Saraeki.......Jhoke.....Visaakh......Dera.....Beth ak.......Sohbat

**-FawaD-** · 19th October 2009, 10:25 PM

متاں توں ٹکریں..

تیڈے سانول شہر دے گلیاں وچ ودا پھردا ہاں متاں توں ٹکریں
ہر چوک بازار تیں شہر دے وچ آ کھڑدا ہاں متاں توں ٹکریں
فواد خان تونسوی

**-FawaD-** · 19th October 2009, 10:27 PM

ساکوں ھٹِک نہ پیار دے رستیاں توں متاں اے سمجھیں اساں ڈر ویسوں
اساں فقط دیدار دے عاشق ہیں لگے توڑ جناب دے گھر ویسوں !

اساں سِر دی بازی لانوڑیں ہے یا جیت ویسوں یا ھَر ویسوں
انہاں ڈوھاں چوں جانی ھک تھیسی یا جی پوسوں یا مر ویسوں
فواد خان تونسوی

**-FawaD-** · 19th October 2009, 10:28 PM

چھاں گولیندیں دُھپ تھی ویسوں
انت اندھارے گُھپ تھی ویسوں
لفــظ لــبَاں توں رُسدے ویــندِن
ہک ڈینہہ ڈیکھیں چُپ تھی ویسوں
فواد خان تونسوی

**-FawaD-** · 19th October 2009, 10:31 PM

ساڈا اپنا یار جو سوہنا ہے اساں کہیں دے یار کوں کیا ڈیکھوں۔؟
جیکوں ڈیکھ کے پھُل شرماندے ہن کہیں مست بہار کوں کیا ڈیکھوں۔؟

او وسدے ساڈے دل دے وچ اساں پار اروار کوں کیا ڈیکھوں۔؟
تھیندی روز زیارت ہے ساقی اساں جیت تے ہار کوں کیا ڈیکھوں۔؟
فواد خان تونسوی

**-FawaD-** · 19th October 2009, 10:33 PM

او رُجھ گیا ہا کل ہاسیں وچ اونکوں ساڈے نیر نی یاد ریہے
کیویں قہر دی قید کٹیندے پن کوئی بے تقصیر نی یاد ریہے
ساڈے سینے سانبھ تے وسر گئے اُونکوں اپڑیں تیر نی یاد ریہے
اُوندے تخت کوں لگ گے بخت ارشد اساں لوک فقیر نی یاد ریہے
فواد خان تونسوی

**-FawaD-** · 19th October 2009, 10:35 PM

کوئی در تیڈے تـیں آ بھیک منـگے اکھـ بھال ڈیکھیں متاں میں ہوواں
اُوندے وینڑ ڈیکھیں اوندے نیر ڈیکھیں اُوندا حال ڈیکھیں متاں میں ہوواں

اُوندے شوق جنون دا مُل پا کے کر گال ڈیـکھیـں متـاں میـں ہوواں
متاں ســاقی ول نہ میل بنـڑِن سِک نال ڈیــکھـیں متــاں میــں ہوواں
فواد خان تونسوی

**-FawaD-** · 19th October 2009, 10:36 PM

دل تے روز فراق ڈنگیسی بنڑ*کے نانگ ایانڑاں میں کیا جانڑاں
گُھلسی لوہ وچھوڑے والی تھیسی باغ کُمانڑاں میں کیا جانڑاں
ہو اُداسی کھاساں پھاسی زہر کریساں کھانڑاں میں کیا جانڑاں
باجھ سجنڑ دے شودے دا نِت رہسی روح گھبرانڑاں میں کیا جانڑاں
فواد خان تونسوی