=!=!MEri KuCh ShAyAri CoLLeCTioN!=!=

**doorie** · 4th April 2007, 01:27 AM

MERI KUCH SHAYARI AGAR APP SAB KO PASAND AAYE TU REPLY KAR DIYE GA

Is dil mein tumhaari yaadon ki roshni to rehne do ...
Jaane kis more pe jindegi ki shaam ho jaye ...

Hum to pyaar ke saudagar hai ...
Sauda sachcha karte hain ...
Agar aap saamne ho ...
To bin daam beek jate hain ...

Mere dil ki awaz agar sun sako ...
To forward se kya kaam ? ...
Nafrat ko bhi muhabbat ka shyer suna de ...
Aise ashique hai hum ...

Aapki maujudgi ka ehsas hi kaafi hai ...
Lafjon ki gunjaish hi kahan aata hai ? ...

Shayraana ada kise kehte hai ? ...
Aankhon ke pyalon se chhalke huye do bund aansu ...
Dil ke panno se bikhre huye kuch shabd ...
Aur mann ke ayne me sambhale huye chand chehre ...
Jab dard-e-jaam ke sath parosein jai ...
Tab use hi yeh duniya ek shyer kehta hai ...

Dil ki baat agar yeh dil samajh sake ...
Tab jake koi baat ho sahi ...
Par aap use shabdo ke dhanche mein na dhal sake ...
Tab bhi woh lafjon ki nakaami to nahi ...

Kal raat mere khyabo mein aane ka shukriya ...
Magar bara ke gaye aap meri bechainiya ...
Kal to mujhe bhi KAASH kehna para tha ...
Kyunki jab bhi dekha aapko, bas aapka nakab hi nazar aaya ...

Char saal pehle karvan samajhta tha jise
aaj jake pata chala ... manzil hi kehna tha use
is sishmahal ki charo aur phaila
chhor ja rahan hoon bas meri yaadon ki sishe

manzil ki talash me kabhi karvan na pakra
hume to manzil pahonchke hi karvan mila
khud ki talash me gujre yeh char saal
ab to khatam hi hone chala yeh suhana silsila

is dastan ko kaise bayaan karun mein
kitni raatein bitayi maine iski liye jaage
yaadon ki roshni itni tez hone lagi
ki shabd bhi uske age phike parne lage

azaadi ki umang jagaye firta raha yeh hawa
jheel ki lehron mein yeh man tyarnewala
bandini dil ki zanzeerein bighlayein jo
is zameen pe hi hai woh kamarshala

par ei mere dil ... is hawa ki rukh ko pehchano
jheel ke pani mein uthe huye lehron ko jaano
is mandir ki eent-kath-pathar pe mat jao
bhitar base bhagwan ko apne andar samao
rukhe sukhe kahanio se zara muh to phero
is haseen ghazal mein bas yaari ka hi saaz chhero

yaari ki bandish me jhume beet gaye kitne pal
jab bhi gir pare ... ake kaha koi ... meri baha thame chal
class notes to nehi tha khusi ya gham mera
firvi share kiya harwakt ... kisine kabhi muh na phera

log kehte hai ... aapni jakhm khula na chhorna
kyunki sabhi mutthi me namak liye firte hain
are yahaan namak kharidne ka paise kahan milenge?
log to pyaar ki marham se apna jeb bhar lete hain

hazaaron khwaishein leke aye the hum yahaan
jindegi bhi shuru hui meri yahaan ake
kwaishein kuchh adhuri reh gaye hain zaroor
darta hoon ... ruk na jaaye jiwan bhi yahaan se jake

is mahaul me aadat si par jati agar ...
chhor bhi sakte the woh aadat
aadat ke aarh me kya jaam pi liya ...
aab is nasha ke bagyar jiye kaise yeh kambakth

dil ki baat aur kise batayen hum
sabhi kehte hai ... jao baki jiwan sawaaron
mere dil me bas gunjta rehga yeh sach
ki mein to jindegi yehin chhor chala yaaron

Tumhaari adayon se
Aaj mere dil ne jo hai chaein khoya
Pata na chala mujhko ki
Abtalak jo khoya tha sab laut aaya
Shayaar to nahi tha mein pehle
Hai tumne mujhe bhi bigaar ke rakh diya !
Rahem ki ummeed to nahi thi tumse
Ek julm-e-shaam hi ki baas khwaish thi
Ek shaam ke badle tumne to mera jivan hi girvi rakh liya !!!

