کل بیٹھا کجھ سوچ ریا ساں
گل اک گزرے ویلے دی
اپنے پنڈ دے پپلاں ہیٹھاں
چھوٹی عید دے میلے دی
مین جیڑا مشہور ہاں ایناں
دل دے بھید لکاون وچ
غم دی تکھی چیک نوں گھٹ کے
اپروں ہسدا جاون وچ
اوس پرانے دن دے وچوں
کر کے یاد اک موکے نوں
زور وی لاکے روک نئں سکیا
اپنے دل دے ہوکے نوں
.............
پرانیاں گلیاں
اُچیاں مکاناں دیاں رنگلیاں باریاں نیں
رات دے شکاریاں نے زلفاں سنواریاں نیں
رہندا اے زمین اتے چن نال یاریاں نیں
دل بے ایمان دیاں لمیاں اڈاریاں نیں
Bookmarks