Ho Karam Sarkaar
Ho Karam Sarkar Ab to Ho Gayee Gham Beshumar
Jaan-o-dil Tum Per Fida Aey Do Jahan K Tajdaar
Mein Akaila Aur Masayil Zindagi K Beshumar
Aap Hi Kuch Kijyee Na Aey Shahe Aali Waqar
Yaad Aata Hei Tawafe Khana-e-kaaba Mujhey
Aur Lipatna Multazam Se Walihana Baar Baar
Sang-e-aswad Choom Kar Milta Mujhey Kaif-o-suroor
Chain Paata Daikh Kar Dil Mustajab-o-mustajab
Yaa Khuda Dikhla Hateem-e-pak Meezab-o-maqam
Aur Safa Marwa Mujhey Behr-e-rasool-e-zee Waqar
Jaa Raha Hei Qafla Taiba Nagar Rota Hua
Mein Raha Jaata Hoon Tanha Aey Habib-e-kirdgaar
Jald Phir Tum Lo Bula Aur Sabz Gumbad Do Dikha
Hazri Ki Arzoo Ney Kar Diya Phir Be Qarar
Choom Kar Khaak-e-madina Jhoomta Phirta Tha Mein
Yaad Aatey Hein Mujhey Madiney K Lail-o-nahar
Gumbad-e-khizra K Jalwey Aur Wo Iftariyaan
Yaad Aati Hien Bohat Ramzan-e-taiba Ki Bahar
Yaa Rasool Allah! Sun Lijyee Meri Faryaad Ko
Kon Hei Jo K Suney Tere Siwa Meri Pukaar
Haal Per Mere Karam Ki Ik Nazar Farmayee
Dil Mera Ghamgeen Hei Aey Ghamzadoon K Ghamgusaar
Qafley Walo Suno Yaad Ayee to Mera Salam
Arz Karna Rotey Rotey Ho Sakey to Baar Baar
Ghamzada Yoon Na Hua Hota Ubaid-e-Qadri
Is Baras Bhi Dekhta Gar Sabz Gumbad Ki Bahar
Bookmarks