**doorie** · 4th April 2007, 01:28 AM

Mein tujhe yaad karte huye bhi darta hoon
aur apni kahani sunate huye bhi darta hoon

pehle to gham bujhane ko pi leta tha jaam
aajkal khud ko pilate huye bhi darta hoon

tu paas aye to kahin bhadhak na uthe gham mera
ab to tujhe paas bulate huye bhi darta hoon

ankhon ke kone se kahin tu na beh jaaye
aajkal khud ko rulate huye bhi darta hoon

Mere saath dagaa kiya kisne?
woh mera saaya hi to hai
mera haath chhodh diya kisne?
woh mera saaya hi to hai

tune mera ghar bhula diya
to kya hua bekhabar
mujhse mera pata puchha jisne
woh mera saaya hi to hai

teg pakadhke mere samne aate
na sharmaana mere dost
tere haath yeh teg thamaya kisne?
woh mera saaya hi to hai

meri arthi uthane kabhi bulawaa aaye
to samajh lena
tujhe mere akhri mehfil me bulaya jisne
woh mera saaya hi to hai

Are dost ... raah ki duriyaan na napo ...
pehle apne humsafar ko to dekho ...
raah kitni bhi dur le jaaye tumhe ...
bas pichhe murne ki himmat chahiye ...
phir dekhna mera yaar ... raah duri barati hai zaroor ...
par asal me to bani hai duriyaan mitane ke liye ...

Roz tujhe yaad kiya karta hoon
bas man hi man mein
tere liye aahen bhara karta hoon
bas man hi man mein

kabhi to meri baahon mein hogi aye nazneen
yehi soch ke baahen phailaya karta hoon
bas man hi man mein

kab paregi mere dwar pe dastak tera
isi ummeed se darwaje khula chhorta hoon
bas man hi man mein

ekdin zaroor uthegi rukh se nakab tera
usi ek pal ko har roz jiya karta hoon
bas man hi man mein

mere baahon meri teri simatna kab manjoor ho
soch ke hi teri zulfein sawaaran karta hoon
bas man hi man mein

duri to hai bahot teri daaman aur mere baahon mein
par roz yeh duriyaan mitayaa karta hoon
bas man hi man mein

Mere jiwan ka ek hissa ban gaya hai tu
Yaadon mein base huye mera saaya ban gaya hai tu

Baras padi jab shakh-e-gul se akhri phul
Ei dost, sukhe patte banke saath niva gaya hai tu
Sulaghti jiwan-dhup mein tadap raha tha main
Tab bhi banke ghata rahat ka paani barsa gaya hai tu

Faslein darmiyaan jab bhi badne lage hamare
Rah mein pichhe chalke bhi duriyaan mita gaya hai tu
Intezar to thi mujhe bas ek sachche dost ki
Ek ke badle hazaaron yaar banke pass aaya hai tu
Nakaam jindegi ki jab bandh hone chali paathshala
Dosti ka anmol paath pada gaya hai tu

Yaadein teri rula jati hai har pal
hansna bhi kahin bhul rahan hoon main
jitna bhi sata jati hai yaaden teri
unhi ko bas gale se laga rahan hoon main

soya tha kabse main teri baahon mein
jagne se bhi dar lagne laga tha
suraj ki kirne ko tunehi bula liya ghar mein
ab dhire se akhen khol raha hoon main

jindegi ki har sitam ko utha lete hain log
maut se phir mujhe kaisi yeh dar
maut ko to kab se gale laga chuka hoon
ab jinda rehna hi sikh raha hoon main

Dil se majboor hoon main ...
jabaan ko rokun to kaise ...
ap se bichhar ke itni duur ...
jiyaa jai bhi to kaise ? ...

