زرداری نواز ملاقات آج ہوگی، اہم فیصلے مت
زرداری نواز ملاقات آج ہوگی، اہم فیصلے متوقع
صدر آصف علی زرداری اور ن لیگ کے قائد نواز شریف کے درمیان آج ایوان صدر میں ہونے والی ملاقات میں سترہویں ترمیم کے خاتمے اور میثاق جمہوریت پر عمل درآمد کے حوالے سے اہم فیصلوں کا امکان ہے۔ رواں سال سترہ جولائی کو رائے ونڈ میں ہونے والی ملاقات کے بعد صدر آصف زرداری اور نواز شریف کے درمیان اس میٹنگ میں کیری لوگر بل پر اپوزیشن اور حکومتی اتحادی جماعتوں کو اعتماد میں نہ لینے اور این آر او سے متعلق امور پر بھی تبادلہ خیال کیا جائے گا۔ ن لیگ کے ذرائع کے مطابق ملاقات میں سول ملٹری تعلقات،سابق صدر پرویز مشرف کے خلاف آئین کی خلاف ورزی پر مقدمے کے اندراج اور دہشت گردی کے خلاف جنگ کے حوالے سے بھی بات ہوگی۔ ذرائع کا کہنا ہے کہ دونوں رہنماوٴں کے درمیان ملاقات میں سترہویں ترمیم کے خاتمے اور میثاق جمہوریت پر عملدرآمد کے لیے ٹائم فریم طے پانے پر اتفاق رائے کا امکان ہے۔ ذرائع نے بتایا کہ صدر امریکی وزیر خارجہ ہیلری کلنٹن کے متوقع دورہ پاکستان سے متعلق بھی نواز شریف کو اعتماد میں لیں گے۔
Reply With Quote
Iqbalpk said:
۔گوگل کے ساتھ۔
۔
۔
Bookmarks