آئی پی ایل تنازع
آئی پی ایل تنازع،للت مودی کا اعجاز بٹ سے بات چیت سے گریز
پاکستان کرکٹ بورڈ کے چیرمین اعجاز بٹ نے آئی پی ایل فرنچائز کے پاکستانی کھلاڑیوں کے ساتھ رویہ پر انتہائی افسوس کا اظہار کیا ہے ۔لاہور میں میڈیا سے بات چیت کرتے ہوئے اعجاز بٹ نے کہا کہ پاکستانی کھلاڑیوں کے آئی پی ایل میں شامل نہ ہونے پر افسوس ہے۔ انہوں نے وفاقی وزیر کھیل سے کہا ہے کہ وہ اپنے بھارتی ہم منصب سے اس معاملے پر بات کریں، انہوں نے بتایاکہ وہ بہت دیر تک آئی پی ایل کمشنر للت مودی سے بات کرنے کی کوشش کرتے رہے لیکن للت نے فون نہیں اٹھایا۔ اعجاز بٹ نے مزید کہا کہ آسٹریلیا کے خلاف سیریز ختم ہونے پر ٹیم کی کارکردگی اور دیگر اہم باتوں کا نوٹس لیں گے،انہوں نے پاکستان ٹیم کیلئے بیٹنگ اور فیلڈنگ کوچ کی ضرورت پر زور دیا۔
آئی پی ایل نیلامی:پاکستانی کھلاڑی نہیں لیے گئے
ممبئی میں جاری انڈین پریمیئر لیگ میں کھلاڑیوں کی نیلامی میں ویسٹ انڈیز کے کھلاڑی کیرون پولارڈ اور نیوزی لینڈ کے فاسٹ بالر شین بان 7,50000 ہزار ڈالر میں خریدے گئے تو پاکستان کا ایک کھلاڑی بھی نہیں لیا گیا۔ پاکستان کے مایہ ناز کرکٹر شاہد آفریدی نے کہا ہے کہ پاکستان کے ٹوئنٹی ٹوئنٹی ٹیم کے کپتان شاہد آفریدی کو آئی پی ایل کی نیلامی میں کسی بھی پاکستانی کرکٹر کے نہ خریدے جانے پر قطعاً حیرت نہیں ہوئی ہے اور ان کا کہنا ہے کہ انہیں پہلے سے پتہ تھا کہ یہی ہوگا۔آفریدی نے آسٹریلیا سے برطانوی ریڈیو کو دیئے گئے انٹرویو میں کہا کہ یہ صرف چند کرکٹرز کا نہیں بلکہ پاکستان کا مذاق اڑایا گیا ہے۔ شاہد آفریدی نے کہا کہ وہ بہت پہلے ہی اپنے دوستوں کو یہ کہہ چکے تھے کہ اس مرتبہ پاکستانی کرکٹرز کوکوئی نہیں خریدے گا۔اگرچہ فرنچائزز پاکستانی کرکٹرز کو خریدنے میں دلچسپی رکھتی تھیں لیکن انہیں کس نے منع کیا یہ سب جانتے ہیں۔ پاکستان کے شاہد کے علاوہ مصباح الحق ، عمر گل ، عمران نذیر، رانا نوید، محمد عامر، عبدالرزاق ، کامران اکمل ، عمر اکمل ، سعید اجمل ، اور سہیل تنویر نیلامی کے لیے فہرست میں شامل تھے۔ بتایا جاتا ہے کہ فرنچائزرز کو خطرہ تھا کہ رقم خرچ کرنے کے بعد اگر کھلاڑیوں کو آئی پی ایل میں کھیلنے نہیں دیا گیا تو کیا ہو گا۔ اسی تشویش کی وجہ سے پاکستانی کھلاڑیوں کےلئے کسی نے بھی بولی نہیں لگائی۔ گزشتہ برس پاکستان کے کسی بھی کھلاڑی کو آئی پی ایل میں کھیلنے کے لیے پاکستان حکومت نے ویزا جاری نہیں کیا تھا۔آئی پی ایل کمشنر للت مودی نے نیلامی کے اختتام پر پریس سے خطاب کیا۔ انہوں نے پاکستانی کھلاڑیوں کےلئے کسی بھی فرنچائز ٹیم کی جانب سے بولی نہ لگانے کے جواب کو نظر انداز کرتے ہوئے کہا کہ ایسے کئی ممالک کے کھلاڑی ہیں جن کے لیے بولی نہیں لگی۔ کیرون پولارڈ کو ممبئی انڈین نے خریدا تو شین بانڈ کلکتہ نائٹ رائڈرز کے ہاتھ لگے۔ پولارڈ آئی پی ایل فرنچائز کے درمیان بےحد مقبول رہے کیونکہ انہیں آئی پی ایل کی چار ٹیمیں خریدنے کے لیے بولی لگا رہی تھیں اور ان سب کے درمیان ٹائی ہوگیا۔آئی پی ایل کمشنر للت مودی کی مداخلت کے بعد بھارتی روپیہ میں خفیہ بولی لگائی گئی اور وجے مالیا کے رائل چلینجرز کے مقابلے ممبئی انڈینز نے پولارڈ کو جیت لیا۔ نیلامی کے دوسرے رائونڈ میں آسٹریلیا کے کھلاڑی بریڈ ہیڈن کو دہلی ڈیر ڈیولز نے 6,1000 ڈالرز میں خریدا جبکہ نیوزی لینڈ کے بالر شین بونڈ بھی پولارڈ کی طرح مہنگے کھلاڑی ثابت ہوئے انہیں کلکتہ نائٹ رائڈرز نے 7,50000 ڈالرز میں خرید لیا۔ ممبئی میں منگل کی صبح سے انڈین پریمیئر لیگ نے 67 کھلاڑیوں کی نیلامی شروع کی۔ امکان تھا کہ اس مرتبہ پاکستان کے گیارہ کھلاڑی لوگوں کی توجہ کا مرکز رہیں گے۔ لیکن دونوں ممالک کے درمیان سیاسی تعلقات کی کشیدگی کی وجہ سے گزشتہ برس پاکستانی کھلاڑیوں نے آئی پی ایل میچوں میں حصہ نہیں لیا تھا۔ صبح جب کھلاڑیوں کی بولنی لگنی شروع ہوئی تو پاکستانی کھلاڑی شاہد آفریدی کا نام سب سے پہلا آیا اور ڈھائی لاکھ ڈالر قیمت رکھی گئی لیکن انہیں کسی بھی ٹیم نے نہیں خریدا۔اسی طرح عمر اکمل، کامران اکمل اور سہیل تنویر کو بھی کسی بھی ٹیم نے نہیں خریدا۔مشاہدین کا خیال ہے کہ فرینچائزرز کو شاید اب بھی یقین نہیں ہے کہ دونوں ممالک کے درمیان حالات بہتر ہوں گے اور ان کے ذریعہ خریدے گئے پاکستانی کھلاڑی آئی پی ایل میچوں میں کھیل بھی سکیں گے۔آئی پی ایل فرنچائزرز میں بالی وڈ اداکارہ پریتی زنٹا اور شلپا شیٹی بھی موجود تھیں
Reply With Quote
mohsin shah said:
Bookmarks