آپ کی عمر خواہ 25 سال ہو 65، یہ 5 طریقے نہ صرف حیرت انگیز نتائج مرتب کرتے ہیں بلکہ بڑھاپے میں تکلیف دہ امراض کو بھی دور کرنے میں مددگار ثابت
ہوتے ہیں۔ ماہرین نے 5 ایسے طریقے وضع کیے ہیں جو دماغ کو تیز رکھ سکتے ہیں۔
چھوٹی کامیابیوں پر بھی خود کو ایپریشیٹ کرنا
ماہرین کا کہنا ہےکہ کسی بڑی کامیابی سے بہتر وہ چھوٹی چھوٹی کامیابیاں ہوتی ہیں جو تواتر سے ملتی رہیں، دماغ خیالی کامیابی اور حقیقی کامیابی کے درمیان مشکل سے ہی تمیز کرتا ہے۔ ماہرین کے مطابق ناکامی اورکامیابی دونوں ہمارے جذبات اور احساسات پر بہت گہرا اثر ڈالتے ہیں، صبح کے وقت کسی کامیابی کا تصور پورے دن آپ پر مثبت اثر ڈالتا ہے اور پرجوش مسرت اور اس کا احساس آپ کے دماغ پر گہرا اثر ڈالتا ہےاس لیے صبح اٹھتے ہی اپنی کامیابیوں کو یاد کریں اور خوشیوں کا تصور اپنے ذہن میں لائیں۔
جسم کو متحرک رکھنا
جسمانی مشقت اور بھاگ دوڑ دماغ کے لیے ایندھن کا درجہ رکھتی ہےاس لیے قریباً تمام دماغی ماہرین اس امر پر متفق ہیں کہ ورزش دماغ اور اس کے افعال کو جوان رکھتی ہیں۔ ماہرین کا کہنا ہےکہ سادہ انداز میں ورزش کرنے سے دماغ سمیت پورے بدن میں خون کی روانی بڑھ جاتی ہے اور دماغ کو زیادہ آکسیجن ملتا ہے جو پورے دماغ کی کارکردگی بہتر کرتا ہے۔ ماہرین متقق ہیں کہ ورزش سے دماغ فروغ پاتا ہے اور اس سے دماغی خلیات بڑھنے لگتے ہیں اور نیورون کے راستے بہتر ہونے لگتے ہیں، اس طرح دماغ لچکدار ہوتا جاتا ہے اور اس کی تمام صلاحیتیں اچھی ہونے لگتی ہیں۔
دماغ کی ورزش
جسم کے دیگر اعضا اور پٹھوں (مسلز) کی طرح بھی دماغ کو استعمال نہ کیا جائے تو یہ کمزور پڑنے لگتا ہے اسی لیے دماغ کو تندرست رکھنے کے لیے دماغی ورزش ضروری ہے۔ دماغ کے مختلف حصوں کو نظر میں رکھتے ہوئے اس کے پٹھوں پر زور ڈال کر دماغی ورزش کریں جن میں معمے حل کرنا، نئی زبانیں سیکھنا، موسیقی کے نئے آلات بجانا اور جوکر کے کرتب تک شامل ہیں۔
سیدھا بیٹھنا
گھر میں مہمانوں کی آمد پر والدین ہمیشہ بچوں پر زور دیتے ہیں کہ سیدھے بیٹھو۔ سیدھے بیٹھنے سے جسم میں توانائی آتی ہے اور موڈ بہتر ہوتا ہے۔ یہ عمل خود اعتمادی کو بھی ظاہر کرتا ہے ۔ اگر بیٹھنے کا عمل بہت برا ہو تو یہ بے دلی اور عدم اعتماد کو ظاہر کرتا ہے جس کا اثر دماغ پر بھی پڑتا ہے۔ ایک اور تجربے سے ثابت ہوا ہے کہ جو لوگ درست انداز میں نہیں بیٹھتے وہ مایوس سوچ اور ڈپریشن کے شکار زیادہ ہوسکتے ہیں کیونکہ ہم اپنے رویئے کا 90 فیصد اظہار اپنی جسمانی
پوزیشن اور حرکات سے کرتے ہیں۔ آپ کہیں بھی ہوں ہر گھنٹے بعد آپ اپنے بیٹھنے کا انداز چیک کریں اور خود کو سیدھا رکھنے کی کوشش کریں۔
موبائل فون کو اپنے سر سے دور رکھ کر سونا
اسمارٹ فون دماغ کو متاثر کرسکتا ہے یا نہیں اس پر بہت کچھ کہا جاچکا ہے اور بہت سی تحقیق ہوتی رہی ہے۔ بعض ماہرین کے مطابق ٹیبلٹ اور فون سے خارج ہونے والی نیلی لائٹ نیند کو متاثر کرتی ہے اور نیند کے دورانیے کو متاثر کرتی ہیں۔ اس لیے ماہرین مشورہ دے رہے ہیں کہ سوتے وقت موبائل فون کو خود سے دور کردیں۔
سورس: جنرل نالج نیوز
علی حیدر
Bookmarks