Ahmed1rfan said:
Kaash meri baat kisi ese hi Momin tak phanch jaaye jo Rasool Allah ki tarha Tamim Dari ki baat ko apni baat per le lene maen koi giraawat na samjhen aik ese mozu per jahan Allah ne khamoshi rakhi aur tehqeeq ke darwaaze ko khula chhorr diya aik aane waale imtihaan ke liye, warna Tamim Dari ki baat ko Rasool Allah kyun kar le lete, aur sirf nishaaniyan de din, warna maen sochta hun Ibne Sayyad ko Dajjal smajhna aur Allah ki taraf se koi mudaakhalat na hona aik bohat barri baat hae jab ke wo Dajjal nahin nikla ba wajud Rasool Allah ke aisa smajhne ke, aur Tamim Dari wala shaks ke Dajjal hone per tarjeeh di.
aik waaqiya khajoor ke darakhton ko pewand kaari ka bhi hae, jahan Rasool Allah ke mashware per ammal ke baad, khajooron ki pedawaar maen nuqsaan huwa, to Rasool Allah ne unn ko apne agricultural muaamlaat apne ilm ke mutabiq sar anjaam dene ko kahe. shayad aap maen se kisi ne Bukhari maen wo Hadith parhi ho. Allah ke Rasool per mere maan baap Qurbaan, unn ka darja yaqeenan azeem tar hae magar jahan baat aati hae ghaib ki to Allah ka koi shareek nahin! aur ye baaten bayaan karne ka maqsad bhi yehi hae ke Hadith zariya nahin Quran ko tolne ka balke Quran se hi Hadith maen aane waale halaat ko behtar samjha jaa sakta hae. Hum aaj kal Hadith e Nabwi A.S se zyada auron ki Hadithon ko aur aur Quran ko donon se kam tawaju de rahe haen jab ke Quran hi wahid rasta hae ghaib ke muaamlaat ko zahuir karne ka, aur Hadith ki ehmiyat bhi yaqeenan kam nahin magar Quran ki hesiat har haal maen uss se barh kar hae ke Hadith maen changes aana bashari kamzoriyon ke waja se mumkin hae magar Quran maen nahin ke wo kisi bashar ka Qaul nahin, ke Rasool Allah ka farmaan hae ke Quran sab kitaabon maen ese hae jese Allah apni Makhluq maen, to ye Quran hi hae jo hamen Hadith ko bhi behtar smajhne maen madad de ga ke Hadith ki bhi kitaaben hi haen jo Quran se barh kar nahin!
Sirf aik baat bata deejiye, Tamim Daari ki riwayat maen kahin bhi app ko ye baat milti hae ke wo shaks jiss ko unhon ne aik Jazeere per Qaid dekha tha, uss ki aik ankh thi, yani aik aankh se wo andha tha ya uss ki donon aankhon ke beech kuch likha huwa tha??? mujhe to nahin mili, aap ko mile to zaroor bata dena mujhe bhi! Maen yahan aap logon ka aur apna waqt zaaiya karne nahin aaya aur Allah se darta hun ke koi ghalat baat bila tehqeeq aur be wazan karun!
assal maqsad Dajjal ki perwi na karna ka hae, aur uss ke fitnon ki perwi uss ki perwi hae, ese hi jaise shaitaan ki perwi uss ke 'khutuwaat' ki perwi se hoti hae Quran ki roo se, warna agar aap ki soch ke tehet Shaitaan ke saamne aane ka hi intezar karne lagen sab to phir to baat hi khatam ho jaati hae! To kyun ye mumkin nahin ke Hadith ki roo se Dajjal chuppa hi ho aur ye sab uss ke khutuwaat maen se hon jin ki hum aaj perwi kar rahe haen? meri baat aik mushaawarat hae, iss ka maqsad kisi per koi raaye thoonsna nahin, hargiz nahin, aur na hi meri koi auqaat hae ke maen esa karna sahih samjhun.
