھا۔۔۔۔۔۔ مگر ہم کمزور تھے اور حکومت بہت طاقتور۔۔۔۔۔۔ میں کئی سال بعد پاکستان آیا تھا۔۔۔۔۔۔ دفتر تو درکنار اپنے بیٹھنے کی جگہ بھی نہیں تھی۔۔۔۔۔۔ ان حالات میں اچانک حضرت قاری صاحبؒ میرے کمرے میں داخل ہوئے۔۔۔۔۔۔ جی ہاں اللہ تعالیٰ کی نصرت بن کر۔۔۔۔۔۔ اور کمرہ خوشبو سے مہکنے لگا اور روشنی سے چمکنے لگا۔۔۔۔۔۔ وہ اپنے بیٹے کے سہارے چل کر آئے مجھے خوب سینے لگایا اور چند ایسی باتیں فرمائیں کہ میں بوکھلا گیا۔۔۔۔۔۔ ان کی باتوں میں بے پناہ محبت تھی اور کچھ بشارتیں۔۔۔۔۔۔

[hazratg]

پہلی ملاقات کا سبق
اس ملاقات کی کیفیت تو الفاظ میں بیان نہیں ہوسکتی۔۔۔۔۔۔ مگر اتنا یاد ہے کہ ان کی آنکھیں بھیگی ہوئی تھیں۔۔۔۔۔۔ اور ان کے الفاظ سیدھے دل میں اتر رہے تھے۔۔۔۔۔۔ تھوڑی دیر بعد ارشاد فرمایا کہ اللہ تعالیٰ مجھ ناچیز کی دعائیں اپنے فضل سے قبول کرتا ہے۔۔۔۔۔۔ میں نے فوراً عرض کیا۔۔۔۔۔۔ حضرت ہماری جماعت قائم ہوجائے اس کی دعاء فرمادیجئے۔۔۔۔۔۔ ارشاد فرمایا:۔۔۔۔۔۔ میں آپ کے لئے دعاء کروں؟۔۔۔۔۔۔ چلیں ٹھیک ہے میرے پاس دلیل موجود ہے کہ چھوٹا بڑے کے لئے دعاء کرسکتا ہے۔۔۔۔۔۔ حضور پاک صلی اللہ علیہ وسلم نے حضرت عمر رضی اللہ عنہ سے دعاء کی فرمائش فرمائی تھی۔۔۔۔۔۔ کیا آپ اجازت دیں گے کہ میں دو رکعت نماز ادا کروں۔۔۔۔۔۔ میں نے ادب سے سر ہلادیا انہوں نے اپنا رومال بچھایا۔۔۔۔۔۔ دو رکعت نماز بیٹھ کر ادا کی اور پھر دعاء کے لئے ہاتھ اٹھالئے۔۔۔۔۔۔ یا اللہ آپ ایک ہیں۔۔۔۔۔۔ آپ نے خود قرآن مجید میں چالیس سے زائد بار فرمایا ہے۔۔۔۔۔۔ ان اللہ علٰی کل شیء قدیر۔۔۔۔۔۔ و اللہ علٰی کل شیء قدیر۔۔۔۔۔۔ وہ اسی طرح اللہ تعالیٰ سے باتیں کرتے رہے اور دعاء فرماتے رہے۔۔۔۔۔۔ میں نے ایسی دعائیں پہلی بار دیکھی اور سنی تھی۔۔۔۔۔۔ ہم بھی ہاتھ اٹھا کر ان کے ساتھ شریک تھے۔۔۔۔۔۔ وہ کبھی دعا کرتے اور کبھی درمیان میں ہمیں کوئی نصیحت۔۔۔۔۔۔ پتہ نہیں چل رہا تھا کہ دعاء ہے یا اصلاحی بیان۔۔۔۔۔۔ پھر اچانک انہوں نے ہاتھ چہرے پر پھیرے اور مجھے فرمایا۔۔۔۔۔۔ انشاء اللہ جماعت ضرور بنے گی۔۔۔۔۔۔ کوئی مائی کا لال نہیں روک سکے گا۔۔۔۔۔۔ اور جماعت خوب چلے گی۔۔۔۔۔۔ اور بھی اس طرح کی چند باتیں ارشاد فرمائیں۔۔۔۔۔۔