Jine pe to bandish na thi ...
tumhe dekhne se pehle ...
maut ko kaise ab ane doon ...
tumse milne se pehle ? ...

Jiwan geet adhura chhorke hum ...
mehfil se uth nahi paye ...
hala to khatam ho chuki kabke ...
par maykhane se nikla kaise jaye ? ...

chalo adhuri baat ko khatam karte hain ...
ya phir ise rehne do wahin ...
ho sakti hai yeh baat adhuri ...
par dubara milan ki ye bahana hi sahi ...

Dil ki baatein dil mein chhupyae jay to kaise ...
upaaay to hogi koi par sikha na jaaye aise
tumhaari baaton ne dil ke raaz se parda hata diya
khud ke upar se tumhare liya hata raha tha jaise

Tum jo aye ho mere jindegi mein ...
Aaye kayse koi duja ...
Maykhane jo gaye to bas saki se milne ...
Aab talak hala ko nehi puja ...
Lab to sil chuka kabke meri ...
Imtehan-e-pyaar me bas chup hi rahe ...
Kitab haat mein thama diya tumne ...
Aaj bhi par koi jawab nahi sujha ...

Shaam-e-jindegi se mulakat na hone paaye
Haal-e-dil kabhi bayaan na hone paaye
Aye aftaab-e-jaan meri jaan-e-man
Mujhse tu kabhi judaa na hone paaye
Andaaj is ashique ka zara hatke hai
Yaadon se teri yeh dil ruksaat na hone paaye
Imtehan-e-ishq barbaad kar jaaye gham nahi
Tamanna rahegi bas is dil mein ki
Aarjoo milan ki phir bhi kam na hone paaye

Aarjoo jo thi dilme hamari
Raab ne kaise woh jaan liya
Unse bacha ke rakha tha yeh raaj
Naam to raaj ko usne hi de diya
Intezaar janam bhar ka
Maano khatam hone ko hai
Aaj se jindegi bas tumpe hi nichhawar kar diya

**doorie** · 4th April 2007, 01:31 AM

Sagar jaise ankhon mein ... kahin yeh maan kho na jaye
amanat hai yeh dil tera ... kahin dharakna bhul na jaye
samay ko behne de jitna hi dhire yeh behna chahe
wada hai tumse milanka ... intezaar mera thaak na jaye
aadat si par gayee hai jaise tumhari yeh masumiyat
tum jitna bhi badal jao ... masoom chehra kahin chhup na jaye
ek baar sun le jamana yeh ashiquana dil ki pukaar
ek baar phir ji uthe muhabbat ... pagal yeh dil kahin sudhar na jaye

Nind kho gaya ankhon se mere ... ab to jagne laga hoon main
Imtehan hai kaisa yeh muhabbat ... ab to darne laga hoon main
Badalon se age hai jo jannat ... talash tha kabse mujhe uska
Ek pal jo bita li tumhari agosh mein ... ab use bhi bhulne laga hoon main
Dar to tha maut se hume bhi ... aur sab ke hi tarah
Ikraar-e-dil ho chuka tumse ... ab maut se bhi beparwa ho gaya hoon main
Tarannum-e-jindegi sikh raha hoon tumse ... aye meri dilruba
Ab ji rahan hoon to bas tumhare liye ... jindegi ki adaat chhor rahan hoon main

Muhabbat kise kehta hai ye jamana ...
... ek haseen si sach ya bas ek fasana
gham-e-ashiqui se hi pyar ho jisko ...
... hai muskil bahot us dil ko samjhana
bahon mein teri simat jane de ise ...
... agosh-e-ishq se pehchan to ho jaye
labz nakaam bhi ho bayaan-e-dil mein ...
... ishq-e-gul kahin mehekna bhul na jaye
kitni sadiyaan beeti, khali tha ye jaam ...
... aahat se teri phir rangin hua maykhana

