Ahdees Fazail Namaz....Shaikh Ul Hadees Molana Zikriya kandhalvi(ra)

**sniper** · 21st June 2007, 04:20 PM

Assalamoalikum
Umeed hay app sab ahbaab ba khairo afiyath hongay Ajj say may inshaAllah namaz say muutalik FAZAIL pay muushtamil ahadees yahan share kerna start ker raha hoon jis ko koshish ker k roz update kiya karon ga. Souce hay Hazrat Shaikh ul Hadees Molana Mohammed Zikriya Kandhalvi Sahab(ra) ki mashoor zamana Kitab FAZAIL AMAAL....

Allah say dua hay k humay amaal kernay ki taufeek day aur saat saat deen ki mehnat ko poori duniya may layker phirnay wala bana day ameeen.

Wasalam

Ather

Hadees No-1

Hazrat Abdullah Bin Umer(ra) Hazoor(saw) ka irshaad naqal kertay hain kay Islam ki buniyaad 5 saatoono pay hay sab say awal Kalima "La ila ha ill lal lah Mohammed ur raso lol lah ki gawahee dayna yani Allah k seewa koi ibadat k laiq nahi aur Mohammed (saW) Allah k baanday aur Rasool hain, iss k bad NAMAz qaim kerna, Zakaat ada kerna, Haaj kerna aur Ramzan k rozay rakhna.

**Doctor** · 21st June 2007, 04:33 PM

Masha ALLAH Athar bhai bohot acha silsila shru kiya hay aap nay ALLAH aap ko eis ka behtareen ajar ata farmaey aamin, carry on

**sniper** · 21st June 2007, 04:50 PM

Allah amaal ki taufeek daay hum sab ko ameeen.

**Real_Light** · 21st June 2007, 09:02 PM

Masha Allah...

Jazak Allah khair

**truthfinder** · 21st June 2007, 11:07 PM

mashallah achi sharing ha bhai

**sniper** · 22nd June 2007, 11:20 PM

Hadees-2

Hazrat Abu Zaar(ra) fermatay hain kay Aik Martaba Hazoor(saw) saardi k moosam may bahar tashreef laey aur paat'tay(leafs) daarakhtoo'n (trees) pay say geer rahay thaay App(saW) nay aik darakht ki tehni haat may li uss k paat tay aur bhi geernay lagay App(saw nay fermaya jab musalman banda ikhlaas k saat Allah k liya NAMAZ perhta hay tau uss k gunah aisay he gertay hain jaisay ya paat tay daarakht say geer rahay hain.

**sniper** · 1st July 2007, 10:54 PM

Hadees-3

Abu Usman(ra) kehtay hain kay may Hazrat Salman(ra) k saat aik daarakt(tre) k neechay thaa unho nay uss darakht ki aik khooshk tehni(Stem) pakar ker us ko herkat de jis say uss k paat tay(leafs) geer gaey, phir mujah say kehnay lagay k Abu Usman(ra) tum nay mujah say ya na poocha k may nay aisa kion kiya, may nay kaha k bata deejiya kion kiya unho nay kaha k may aik maartaba App(saw) k saat aik darakht(tree) k neechay thaa App(saw) nay bhi darakht ki aik khooshk tehni pakar ker isi tarah kiya jis say uss tehni k pattay jhaar gaey thaay phir App(saw) nay irshad fermaya thaa k Salman(ra) poochtay nahi kay may nay iss tarah kion kiya may nay arz kiya k bata deejiya kion kiya, App(saw) nay irshaad fermaya k jab musalman achi tarah wazoo kerta hay phir 5 waqt ki namazayn perhta hay tau us ki khaataeyn aisay he ger jati hain jis tarah ya paattay geertay hain, phir App(saW) nay Quran ki Ayat AKIMIS SALAH ..TARA FENNEEHAR tak talawat fermaey jis ka taarjooma ya hay k QAIM KER NAMAZ KO DIN K DOONO SEERO'N MAY AUR RAAT K KOCH HEESO'N MAY BAYSHAK NAIKIYAN DUUR KERDAYTI HAIN GUNAHOO'N KO YA NAEEHAT HAY NASEEHAT MAAN NAY WALOO'N K LIYA..