اساں سفریں تے رہ گئے ہئیں
اساں سفریں تے رہ گئے ہئیں اساکوں کوئی خبر کینی
اِتھاں گھر کون وسدا پئے،اِتھاں کیں کیں دا گھر کینی
اِتھاں اندھی دی ماں گونگی نہ کوئی لولی نہ کوئی ڈولی
اِتھاں سکھیاں متوں اکھیاں اِتھاں پکھیاں دے پر کینی
عجب لوگ ہن پرائے ناویں پچھاویں نال سنجڑیندن
عجب گھر ہن جزیرے وچ ھندیرے ہِن تے دَر کینی
عجب میلہ ہے ونگیں جلترنگیں روپ رنگیں دا
دُوکاناں در دُوکاناں ہن کوئی بندہ بشر کینی
میڈی مینا سدا کُوکے میڈی مینا میڈی مینا
بھلے توں ہئیں بھلا کوئی ہے میڈا کہیں نال شر کینی
میں ڈرداں اوں کنوں جو اپنڑے خوابیں وچ وی ڈر ویندے
میں ڈرداں اوں کنوں جیکوں کتھئیں کہیں شے دا ڈر کینی
انویں ڈیکھاں تاں سارے راج تے کہیں دیہہ دا سایہ ہے
انویں ڈیکھاں* تاں ہِیں گستان وچ کوئی جھوک بَر کینی
خدا شاہد ہے ہر گھرہک خدا دا گھر حرم وانگیں
اِتھاں ہر گھر ہے اپنڑاں گھر اِتھاں کوئی غیر گھر کینی
...Aziz Shahid ...
Reply With Quote
msamib4u said:
Bookmarks