...::Khushbu yeh kis ki sehn-e-chaman se Guzar gayi::...
Khushbu yeh kis ki sehn-e-chaman se Guzar gayi
Rang udh gaya bahaar ki surat Utar gayi
Sab ki nazar thi chaand sitaroun ki Khoj main
Lekin meri nigah teray Baam par gayi
Kehtey na they yeh hum ke Mohabbat na kigeye
Do rouz main janab ki Surat utar gayi
Tum ko to chaar tinkay hi aye Aandhiyoo miley
Lekin kisi ghareeb ki Duniya bikhar gayi
Kiya poochtey ho de gayi kiya zindagi mujhe
Badnaam karne ayi thi Badnaam kar gayi
Kar ke anaa ka qatal meri wusat-e-nazar
Mujh ko hisaar-e-zaat se Azaad kar gayi
Pehre laga diye hain her ek Rehguzaar par
Kiya meri hoshmandi ki unko khabar gayi
Roshan hain jin se aaj bhi Tareekh ke waraq
Woh Piyaar,woh Wafa,woh Mohabbat kidhar gayi
Nakhun bhi jinke pardey main rehtey they aye Khuda
Uff re sitam saroun se bhi Chadar uttar gayi
Her samt bekasi ne badhaye Qadam magar
Jab raasta na koi mila mere ghar gayi
Reply With Quote
mhafeez said:
Bookmarks