نہ شام ھوں ،نہ شبستاں ،تمہارا عکس ھوں میں
کہ جو بھی وں میری جاں ،تمہارا عکس ھوں میں
ٹھہر گئے میری پلکوں پہ یاس کے موتی
فسانہ دل ویراں ،،تمہارا عکس ھوں میں
رہا نہ کوئی میرا درد بانٹنے والا
اے شہر بے سروساماں ،،تمہارا عکس ھوں میں
میں کرچیوں کی طرح کس طرح بکھر جاؤں؟
میں آئینہ نہیں جاناں ،،تمہارا عکس ھوں میں
کہ لوگ اور کسی نام سے پکاریں کیوں؟
ھے میری صرف یہ پہچاں ،،تمہارا عکس ھوں میں
میں اب بھی شام وسحر مسکراتا رہتا ھوں
اگرچہ اے غم دوراں ،،تمہارا عکس ھوں میں
نہیں ھے راس کوئی نخل سایہ دار مجھے
کہ ریگ دشت و بیاباں،،تمہارا عکس ھوں میں
اگر خزاں کی طرح ھوں تو اپنا عکس ھوں میں
اگر ھوں رنگ بہاراں ،،تمہارا عکس ھوں میں
بجا کہ اب تو مری اپنی کوئی شکل نہیں
ہر اک خیال کے مہماں ،،تمہارا عکس ھوں میں
سلگتا رہتا ھوں اپنی ہی آگ میں واثق
مزار غم کے چراغاں،،تمہارا عکس ھوں میں
Bookmarks