نواز شریف تعاون نہیں کرتے تو اپنی راہ لیں،
لاہور : صدر مملکت آصف علی زرداری نے کہا ہے کہ جمہوریت ہوگی تو ہم ہونگے، ادارے نہیں چلیں گے تو جمہوریت بھی نہیں چلے گی۔گورنر ہاؤس لاہور میں انہوں نے پنجابی میں خطاب کرتے ہوئے کہا کہ گورنر پنجاب نے انہیں پنجاب کی پگ پہنائی ہے ، اسی لئے پنجابی میں تقریر کروں گا۔ میں نے پنجاب کی جیلوں میں پنجابی سیکھی،بہت عرصہ پنجابی بولے، اگر کوئی غلطی ہو تو معذرت کرتا ہوں۔ ان کا کہنا تھا کہ شہید ذوالفقار علی بھٹو اور بے نظیر بھٹو نے جمہوریت کی خاطر جان دی۔ہم ان کامشن پورا کرینگے ۔بے نظیر کی سوچ کے مطابق خواتین کو بااختیار بنایا،پیپلزپارٹی ہر جگہ غریبوں کی خدمت کررہی ہے،مفاہمت کی سیاست جاری رکھیں گے۔ان کا کہنا تھا کہ پاکستان کو بہت سے مسائل کا سامنا ہے،جس کے حل کیلئے صاف نیت اور پاکستان کی وفا دل میں ہونی چاہئے۔ ان کا کہنا تھا کہ پانی کا مسئلہ بہت بڑا ہے، کشمیر کی جنگ صرف زمین کیلئے نہیں ہے،کشمیر کے تنازع کی جڑ پانی ہے، اس لئے جگہ جگہ ڈیم بنارہا ہوں،70کروڑ کا قرضہ لے کر آیا ہوں ،جس سے ڈیم بنائیں گے۔ انہوں نے مزید کہا کہ مجھے علم ہے کہ ورکرز کے کام نہیں ہورہے،انہیں نوکریاں نہیں مل رہیں، گیس بجلی کے مسائل ہیں۔ آنے والی نسلوں کی خاطر ہر قدم سوچ سمجھ کر اٹھاتے ہیں۔ ہر ماہ ایک ہفتہ لاہور میں دربار لگاکر ورکرز کے مسائل سنوں گا۔
Reply With Quote
Bookmarks