Dajjal Chhupa ho ga, bar bar iss hadith ko dekhen, aur saath likha hae, magar Allah hum se chhupa nahin aur Allah ki aik aankh nahin, iss ka matlab kyun nahin smajhne ki koshish karen to kya Hadith ke alfaz ko jun ka tun le lena chaahiye ya uss ki hikmat smajhni chaahiye? Allah hum se Chhupa huwa nahin? aap ne dekha hae Allah ko? magar kese aap ko Allah ki Pehchaan hoti hae ke wo chhupahuwa nahin, uss ki nishaaniyon se?? jee haan! issi liye Dajjal ke fitne ki nishaaniyon ko chhorr gaye Rasool Allah ta'ake jab wo apna waar kare to bhale hi kyun na chhup kar kare hum uss ke waar aur chaalbaaziyon se bach jaayen!
kisi ne bhi aik baar bhi Quran ki Sura Kahf ki uss ayat ki baat nahin ki jis maen Allah currency to Wariqa keh kar bula rahe haen, kisi ko bhi Quran ki baat per ghaur karne ka waqt nahin mila abhi tak, sirf insaanon ki baaten batuar saboot pesh karte jaa rahe haen aur mere paas to apni koibaat nahin, aik Quran, wo bhi Sura kahaf jis ka iss fitne se direct link hae ussi ko pesh kiya, Kya Allah ki baat ki koi value nahin aap ki nazar maen, kya Sura Kahaf se Bahir bhi koi Hujjat hae Dajjal ke khilaaf? Maseeh ya Mahdi to Dajjal ke khilaaf Hujjat nahin balke Yehi Quran hae jis ko wo bhi ba ghaur parh kar halaat samjhen ge aur Quran ki HIdayat per ammal karen ge, aap ki aur meri postings se nahin aur na hi apni zaati raaye se!
Baat phir chhoti si hae, Dajjal aye ga ya aa chuka hae, uss ki koi auqaat nahin, maqsad to Allah ke deen se na Phirne ka hae, aur iss waqt Ummate Muslimah ne apni maeeshat ke reserves(tawakkul) Sood ki mohar aur nizam(dollar) maen rakhe huwe haen, aur sab ki member ship aik esi organization maen hae jahan Kuffr ke paas hamare khilaf VETO power hae aur hum unn ke aage sajde maen jhuke huwe haen, aur ye deen se phirna hi to hae ke hum Quran ka VETO hote huwe ghair Allah ke VETO ko afzal jaan maan rahe haen!
Kya hae Kalma? la elaha illa Allah? to Allah ka LAW faraq faraq hae kya apne bandon ke liye ya aik hi hae? Israel ke liye aur, India ke liye aur, aur Pakistan , Iran Iraq ke liye aur? Baat smajhne ki hae, A1LAW Haq hae ya UNLAW? Kyun bhool jaate haen ke Dajjal sab aqwaam ko aik Jhande talle ikatha kare ga, hae tareekh maen koi aur jhanda bhi UN ke ilawa bhi jahan hum sab ikathe haen?
Maen Ahmed1rfan bin abd-Allah o Amina Allah ko Gawwah bana kar aaj apni baat khatam karta hun ke maen ne aap tak Quran ki Sura Kahaf ki Hujjat ke Saath iss muaamle ko ba khubi bayaan kar diya hae, aur chunke maen kisi per daarogha nahin ke peeche hi parr jaaoon. Jis ko jo Haq nazar aata hae wo ussi ke peeche chalta hae, aur Quran wahid zariya hae Haq ko Baatil se juda karne ka ke issi liye uss ko Furqaan bhi kehte haen, jis Qaum ko Quran se koi kaam nahin, uss se zyada baatil ko haq samajh kar ke peeche chalne ka khadsha aur kis ko ho sakta hae?