پھر انہوں نے وعدہ لیا کہ اگر جماعت بن گئی تو آپ میرے گاؤں میری مسجد میں آ کر بیان کریں گے۔۔۔۔۔۔ میں نے عرض کیا ضرور انشاء اللہ ۔۔۔۔۔۔ پھر وہ جانے لگے میں نے حاضرین سے آواز چھپا کر عرض کیا۔۔۔۔۔۔ اولاد کی تمنا ہے دعاء فرمائیں کہ اللہ پاک صالح اولاد عطاء فرمادے۔۔۔۔۔۔ شادی چند دنوں تک ہونے والی ہے ۔۔۔۔۔۔ وہ تھوڑی دیر کے لئے خاموش ہوئے اور فرمایا انشاء اللہ بیٹا ہوگا۔۔۔۔۔۔ اور جتنی کم سے کم مدّت میں صحت مند بچہ پیدا ہوسکتا ہے۔۔۔۔۔۔ انشاء اللہ اتنی مدّت میں پیدا ہوجائے گا۔۔۔۔۔۔ پھر مصافحہ ہوا اور وہ ہمیں حیران چھوڑ کر تشریف لے گئے۔۔۔۔۔۔ اس ملاقات کے محض چند دن بعد حضرت مفتی نظام الدین شامزیؒ اور حضرت مفتی جمیل خان صاحبؒ نے کراچی پریس کلب میں جماعت کا اعلان کردیا۔۔۔۔۔۔ اور شادی کے نو مہینے بعد اللہ پاک نے مجھے بیٹا عطاء فرمادیا۔۔۔۔۔۔ اور یہ حدیث شریف دل و دماغ میں نور بکھیرنے لگی۔۔۔۔۔۔ حضور اکرم صلی اللہ علیہ وسلم نے ارشاد فرمایا۔۔۔۔۔۔
رُبّ اشعث اَغبر مدفوع بالابواب لو اقسم علی اللہ لابرّہ
یعنی بہت سے پراگندہ حال لوگ ایسے ہوتے ہیں کہ اگر وہ اللہ تعالیٰ پر قسم کھالیں تو اللہ تعالیٰ ان کی قسم کو ضرور پورا کرے (صحےح مسلم)
حضرت قاری صاحبؒ کی بعض صفات
حضرت قاری صاحبؒ کی خدمت میں حاضری سے بہت دینی فائدہ ملتا تھا۔۔۔۔۔۔ وہ عجیب علمی نکتے بھی بیان فرماتے تھے۔۔۔۔۔۔ ایک بار فرمایا پانی کی آٹھ قسمیں ہیں۔۔۔۔۔۔ آپ لوگ بتائیں کہ ان میں سے سب سے افضل پانی کونسا ہے؟۔۔۔۔۔۔ پھر ارشاد فرمایا سب سے افضل وہ پانی ہے جو بطور معجزہ حضور اقدس صلی اللہ علیہ وسلم کی مبارک انگلیوں سے نکلا تھا۔۔۔۔۔۔ اس کے بعد باقی سات اقسام بیان فرمائیں۔۔۔۔۔۔ ہم نے یہ نکتہ ان ہی کی زبانی سنا۔۔۔۔۔۔ اسی طرح ایک بار ارشاد فرمایا کہ جہاد کی قرآنی آیات ایک ہزار ہیں۔۔۔۔۔۔ اب بندہ نے تفاسیر کے مطالعے اور قرآن پاک کی بار بار تلاوت کے بعد جو فہرستیں مرتب کی ہیں ان سے یہی اندازہ ہوتا ہے کہ۔۔۔۔۔۔ اگر مکمل تحقیق کی جائے تو مکی سورتوں کے اشارات جہاد سمیت کم و بیش ایک ہزار آیات میں جہاد کا مسئلہ بیان ہوا ہے۔۔۔۔۔۔ حضرت قاری صاحبؒ کو قرآن پاک کے ساتھ بہت گہرا تعلق نصیب ہوا تھا۔۔۔۔۔۔ وہ قرآن پاک کے علوم اور تجوید کے متعلق نکتے جمع فرماتے تھے اور ان کو بیان بھی کرتے تھے۔۔۔۔۔۔ میں نے ان کے کاغذات میں کئی فہرستیں دیکھی ہیں جو وہ خود مرتب فرمارہے تھے۔۔۔۔۔۔ قرآن پاک کا ذاتی نام ''قرآن مجید'' قرآن میں کتنی جگہ آیا ہے؟۔۔۔۔۔۔ علم کا لفظ قرآن پاک میں کتنی جگہ آیا ہے؟۔۔۔۔۔۔ اسی طرح جب بھی حضرت قاری صاحبؒ کے سامنے کوئی مسئلہ پیش کیا جاتا تو اس کا حل قرآن پاک سے بتانے کی کوشش فرماتے تھے۔۔۔۔۔۔ اور قرآنی وظائف پر بھی خاصا عبور رکھتے تھے۔۔۔۔۔۔ یہ باتیں اور علمی سوغاتیں تو ان کی ہر مجلس کا تحفہ تھیں۔۔۔۔۔۔ ہمیں جو اصل فوائد نصیب ہوتے تھے ان میں سے چند ایک درج ذیل ہیں:
(١) اللہ ایک ہے، اس کا یقین مضبوط ہوتا تھا
