mujhey aaj bhi roz-e- awwal ki tarah azber hain
wo haseen lamhay
jab kisi ne pehli baar
tera naam lay ker, teri nisbat say
mujhey chaira tha
kitni kalion nay merey gaalon pay chutki li thi
kitney hi gulaab merey ahmareen honton peh khil uthay thay
kitnay jugnoo meri aankhon mein huye thay roshan
pahli baar meri saanson nay mehakna seekha
pahli baar merey lehjay mein khanak jagi thi
haan!
mujhay yaad hain wo haseen lamhay
jab pehli baar
tassawur mein , takha'ul mein
tujhey paya tha
Bookmarks