سنو--Sunoo!
سنو
میری زندگی کا ایک باب ھے جو یونہی سادہ پڑا ھے کب سے
تم کچھ لفط لکھ دو نا اُس میں
بس
ایسا کچھ لکھ دو جس سے دل کے کچھ باب اور بھی کُھلنے لگیں
زخم جتنے بھی ھرے ھیں سبز ھونے لگیں
اور
پھر مہکنے لگیں
بہار دینے لگیں
سنو
یہ دروازہٍ دل ھے جو میرا یونہی کھلا پڑا ھے کب سے
کبھی تو آؤ اس گزر گاہ سے
ایسا ھو تو کیا نہ ھو خوشی سے
شاید
آسمان زمین پر اُتر آئے اور تارے پاؤں میں رُل جایئں
سنو
یہ جو جہان ٍ نگاہ ھے نا یونہی ویران پڑا ھے کب سے
کوئی اور ٹھہرا نہیں ھے تب سے
روشنی بھی نہیں ھوئی ھے جب سے
ایسا کرو کہ اب جب بھی آؤ واپس تو بس جانا نہیں یہاں سے
سنو
جانتی ھوں
یہ میری چاھتوں کے رنگین پر ھیں جو میری خواھشوں کو لگے ھیں
یہ میری تمناؤں کے حسین گھر ھیں جو میرے دل میں سجے ھیں
یہ تمہاری آواز کا جادو ھے یا پھر لکھے لفظوں کا سحر ھے
کوئی تو ھے جو میرے لہو میں بولتا ھے
میرے بدن میں جاگتا ھے
میری روح میں اترتا ھے
مجھے یاد ھے
تم نے کہا تھا کہ اپنے دل کی کھڑکھیاں کواڑ سب بند کر لو
میں نہیں آ سکونگا
تم اپنی چاھتیں تمنایئں سب کسی اور سے منسوب کر لو
میں نہیں آ سکونگا
مجھے اب کبھی آواز نہ دینا
مجھے کچھ اور نہ لکھنے دینا
لیکن
سنو
کیا
کوئی باب صرف کہنے سے بند ھو سکتا ھے
کوئی آدھے رستے سے یوں واپس مڑ سکتا ھے
نگہت نسیم
Reply With Quote
ChessMaster said:
Bookmarks