Mere ham-nafas, mere ham-navaa, mujhe dost banake daGa na de
main hub dard-e-ishq se jaan_valab, mujhe zindagi ki duaa na de
mere daaG-e-dil se hai raushni, usi raushni se hai zindagi
mujhe Dar hai aye mere chaaraagar, ye charaaG tu hi bujhaa na de
mujhe chor de mere haal par, tera kya bharosaa hai chaaraagar
ye teri nawaazish-e-muKhtasar, mera dard aur barhaa na de
meraa azm itna baland hai ke paraaye sholon kaa Dar nahin
mujhe Khauf aatish-e-gul se hai, ye kahin chaman ko jala na de
wo uThe hain leke hom-o-subhuu, arey o 'Shakeel' kahan hai tu
tera jaam lene ko bazm men koi aur haath barhaa na de
Bookmarks