Ye ishq bara hi deewana
Mat cheekh meray dewanay dil
Tu tanha tha aur tanha ha
Us aas ko ab tu janay de
Us khail ko ab tu bhool bhi ja
Ja beth kisi weeranay me'n
Jahan sangi, sathi, Yaar na ho'n
Jo Pooch sakai'n dewaanay ko
Haan bhool hoi tujh se pagal
Us bhool ko ab tu bhool bhi ja
.......
Jo khaila ha, teray dil se
Khud door khara hay sahil se
Us beganay ko, yaad na ker
Kya pagal hay?
Faryaad na ker
In sahil jesi aankho'n me'n
Weeranay ko aabad na ker
Kyu'n aas laga ker betha ha
Ummedo'n ko barbad na ker
Tu Baadal ha
Wo pagal tha
Us pagal ko ab bhool bhi ja
....
Aa dekh tujhay dikhlata hu'n
Kuch gur tujhay sikhlata hu'n
Ek pathar ha, ek sheesha ha
Aa farq tujhay batlata hu'n
Ye ishq bara hi jang'ju ha
Jo larta hay wo marta ha
Ya pathar ho, Ya sheesha ho
Ye choot sabhi pe kerta ha
Ya pagal ho, Ya dewana
Ye bhaid koi na pehchana
Ye ishq bara hi harjai
Ye ishq bara hi deewana
Tu ishq na ker, faryad na ker
Us pagal pan ko yaad na ker
Us pagal ko
ab bhool be ja
us pagal ko
ab bhool be ja
Reply With Quote
nahid said:
Bookmarks