بسم اللہ الرحمٰن الرحیم
السلام علیکم ورحمتہ اللہ وبرکاتہ
صلواۃ وتر - وتر کی نماز
رسول اللہ صلی اللہ علیہ وسلم کا ارشاد ہے :
1: اللہ وتر ہے اور اور وتر کو پسند کرتا ہے
( بخاری: 6410 و مسلم 2677)
2: نبی کریم صلی اللہ علیہ وسلم نے فرمایا :
وتر ایک رکعت ہے رات کے آخری حصہ میں سے
( مسلم: 752)
3: نبی اکرم صلی اللہ علیہ وسلم نے فرمایا
رات کی نماز دو ، دو رکعات ہیں ۔ جب صبح(صادق) ہونے کا خطرہ ہو تو ایک رکعت پڑھ لو ۔ یہ ایک ( رکعت پہلی ساری) نماز کو طاق بنادے گی "
( بخاری : 990۔۔ 993 ۔ و مسلم 749 ۔)
4: ام المؤمنین سیدہ عائشہ رضی اللہ عنہا فرماتی ہیں کہ " رسول اللہ صلی اللہ علیہ وسلم ایک رکعت وتر پڑھتے (آخری) دو رکعتوں اور ایک رکعت کے درمیان ( سلام پھرکر) بات چیت بھی کرتے ۔
( ابن ماجہ 1177 ۔۔ مصنف ابن ابی شیبہ جلد 2 صفحہ 291 )
5: ام المؤمنین سیدہ عائشہ رضی اللہ عنہا فرماتی ہیں : کہ آپ صلی اللہ علیہ وسلم نماز عشاء سے فجر تک گیارہ رکعتیں پڑھتے ہر دو رکعتوں پر سلام پھرتے اور ایک رکعت وتر پڑھتے "
( مسلم 736)
6: نبی کریم صلی اللہ علیہ وسلم نے فرمایا : وتر ہر مسلمان پر حق ہے پس جس کی مرضی ہو پانچ وتر پڑھے اور جس کی مرضی ہو تین وتر پڑھے اور جس کی مرضی ہو ایک وتر پڑھے
( ابوداؤد 1422 ۔ نسائی 1710 ۔۔ ابن ماجہ 1190۔۔ صحیح ابن حبان 670 ۔۔ مستدرک حاکم جلد اول صفحہ 302 )
Bookmarks