Teri baahon mein jindegi phir se khaas hai
pyar ka jaam uthalu phir aisi ek pyaas hai

maut ko chahkar bhi bula na saka kabhi
tere liye mujhme ab bhi baki yeh saans hai

jo mangna hai mang le mujhse jaan-e-man
aaj to tujhpe yeh jaan bhi dene ki aas hai

bas tere liye hi ji uthta hai jo dilbar har roz
baki jag ke liye to yeh bas ek jinda laash hai

bas dil ki khwaish kabhi na rakhna mujhse
woh to kabse sambhala kisi aur ke paas hai

Aye naye saal bata ... tujhme nayapan kya hai ?

Naye saal mein jindegi ki shuruyat nayi hai
dil ke kone mein jaise koi aahat nayi hai

mehsus kare jo dil to pyar purana hi sahi
par us pyar pe phir se dil-e-barbaad nayi hai

waise agar dekho to badla nahin kuchh bhi
bas naye saal se jindegi ki mulakat nayi hai

jindegi gujarti hai humse kuchh puchhe bagyar
bas is jindegi se hamari shikayat nayi hai

phir bharega yeh dard wohi ghazal ki marham se
par thik se parkhon to har ek rubaiyat nayi hai

karbaten to badalte rahenge ek aur saal bhar
ab to bas agli saal ki intezaar hi nayi hai

Kabhi maut se jindegi ka saudah na kar saka
jinda rehne ka honsla bhi paidah na kar saka

jindegi se umeed kuch jyada hi laga liya tha
bas us umeed ka kimat adah na kar saka

doli uth rahi thi teri mere aankhon ke samne
kosish ki bahot par dil se bidah na kar saka

chale to gaye maykhane dil ki aag bujhane ko
par nadaan is dil se aag ko judah na kar saka

tujhe bhulane ki aarjoo thi bahot dil mein, lekin
kaise karoon woh kaam jo khudah na kar saka

aasan tha tujhpe jaan dene ki kasam khana
magar tere saath jeene ka wadah na kar saka

Raab se ki duya bahot ... bhulado hume gham-e-jindegi
ho sake to bas woh pal ... woh akhiri shaam-e-jindegi
usne maan li duya aakhir ... sirf teri yaadon ko chhodkar
dil mein basake yadein teri ... uthali phir jaam-e-jindegi

Gujre huye har pal bas yaadein ban jaati hai ...
tujhse duur hun magar teri saansein chali aati hai ...

hoga kya koi nassebwala mujhse badkar ...
jiske dil ko teri har baat satayi jaaati hai ...

kaisa rishta jodh liya hai yeh dil bewafa ...
ki wafa faroshi ke naam se bhi dar lagne lagti hai ...

aise rishte ko kisi aur naam se hi sahi ...
par zamana hamesha ise yaad kiya karti hai ...

Aye dil-o-jaan mere ... kabhi mujhpe bhi taras khaya karo
duniyaan ki parwa chhodo ... kabhi mere gali bhi aaya karo

sukhe pade hai kabse mere aankhon ke pyaalein ...
zaalim yaad banke hi sahi ... kabhi inko rulaya bhi karo

dil ki jaagir swonp diya hai tumhari haaton mein ...
bas duur se parkhon maat ... kabhi gale se bhi lagaya karo

bahane dhund lete ho jine ka na jaane kahan se ...
meri baat maano to ... kabhi mere liye bhi jiyaa karo

Bahot dino se tujhse pyaar ki baatein nahin hoti ...

mere in haaton me samayi teri haatein nahin hoti ...

din to gujar jaatein hai duniya ki mehfil mein ...

par teri agosh mein beetane wali raatein nahin hoti ...