واشنگٹن. . . .. . . . . امریکا میں قید پاکستانی شہری ڈاکٹر عافیہ صدیقی کے خلاف مقدمے کی سماعت نیویارک میں ہوئی۔امریکی جج نے چیخ و پکار کرنے پر ڈاکٹر عافیہ صدیقی کو کمرہ عدالت سے نکال دیا۔ مقدمے کی سماعت کے دوران عافیہ صدیقی کی رہائی کے لیے ایک مظاہرہ بھی کیاگیا۔امریکا میں قید پاکستانی سائنسدان ڈاکٹر عافیہ صدیقی کو مقدمے کی سماعت کے لیے مین ہیٹن کی عدالت میں پیش کیاگیا۔استغاثہ کی جانب سے پہلے گواہ امریکی فوج کے کیپٹن رابرٹ سنائیڈر کو پیش کئے جانے پرعافیہ صدیقی نے چیخ و پکار شروع کردی۔ ان کا کہنا تھا کہ یہ شخص جھوٹ بول رہا ہے۔امریکی جج نے چیخ و پکار کرنے پر ڈاکٹر عافیہ صدیقی کو کمرہ عدالت سے نکال دیا۔وکیل صفائی کا کہنا تھا کہ عافیہ صدیقی کے خلاف امریکی فوجیوں پر فائرنگ کرنے کے ٹھوس شواہد موجود نہیں ہیں۔مقدمے کی سماعت کے موقع پر نیویارک میں پاکستان امریکا فریڈم فورم کے زیر اہتمام ہونے والے مظاہرے میں ڈاکٹر عافیہ صدیقی اور پاکستان سے لاپتہ ہونے والے افرادکی رہائی کے مطالبات کیے گئے۔مظاہرے میں ایک شخص نے گوانتانامو جیل کے قیدیوں جیسا لباس پہن رکھاتھا۔مظاہرین کا کہنا تھا کہ گوانتانامو جیل بند کی جائے۔
Bookmarks