میری بکل دے وچ چور نی میری بکل دے وچ چور
سادھو کس نوں کوک سناویں میری بکل دے وچ چور
چوری چوری نکل گیا تے جگ وچ پے گیا شور
میری بکل دے وچ چور نی میری بکل دے وچ چور
مسلماں سویاں توں ڈردے ہندو ڈر دے گور
دو ویں ایسے دے وچ مر دے ایہو دوہاں دی کھور
میری بکل دے وچ چور نی میری بکل دے وچ چور
کتھے رام داس کتھے محمد علیہ اسلام ایہو قدیمی شور
مٹ گیا دوہاں دا جھگڑا نکل پیا کجھ ہور
میری بکل دے وچ چور نی میری بکل دے وچ چور
عرش منور بانگاں ملیاں سنیاں تخت لاہور
شاہ عناءیت کنڈہاں پاءیاں لک چھپ کچھدا ڈور
میری بکل دے وچ چور نی میری بکل دے وچ چور
جس ڈھونڈیا تس نے پایا نہ جھر جھر ہویا مور
جیہڑا لیکھ متھے دا لکھیا کون کرے بھن توڑ
میری بکل دے وچ چور نی میری بکل دے وچ چور
پیر پیراں بغداد اساڈا مرشد تخت لاہور
اوہ اسیں سبھ اکو کوءی اوہو گڈی تے ڈور
میری بکل دے وچ چور نی میری بکل دے وچ چور
ایہ تسیں وی آکھو سارے اوہو گڈی تے ڈور
میں دسناں تسیں پگھڑ لیاؤ بلھے شاہ دا چور
میری بکل دے وچ چور نی میری بکل دے وچ چور
میری بکل دے وچ چور نی میری بکل دے وچ چور
بابا بلھے شاہ سرکار
Bookmarks