(٢) جہاد سے محبت بڑھتی تھی
(٣) دنیا سے بے رغبتی پیدا ہوتی تھی
(٤) رضا بالقضاء یعنی اللہ تعالیٰ کی تقدیر پر راضی رہنے کا جذبہ پیدا ہوتا تھا
(٥) ''توکل'' کا مطلب سمجھ آتا تھا
(٦) حضور پاک صلی اللہ علیہ وسلم کی اتباع کا شوق اور صحابہ کرام کی محبت تازہ ہوتی تھی۔
حضرت قاری صاحبؒ بعض اوقات کسی کام کی پیشین گوئی بھی فرما دیتے تھے۔۔۔۔۔۔ چنانچہ کچھ لوگوں نے کہنا شروع کردیا کہ ہم ان سے بشارتیں اور پیشین گوئیاں سننے جاتے ہیں۔۔۔۔۔۔ حالانکہ ایسا ہر گز نہیں تھا۔۔۔۔۔۔ ہم تو اس دور میں ماضی کے ایک مبارک انسان کی زیارت کے لئے جاتے تھے۔۔۔۔۔۔ جو دنیا میں رہتے ہوئے دنیا کو چھوڑ چکا تھا۔۔۔۔۔۔ جو اس دنیا کے ہر انسان کو کچھ نہ کچھ دینے کی فکر رکھتا تھا۔۔۔۔۔۔ اور خود کسی سے کچھ لینے کا آرزومند نہیں تھا۔۔۔۔۔۔ جو سر سے پاؤں تک بیماریوں، تکلیفوں اور معذوریوں کے باوجود زبان پر شکوہ نہیں لاتا تھا۔۔۔۔۔۔ اور اللہ تعالیٰ کے شکر میں مگن رہتا تھا۔۔۔۔۔۔ جو اللہ تعالیٰ کے سوا کسی کو بھی راضی رکھنے کی فکر نہیں کرتا تھا۔۔۔۔۔۔ جو سوکھی روٹی پانی میں بھگو کر شکر کرکے کھاتا تھا۔۔۔۔۔۔ جو چوبیس گھنٹے میں تین گھنٹے سوتا تھا۔۔۔۔۔۔ جو دین کے کاموں کے لئے اسی طرح تڑپتا تھا جس طرح اہل دنیا مال کے لئے تڑپتے ہیں۔۔۔۔۔۔ اور جو ہر وقت موت کی مکمل تیاری میں رہتا تھا۔۔۔۔۔۔ جی ہاں مکمل تیاری میں۔۔۔۔۔۔ کیا ہم بھی ایسے ہیں؟۔۔۔۔۔۔ نہیں ہم تو اس دنیا کی راحت، عزت اور مفاد کی خاطر آخرت کی ہر نعمت قربان کردیتے ہیں۔۔۔۔۔۔ جبکہ اس نے آخرت کی خاطر دنیا کی ہر راحت اور نعمت کو قربان کر رکھا تھا۔۔۔۔۔۔ کیونکہ اس کو یقین تھا کہ اللہ ایک ہے۔۔۔۔۔۔

[hazratg]

جہاد سے والہانہ محبت
ایک بار انہوں نے ملاقات کے لئے یاد فرمایا۔۔۔۔۔۔ ہم چند ساتھی حاضر خدمت ہوئے تو اس دن کا منظر حیران کن تھا۔۔۔۔۔۔ حضرت قاری صاحبؒ خاکی رنگ کا لباس پہنے بیٹھے تھے۔۔۔۔۔۔ حیرانی کی وجہ یہ تھی کہ حضرت ہمیشہ سفید لباس کا شدت سے اہتمام کرتے تھے۔۔۔۔۔۔ اور دوسروں کو بھی اس کی ترغیب دیتے تھے۔۔۔۔۔۔ یہ ان کا اپنا خاص ذوق تھا اور اللہ والوں کی اپنی بعض خاص ''ذوقیات'' ہوا کرتی ہیں۔۔۔۔۔۔ ان کے ہاں سفید لباس کا اہتمام اس قدر تھا کہ اپنی مخصوص اصلاحی مجالس میں اس لباس کے بغیر شرکت کی اجازت نہیں دیتے تھے۔۔۔۔۔۔ مگر اس دن انہوں نے خاکی رنگ کی شلوار پہن رکھی تھی اور طبیعت پر بے حد جوش طاری تھا۔۔۔۔۔۔ ارشاد فرمانے لگے یہ لباس میں نے خاص طور پر سلوایا ہے صرف جہاد کے لئے ۔۔۔۔۔۔ صرف جہاد کے لئے۔۔۔۔۔۔ اب میں جہاد میں شرکت کے لئے تیار ہوں۔۔۔۔۔۔ پھر اپنا عصا اٹھا کر کھڑے ہوگئے اور جہاد کی شان میں جوش سے بیان فرمانے لگے۔۔۔۔۔۔ جب ہماری واپسی ہوئی تو گھر سے باہر تک چھوڑنے کے لئے نکلے اور دروازے سے نکل کر دیوار کا سہارا لے کر کھڑے ہوگئے۔۔۔۔۔۔ اور بہت بلند آوازسے والہانہ انداز میں جہاد پر بیان فرماتے رہے۔۔۔۔۔۔ اہل محلہ کافی تعداد میں جمع ہوگئے۔۔۔۔۔۔ وہ سب حیرت سے دیکھ رہے تھے کہ یہ کیا ہورہا ہے؟۔۔۔۔۔۔ مگر جہاد کی محبت میں سرمست حضرت قاری صاحبؒ کس کی پروا کرتے تھے؟۔۔۔۔۔۔ حضرت قاری صاحبؒ کے جہاد کے ساتھ تعلق کے واقعات بہت زیادہ ہیں۔۔۔۔۔۔ میں نے خاکی لباس والا واقعہ اس لئے عرض کردیا کہ وہ لوگ جو حضرت قاری صاحبؒ کو جانتے ہیں۔۔۔۔۔۔ وہ اس بات کا اندازہ لگا سکتے ہیں کہ حضرت قاری صاحبؒ کے نزدیک جہاد کا کیا مقام تھا کہ انہوں نے اس کی خاطر اپنے لباس تک کو کچھ دیر کے لئے بدل لیا۔۔۔۔۔۔ حضرت قاری صاحبؒ کئی سال تک مجاہدین کے سروں پر ٹھنڈا سایہ بنے رہے۔۔۔۔۔۔ وہ مجاہدین کی آمد پر اتنے خوش ہوتے کہ نعرے لگاتے ہوئے اپنی معذوری کے باوجود باہر نکل آتے۔۔۔۔۔۔ میں کس طرح سے اس منظر کو بھولوں گا کہ ایک مرتبہ جب ہم ا ن کے کمرے میں داخل ہوئے تو وہ دروازے کے پاس گھٹنوں کے بل کھڑے ہو کر ہم سے ملے۔۔۔۔۔۔ حالانکہ معذوری اور بیماری کا یہ عالم تھا کہ اپنے بستر سے گھسٹ گھسٹ کر دروازے تک آتے تھے مگر پھر بھی بے حد خوش تھے۔۔۔۔۔۔ وہ کئی بار مجاہدین کے مراکز میں تشریف لے گئے اور کئی کئی دن کا بابرکت قیام فرمایا۔۔۔۔۔۔ جہادی جماعتوں پر پابندی لگی تو حضرت قاری صاحبؒ کی محبت، شفقت اور سرپرستی میں مزید جوش آگیا۔۔۔۔۔۔ وہ مجاہدین کو ہمت دلاتے تھے، دعاؤں سے نوازتے تھے، ملاقات کے وقت خوب کھلاتے پلاتے تھے اور رخصت کے وقت مالی ہدایا دیتے تھے۔۔۔۔۔۔ ہماری جماعت پر تو ان کے احسانات شمار سے باہر ہیں۔۔۔۔۔۔ وہ اسے اپنی جماعت سمجھتے تھے اور صرف اسی جماعت کی سرپرستی فرماتے تھے۔۔۔۔۔۔ جماعت کے قیام کے بعد جماعت کی تعلیم کے لئے مرکز کا انتظام نہیں تھا۔۔۔۔۔۔ حکومت وقت نے بہت رکاوٹ ڈال رکھی تھی۔۔۔۔۔۔ اور بعض بااختیار افراد نے تو کہہ دیا تھا کہ ایک سال تک اس کا خیال ہی دل سے نکال دو۔۔۔۔۔۔ ہم نے حضرت قاری صاحبؒ سے دعاء کی درخواست کی۔۔۔۔۔۔ انہوں نے دعاء فرمائی اور پھر ارشاد فرمایا مرکز جلدی بنے گا کوئی مائی کا لال نہیں روک سکے گا اور خوب کام ہوگا۔۔۔۔۔۔ اللہ پاک نے ان کی دعاء سن لی اور چند دن بعد کئی ہزار افراد کی موجودگی میں انہوں نے خود اس مرکز کا افتتاح کیا۔۔۔۔۔۔ اور الحمد للہ پانچ سال میں ایک لاکھ کے لگ بھگ افراد نے اس مرکز سے فیض حاصل کیا۔۔۔۔۔۔ حضرت قاری صاحبؒ خود بھی اس مرکز سے محبت رکھتے تھے۔۔۔۔۔۔ وہ کئی مرتبہ یہاں تشریف لائے۔۔۔۔۔۔ آخری بار اپنی بیماری کے باوجود اہلیہ محترمہ کے ساتھ تشریف لائے۔۔۔۔۔۔ چند دن قیام فرمایا۔۔۔۔۔۔ ملاقات کے لئے حاضری ہوئی تو بہت خوش تھے۔۔۔۔۔۔ اپنا کفن دکھا کر فرمایا کہ اگر میرا یہاں انتقال ہو جائے تو چار گھنٹے کے اندر اسی مرکز میں تدفین کردیں۔۔۔۔۔۔ اور میری اہلیہ یہاں چار مہینے دس دن کی عدت گزاریں گی پھر اپنے گاؤں چلی جائیں گی۔۔۔۔۔۔ مرکز کے اس قیام کے دوران انہوں نے ''بسم اللہ الرحمن الرحیم'' کا وہ عمل بھی عطاء فرمایا جو ۔۔۔۔۔۔ مجاہدین کے لئے ''رحمت الٰہی'' اور ''نصرت ربانی'' کا ذریعہ بنا ہواہے۔۔۔۔۔۔ ماشاء اللہ ولا قوۃ الا ب اللہ ۔۔۔۔۔۔
مختصر واقعہ اس عمل کے عطاء فرمانے کا یہ ہے کہ ۔۔۔۔۔۔ جب حضرت نے مرکز کا آخری سفر فرمایا تو بندہ بھی زیارت وملاقات کے لئے حاضر ہوا۔۔۔۔۔۔ آپ نے اپنے کمرے کے درمیان چادر لٹکاکر اس کے دو حصے کردئےے تھے۔۔۔۔۔۔ ایک حصے میں اہلیہ محترمہ کا قیام تھا اور دوسرے میں حضرت ؒ آنے والوں سے ملاقات کرتے تھے۔۔۔۔۔۔
میں حاضر ہوا تو حسب سابق بہت محبت اور تپاک سے ملے۔۔۔۔۔۔ پہلے انہوں نے شکریہ ادا کیا کہ آپ کے ساتھیوں نے میرے لئے بہت اچھا انتظام کیا ہے۔۔۔۔۔۔ میں یہاں خوش ہوں۔۔۔۔۔۔ پھر ان کی آنکھوں میں آنسو آگئے وہ رومال سے آنسو پونچھتے تھے اور فرماتے تھے مجھے سب پتا چل گیا ہے کہ آپ کے خلاف کیا کچھ کیا جارہاہے۔۔۔۔۔۔ (ان دنوں جماعت میں کافی بحران تھا اور ہمارے خلاف شدید مہم چلی ہوئی تھی مگر ہم نے حضرت قاری صاحبؒ کو کچھ نہیں بتایا تھا) مگر یاد رکھیں مولانا! کہ اللہ ایک ہے۔۔۔۔۔۔ یہ لوگ کامیاب نہیں ہوں گے۔۔۔۔۔۔ اس لئے کہ اللہ ایک ہے اور وہ آپ کے ساتھ ہے۔۔۔۔۔۔ اگر دو ہوتے تو ایک ان کے ساتھ ہوتا ایک آپ کے ساتھ ۔۔۔۔۔۔ مگر اللہ ایک ہے۔۔۔۔۔۔ ہاں بس آپ اتنا کریں کہ میں ایک عمل بتاتا ہوں۔۔۔۔۔۔ آپ وعدہ کریں کہ یہ عمل اپنے والد صاحب کو بھی نہیں بتائیں گے۔۔۔۔۔۔ میں بھی یہ عمل کرتا ہوں آپ بھی کریں اور ایک اور ساتھی بھی۔۔۔۔۔۔ انشاء اللہ مخالفوں کی ہر سازش ناکام ہوجائے گی۔۔۔۔۔۔ پھر حضرت نے ''بسم اللہ الرحمن الرحیم'' کا عمل تلقین فرمایا۔۔۔۔۔۔ ''بسم اللہ الرحمن الرحیم'' تو اللہ تعالیٰ کے عرش کے خزانوں میں سے ایک بڑا خزانہ ہے۔۔۔۔۔۔ اللہ پاک نے اس عمل کے ساتھ کی ہوئی دعا قبول فرمائی اور ہماری جماعت الحمد للہ محفوظ رہی۔۔۔۔۔۔ اس کے بعد حضرت ؒ کراچی تشریف لے گئے۔۔۔۔۔۔ بندہ کو ''بسم اللہ الرحمن الرحیم'' کے عمل سے بہت فائدہ ہوا تو مجاہدین کے لئے اس عمل کو عام کرانے کی تمنا پیدا ہوئی۔۔۔۔۔۔ میں نے حضرتؒ سے ٹیلیفون پر عرض کیا کہ مجاہدین بہت مظلوم اور پریشان حال ہیں۔۔۔۔۔۔ مہربانی فرمائیں اور اس عمل کو عام فرما دیں۔۔۔۔۔۔ حضرتؒ خلاف عادت تھوڑی دیر خاموش رہے اور پھر فرمایا ٹھیک ہے۔۔۔۔۔۔ وہ دن ہے اور آج کا دن کہ اللہ تعالیٰ نے مجاہدین کو ''بسم اللہ الرحمن الرحیم'' کی قوت اور برکت میں سے حصہ عطاء فرمادیا ہے۔۔۔۔۔۔ جو کہ یقینا ہمارے حضرت قاری صاحبؒ کا فیض اور ان کا صدقہ جاریہ ہے۔۔۔۔۔۔ (قارئین القلم اگر یہ عمل معلوم کرنا چاہیں تو لطف اللطیف د میں ملاحظہ فرمالیں)۔۔۔۔۔۔
جہاد کے ساتھ حضرت قاری صاحبؒ کے تعلق کی داستان بہت طویل ہے۔۔۔۔۔۔ انہوں نے مجاہدین کو بہت فائدہ پہنچایا۔۔۔۔۔۔ اور مستقبل کے لئے بہت اعلیٰ بشارتوں سے نوازا۔۔۔۔۔۔ اللہ تعالیٰ پر کسی کا زور نہیں چلتا کبھی وہ اپنے بندوں کو ''کرامت'' سے نوازتا ہے اور بشارتوں اور پیشین گوئیوں کو پورا فرمادیتا ہے۔۔۔۔۔۔ اور کبھی وہ شان بے نیازی پر آتا ہے تو اولیاء اللہ کی زبان سے نکلی ہوئی بشارت بھی پوری نہیں ہوتی۔۔۔۔۔۔ کُلَّ یَومٍ ہُوَ فی شأن۔۔۔۔۔۔ اللہ تعالیٰ مالک ہے۔۔۔۔۔۔ اور ہم اس کے بندے ہیں۔۔۔۔۔۔ ہماری دعاء ہے کہ حضرت قاری صاحبؒ نے ہم ناکارہ لوگوں کو جن دعاؤں سے نوازا۔۔۔۔۔۔ جن بشارتوں سے نوازا۔۔۔۔۔۔ اللہ پاک ان کو محض اپنے فضل سے پورا فرمادے گا۔۔۔۔۔۔ اس لےے کہ ہمارا تو اللہ تعالیٰ کے سوا کوئی نہیں۔۔۔۔۔۔ اور اللہ ایک ہے۔۔۔۔۔۔
مقبولیت دعاء کی وجہ
حضرت قاری صاحب ؒ ''مستجاب الدعوات'' تھے یعنی ان کی دعائیں قبول ہوتی تھیں۔۔۔۔۔۔ دعاء قبول ہونے کی جو شرطیں احادیث مبارکہ میں آئی ہیں وہ حضرت قاری صاحبؒ میں موجود تھیں۔۔۔۔۔۔ میں نے ان کے ساتھ ایک بار چوبیس گھنٹے کا وقت گزارا۔۔۔۔۔۔ اس پورے عرصے میں انہوں نے برف کے دو چمچے تناول فرمائے۔۔۔۔۔۔ نہ روٹی نہ سالن نہ چائے ارشاد فرمایا کہ برف لے آئیں۔۔۔۔۔۔ برف کو کوٹ کر دو چمچے کھالئے اور بس۔۔۔۔۔۔ حالانکہ سفر تھا مگر وہ اس کم خوراکی کے باوجود ہشاش بشاش رہے۔۔۔۔۔۔ رزق حلال کا بہت زیادہ اہتمام تھا۔۔۔۔۔۔ بلاتحقیق کسی کا ہدیہ تک نہ لیتے تھے۔۔۔۔۔۔ ذکر وعبادت تو ماشاء اللہ اسلاف کے طرز کی تھی۔۔۔۔۔۔ جبکہ شریعت کی پابندی اور اتباع سنت میں بھی بہت سخت تھے۔۔۔۔۔۔ یہ تمام صفات انسان کی دعاء کو جاندار بناتی ہیں مگر حضرت قاری صاحبؒ اپنے ''مستجاب الدعوات'' ہونے کی ایک خاص وجہ بیان فرمایا کرتے تھے۔۔۔۔۔۔ ارشاد فرمایا کہ ایک بار میرے شیخ ؒ نے مجھے بلایا۔۔۔۔۔۔ (آپ سلسلہ نقشبندیہ میں حضرت اقدس مولانا عبدالغفور عباسی مہاجر مدنیؒ سے بیعت تھے) اور ارشاد فرمایا کہ میں نے آپ کو خلافت دے دی ہے۔۔۔۔۔۔ میں نے عرض کیا حضرت ! میں بہت سخت ہوں مجھے خلافت نہ دیں۔۔۔۔۔۔ مگر حضرت نے خلافت عطاء فرمادی، پھر فرمایا۔۔۔۔۔۔ اگر آپ اللہ تعالیٰ سے شکوہ نہیں کریں گے تو آپ کی ہر دعاء انشاء اللہ قبول ہوگی۔۔۔۔۔۔ چنانچہ مجھ پر جیسے بھی حالات آجائیں میں اللہ تعالیٰ سے شکوہ نہیں کرتا۔۔۔۔۔۔ اللہ اکبر کبیرا۔۔۔۔۔۔ اللہ تعالیٰ کی تقدیر پر راضی رہنا کتنی بڑی صفت۔۔۔۔۔۔ اور کتنی بڑی نعمت ہے۔۔۔۔۔۔
ہم میں سے ہر ایک چاہتا ہے کہ اللہ تعالیٰ مجھ سے خوش ہوجائے۔۔۔۔۔۔ جبکہ ہم خود اللہ تعالیٰ سے خوش نہیں ہوتے۔۔۔۔۔۔ حالانکہ ہم اللہ تعالیٰ سے خوش اور راضی ہوں گے تو وہ ہم سے خوش ہوگا۔۔۔۔۔۔ ہم نے حضرت قاری صاحبؒ کو ہمیشہ اللہ تعالیٰ سے خوش اور راضی دیکھا۔۔۔۔۔۔ وہ خود کو نعمتوں میں ڈوبا ہوا محسوس کرتے تھے۔۔۔۔۔۔ حالانکہ ظاہری طور پر ان کی زندگی اتنی مشکل تھی کہ عام لوگ دو دن بھی اتنی سخت زندگی نہیں گزار سکتے۔۔۔۔۔۔ میں اکثر عرض کرتا ہوں کہ ''مجاہدہئ نفس'' اگر دیکھنا ہو تو حضرت قاری صاحبؒ کی زندگی دیکھیں۔۔۔۔۔۔ وہ پیٹ کی رسولی کی وجہ سے لیٹ تک نہیں سکتے تھے اور ساری رات اور دن بیٹھ کر گزارتے تھے۔۔۔۔۔۔ اور بیٹھے بیٹھے چند گھنٹے کی نیند کرلیتے تھے۔۔۔۔۔۔ ایک طرف معذوری تھی اور دوسری طرف غیرت۔۔۔۔۔۔ تو وضو کرنا بھی ایک پہاڑ تھا۔۔۔۔۔۔ مگر وہ خوشی سے ایسی سخت زندگی مکمل عبادت اور آداب کے ساتھ جی رہے تھے۔۔۔۔۔۔ آج ہم لوگ دو چار تسبیح پڑھ کے اور صرف اصلاحی بیعت کرکے نفس کے جہاد اور مجاہدے کی بات شروع کردیتے ہیں۔۔۔۔۔۔ حالانکہ نفس کا مجاہدہ اور جہاد تو تب ہوتا ہے جب جینا مشکل ہوجائے اور انسان اللہ پاک کی رضاء کے کاموں اور شکر میں لگا رہے۔۔۔۔۔۔
حضرت قاری صاحبؒ علماء کرام سے فتویٰ لے کر دوا تک نہیں کھاتے تھے۔۔۔۔۔۔ اور آپریشن کے تو لفظ سے ہی انہیں چڑ تھی۔۔۔۔۔۔ اللہ اکبرکبیرا۔۔۔۔۔۔ کتنی سخت مشقت والی زندگی انہوں نے خوشی خوشی اللہ پاک کا بندہ بن کر گزاری۔۔۔۔۔۔ اور تو اور جب ان سے حال پوچھا جاتا تھا تو سخت تکلیف کے عالم میں بھی اپنی بیماری کا تذکرہ نہیں چھیڑتے تھے۔۔۔۔۔۔ بلکہ '' اللہ ایک ہے'' کا نعرہ لگا کر دینی باتوں میں مشغول ہوجاتے تھے۔۔۔۔۔۔ ہاں بے شک ایک مؤمن کے لئے یہ بہت بڑی نعمت ہے کہ وہ اللہ تعالیٰ کی تقدیر پر دل سے راضی ہو۔۔۔۔۔۔ آج ہمیں اس نعمت کی سخت ضرورت ہے۔۔۔۔۔۔ حضور اکرم صلی اللہ علیہ وسلم نے اپنی کئی مبارک دعاؤں میں ہمیں یہ نعمت مانگنے کا طریقہ بھی سکھایا ہے۔۔۔۔۔۔ چونکہ یہی نعمت اور صفت حضرت قاری صاحبؒ کے تمام کمالات کی بنیاد تھی اس لےے ہم بھی ان مسنون الفاظ میں اس نعمت کی دعاء مانگا کریں:

