Ab bataao jaaegi zindagi kahaa'n yaaro
Phir hain barq ki nazare'n soo-e-aashiyaa'n yaaro
Ab na koi manzil hai aur na rah_guzar koi
Jaane qaafilaa bhatakey ab kahaa'n kahaa'n yaaro
Phool hain ke laashe'n hain baagh hai ke maqtal hai
ShaaKh shaaKh hotaa hai daar kaa gumaa'n yaaro
Maut se guzar kar ye kaisi zindagi paaee
Fik'r paa-ba-jaulaa'n hai gunj hai zabaa'n yaaroo
Turbato'n ki shamaei'n hain aur gehri Khaamoshi
Jaa rahe they kis jaanib aa-gaey kahaa'n yaaro
Raahzan ke baarey mei'n aur kiyaa kahoo'n khul kar
Meer-e-kaarawaa'n yaaro meer-e-kaarawaa'n yaaro
Sirf zindaa rehaney ko zindagi nahin kehtey
Kuch Gham-e-muhabat ho kuch Gham-e-jahaa'n yaaro....**
*~*~*~*~*~<<<<<>>>>>~*~*~*~*~*
Bookmarks