وفاق و صوبائی حکومتوں کااین آر او کا دفاع ک
وفاق و صوبائی حکومتوں کااین آر او کا دفاع کرنے سے انکار
وفاقی اور چاروں صوبائی حکومتوں نے سپریم کورٹ کے سامنے این آر او کا دفاع کرنے سے انکار کردیا ہے ۔سپریم کورٹ کے چیف جسٹس افتخار محمد چوہدری کی سربراہی میں سترہ ججوں پر مشتمل فل کورٹ نے آج سے این آر او سے متعلق دس درخواستوں کی سماعت کا آغاز کیا ۔ ان میں این آر او کے خلاف اور اس سے فائدہ حاصل کرنے کے لئے دائر درخواستیں شامل ہیں جنہیں یکجا کیا گیا ہے ۔ درخواست گذاروں میں پیپلزپارٹی کے سابق رہنما ڈاکٹرمبشر حسن ، سابق بیوروکریٹ روئیداد خان اور سابق امیر جماعت اسلامی قاضی حسین احمد بھی شامل ہیں ۔ سماعت کے دوران قائم مقام اٹارنی جنرل شاہ خاور نے عدالت عظمی کو بتایا حکومت پاکستان اس بات کا اعادہ کرتی ہے کہ سترہویں ترمیم نے آئین کے بنیادی خدوخال کو متاثر کیا ہے ۔ انہوں نے کہا کہ حکومت73 کے آئین کی بالادستی پر یقین رکھتی ہے ۔ عدالت نے ان سے کہا کہ زیر سماعت معاملہ سترہویں ترمیم کا نہیں این آر او سے متعلق ہے ۔ اس پر قائم مقام اٹارنی جنرل نے کہا کہ حکومت این آر او کا دفاع نہیں کرے گی ۔ چاروں صوبوں کے ایڈووکیٹ جنرلز اور نیب کے پراسیکیوٹر نے بھی عدالت میں این آر او کا دفاع نہ کرنے کا بیان دیا۔ اس پر عدالت نے کہا کہ حکومت این آر او کا دفاع نہیں کرتی تو کیا اثرات ہوں گے ؟ اس پر عدالت کی معاونت کی جائے سپریم کورٹ نے اس بارے میں بھی وضاحت طلب کی ہے کہ این آر او پارلیمنٹ کی ملکیت ہے یا ختم ہوچکا ہے ۔این آر او پر پارلیمنٹ اور قائمہ کمیٹی برائے قانون میں ہونے والی بحث کا نتیجہ بھی عدالت میں پیش کرنے کی ہدایت کی گئی ہے۔ بعد میں درخواست گذار ڈاکٹر مبشر حسن کے وکیل نے این آر او کے خلاف دلائل کا آغاز کردیا ۔
Reply With Quote
Bookmarks