[hazratg]

(١) اللہم انی اسئلک الصحۃ والعفۃ والامانۃ وحسن الخلق والرضا بالقدر (بیہقی، کنزالعمال)
ترجمہ: اے اللہ میں آپ سے مانگتا ہوں ''صحت'' اور ''پاکدامنی'' اور ''امانت داری'' اور اچھے اخلاق اور تقدیر پر راضی رہنا۔
(٢) اللہم انی اسئلک الرضا بالقضاء (کنزالعمال)
ترجمہ: یا اللہ میں آپ سے مانگتا ہوں تقدیر پر راضی ہونا۔
(٣) اللہم ارضنی بقضائک وبارک لی فیما قدرلی
ترجمہ: یا اللہ مجھے اپنی تقدیر پر راضی فرمادیجئے اور جو میرے مقدر میں لکھا ہے اس میں میرے لئے برکت عطاء فرمادیجئے۔۔۔۔۔۔
روایات میں آتا ہے کہ سعادت مند آدمی وہ ہے جو اللہ تعالیٰ کی تقدیر پر راضی ہوتا ہے۔۔۔۔۔۔ اور شقی وبدبخت وہ ہے جو تقدیر پر راضی نہیں ہوتا۔۔۔۔۔۔
اللہ پاک مجھے اور آپ سب کو سعادت مند مسلمان بنائے دراصل تقدیر پر راضی نہ ہونے کی دو بڑی وجوہات ہوتی ہیں:
(١) تکبر (٢) حبّ دنیا
جس آدمی کے دل میں تکبر ہوتا ہے اس پر جیسے ہی مشکل حالات آئیں تو وہ چیخنے اور ٹوٹنے لگ جاتاہے کہ میرے ساتھ یہ سب کیوں ہوا؟۔۔۔۔۔۔ حالانکہ ہم سب اللہ تعالیٰ کے غلام اور بندے ہیں اور اس نے ہمیں اپنی غلامی اور بندگی کے لئے پیدا فرمایا ہے۔۔۔۔۔۔
وما خلقت الجن والانس الاّ لیعبدون
اور جس آدمی کے دل میں حبّ دنیا ہوتی ہے اس کی خواہشیں زیادہ ہوتی ہیں بس جیسے ہی اس کی کوئی خواہش ٹوٹتی ہے وہ بے صبری کرتا ہے اور چیخنے لگتا ہے۔۔۔۔۔۔ حالانکہ ہم سب نے مرنا ہے۔۔۔۔۔۔ اور جہنم کا اوپر والا درجہ اس امت کے لوگوں کے لئے ہے۔۔۔۔۔۔ ہمیں تو اس سے بچنے کی فکر کرنی چاہئے نہ کہ۔۔۔۔۔۔ اپنی خواہشات اور تمناؤں کی۔۔۔۔۔۔ اللہ پاک میری اور آپ سب کی تکبر اور حبّ دنیا سے حفاظت فرمائے۔۔۔۔۔۔ ہم سب ان دو بیماریوں سے بچنے کی خاص دعا ء کیا کریں۔۔۔۔۔۔ اللہ تعالیٰ نے حضرت قاری صاحبؒ کو تکبر سے بچایا۔۔۔۔۔۔ حبّ دنیا سے بچایا۔۔۔۔۔۔ اور پھر اپنی رضا پر راضی فرمادیا۔۔۔۔۔۔ اب قاری صاحبؒ اپنی شاندار ایمانی۔۔۔۔۔۔ اور پرمشقت جہادی زندگی گزار کر اللہ تعالیٰ کے پاس ہیں۔۔۔۔۔۔ اللہ تعالیٰ ان کے ساتھ صدیقین والا معاملہ فرمائے۔۔۔۔۔۔ یا اللہ ان کے درجات بلند فرما کیونکہ وہ تو یہی کہا کرتے تھے کہ ۔۔۔۔۔۔ اللہ ایک ہے۔۔۔۔۔۔
٭٭٭

[Real_Light]

salamun salam
brother app ka shukria keh app nay etni elmi o mayari batian hamray saath share kien.
Allah app ko ajer day.

[Doctor]

Jazak ALLAH Hazrat G