Khair aaj ke baad maen iss mozu per yahan kuch nahin likhun ga, ke maen ne jo likh diya wo kafi hae aur bar bar repeat karne ki zaroorat nahin ke jo likha hae wo parhne ko mojud hae. Maen koi farzi shakhsiat nahin mujhe log issi baat se 15 saal se assal duniya maen jaante haen, aur aaj tak aik bhi aalim e deen ne mujhe ghalat nahin kaha, balke dua hi di ke maen ne unn ko esi baat ki taraf tawaju dilaayee jo unn ki nazar maen na thi wo bhi Allah ki meherbaani se, warna mere maen koi khoobi nahin jo maen aage aane ki baat karun, muaz Allah! Aur Ujmi hote huwe Quran ke aik Arabi lafz ka tarjuma theek theek bayaan karna sirf aur sirf Allah ki hidaayat se hae ke Chandi ya sikkon ko Arabic maen Wariqa nahin kehte aur ye ke Sura Kahaf maen ye aik Ajeeb baat hae jo hamare daur ko Ashaabe kahaf ke daur se milaane jaa rahi hae currency ke muaamle se, ke yehi currency wo jarr hae jo hamare liye sood ki zanjeer ban kar hamen deen se hatt jaane per majboor kar rahi hae, jo ain mumin hae ke uss Zamaane ke ashaabe kahaf ki majboori ki waja bhi ho, jese aaj ke ashaabe kahaf ki majbooriyon ki aik waja ye bhi hae yaqeeni taur per ke aaj hum iss hi aik ankh waale dollar ki laalach maen unn ke khilaaf bhi ho chuke haen!
maqsad koi medal ya aizaaz lene ka nahin aur na hi ese kaam maen siwa jaan ke khatre ke kuch milta hae duniya waalon se, khaas kar aaj ke haalaat maen, maqsad Ummat ki kherkhawaahi aur ittehad se barh kar bhi kuch nahin, haan agar hae to Allah ki razaa aur apni bakhshish ka hae, wo bhi Allah se!
Aap sab Imam Mahdi ka intezar keejiye, meri nazar maen to Quran hi Imam ul Mubeen hae aur maen apni bait uss ko de chuka hun iss muaamle per, ke Allah ke ilaawa koi nahin jaan sakta tha ke 1400 saal ke baad hamaari currency 'wariqa'(paper) ho gi, aik Allah hi jaante the to unhon ne hamaari tawaju ke liye ye hint de diya aik esi surah maen jiss ko apne Nabbi ke Zariye hamen Dajjal ke khilaaf bataur Hujjat bhi chhora, abb hum iss baat ko mazaaq maen le len ya ye maan kar ke Ghiab ka ilm Allah hi ko hae to iss HUjjat e Quran per ghaur karen!
Wariqa ya paper currency per ghaur karne ki HUjjat Quran ki Sura Kahaf ki hae, Ahmed1rfan ki nahin, baqi Allah ki nishaaniyon se inkar aur Hujjat e Quran ko ignore karne ka matlab sab jaante haen! Mujhe maaloom tha ke mushkil ho gi baat smajhaana magar ye nahin jaanta tha ke Quran ki baat per bilkul hi tawaju hi nahin dee jaye gi, aage Allah ki marzi. Maen ab aap logon se rukhsat hota hun itduniya se, Allah aap ko aur mujhe apni amaan maen jagah ataa farmaayen, hidaayat den aur uss ko lene waala bana den, baaqi Quran ki roo se mujhe Amreeka ki ghulaami se nijaat Dollar se reserves khatam karne maen hi aati hae, aur iss waqt to yehi Fitna hae saari Ummat ko darpesh to Bhale aap iss ko Dajjal na maanen aur maen bhi iss ko Dajjal na kahun, magar iss mojuda fitne ke hal ki koshish karen na ke abhi wo jo aana hae aap ki nazar maen aur iss se bachne ki jo raah Quran se mil rahi hae uss ko to apnaayen, jab Dajjal aaye ga to Tab bhi Allah hi ke Quran ki Sura Kahaf hi hamen uss ke fitne se bachaaye gi insha Allah aaameen aur uss ko dhoond kar uss ka Qatal ESA ibne Maryam hi karen ge insha Allah!
Ummat e Muslimah ka aik adna khadim aap se duaon ki darkhwast karta hae, aur ye bhi ke meri koi baat Hadith o Quran se takraa nahin rahi balke sab dalael sirf aur sirf Quran o Hadith ki roshini maen hi haen aur mojuda halaat ba taur sheesha hamaare saamne haen, bus iss baat ko ghaur se samjha jaaye, wa Salaam alekum!
Bookmarks