سن نی کڑئیے
رنگاں دئیے پڑئیے
میں ٹر جاواں گا
مڑ کے نئیں آواں گا
فیر پچھتائیں گی
ہس کے بلائیں گی
فیر وی نئین آواں گا
اُچے اسمان دا
تارا بن جائواں گا
دور دور رہواں گا
تے تینوں تڑفاواں گا
......................
جین لئی جتندنیا دے وچ رہن لئی وی
کی کجھ کرنا پیندا اے
اپنے ہی لہو دیاں نہراں اندر
آپے ای ترنا پیندا اے
راتاں نوں بوہے کھڑ کاندی
وا توں ڈرنا پیندا اے
روز شام نوں نویں قبر تے
ہو کا بھرنا پیندا اے
Bookmarks