هي سنڌ اسان جي ڌرتي آ، سورهين جي جيڪا سرتيءَ آ،
جنهن کي جان اسان پنهنجي پرتيءَ آ، دودا، دولھه دريا خان،
ڄڻيا جنهن سوين سورهيه سچار ، هي اُها ڌرتي آ،
هي سنڌ اسان جي ڌرتي آ ، هي سنڌ اسان جي ڌرتي آ.
جا سنگين سانگين جا سينا چٿي ، سا سنگين اسان کي ٽوڙڻي آ،
جا دل پورهيت پنهوارن سان نفرت ڪري ، سا دل ڀڃڻي آ،
جو ماروئڙن کان ملڪ ماڳ کسي، تنهن کي ڏيڻي هن ديس مان نيڪالي آ،
هي سنڌ اسان جي ڌرتي آ ، هي سنڌ اسان جي ڌرتي آ.
خون اسان جو پيئندي پيئندي پاپين ڪيا پيٽ وڏا،
آڙ وٺي اسلام جي غداري ڪن ويٺا غدار وڏا،
هاڻ هلندو نه هت ڪو پاپي، هي فيصلو ڪرڻو اسان کي آ،
هي سنڌ اسان جي ڌرتي آ ، هي سنڌ اسان جي ڌرتي آ.
ڪريو سنڌوءَ کي سنڌيءَ کان ڌار، هي عزم ڪيو سامراجين آ،
هر سامراجي سازش کان سنڌوءَ کي بچائڻو آ، اسان جو به اهو وچن آ،
پوڙها ، جوان ، ٻڍا ٻار ، سنڌڙي جان کان جن کي پياري آ،
هي سنڌ اسان جي ڌرتيءَ آ ، هي سنڌ اسان جي ڌرتيءَ آ.
نڪتو آهين وجود کي ختم ڪرڻ ، هي سنڌين جي تهذيب جا پڙاڏا،
تون ته سمجھيو سُتل آهيون ، هي ڀُل تنهنجي وڏي آ،
تو ڪيسين ڪندين سازشون، نيٺ ته جاڳي پوندا هن ڀونءَ سڄي جا ڀاڳيا،
هي سنڌ اسان جي ڌرتيءَ آ ، هي سنڌ اسان جي ڌرتيءَ آ.
ڪيو نه جنهن قبول ڪڏهن غلامي کي، هي اُها ڌرتيءَ آ،
شــاهـد يـونـانـــي ، ارغـــون ، تــرخــان ۽ فـــرنـگــي آ،
اسين سنڌيءَ قوم جا دلاور آهيون، ڪاش اهو تون ڄاڻين ها،
هي سنڌ اسان جي ڌرتيءَ آ ، هي سنڌ اسان جي ڌرتيءَ آ.
هن ديس جي چپي چپي تي ڌارئين جي تباهيءَ جو داستان تحرير آ،
جنهن ڪرسيءَ خاطر تو هن ديس لاءِ رکيو دل ۾ متڀيد آ،
ڪئي نه جنهن خاطر تو ديس سان وفا آ، سا ڪرسي اچڻي وڃڻي آ،
هي سنڌ اسان جي ڌرتي آ ، هي سنڌ اسان جي ڌرتي آ.
ڇو ٿو من کي هيڪلو ڪرين آفتاب! هي ڪوٽ ايڏو ته مضبوط نه آ،
ڏار ڪري ويندا هن ڪوٽ ۾، هڪ ڏينهن اسان جا نعرا،
نينهن نڀائي جان ڏيڻي آ، هي سنڌ اسان کي بچائڻي آ،
هي سنڌ اسان جي ڌرتي آ ، هي سنڌ اسان جي ڌرتي آ.
Bookmarks