~*~ہم ہی میں تھی نہ کوئی بات یاد نہ تُم کو آ سکے ~*~

[darpanrukh]

ہم ہی میں تھی نہ کوئی بات یاد نہ تُم کو آ سکے
تم نے ہمیں بُھلادیا، ہم نہ تمہیں بھلا سکے

تم ہی اگر نہ سُن سکے قصئہ غم، سنے گا کون
کِس کی زباں کھلے گی پِھر ہم نہ اگر سنا سکے

ہوش میں آ چُکے تھے ہم جوش میں آ چکے تھے ہم
بزم کا رنگ دیکھ کر سر نہ مگر اٹھا سکے

رونقِ بزم بن گئے لب پہ حکایتیں رہیں
دِل میں شکائتیں رہیں لب نہ مگر ہلا سکے

شوقِ وصال ہے یہاں لب پہ سوال ہے یہاں
کس کی مجال ہے یہاں ہم سے نظر مِلا سکے

ایسا ہو کوئی نامہ بر بات پہ کان دھر سکے
سُن کے یقین کر سکے، جا کے انہیں سنا سکے

عجز سے اور بڑھ گئی برہمئیِ مزاجِ دوست
اَب وہ کرے علاجِ دوست جس کی سمجھ میں آ سکے

اہلِ زباں تو ہیں بہت، کوئی نہیں ہے اہلِ دل
کون تیری طرح حفیظؔ درد کے گیِت گا سکے

حفیظ جالندھری
~*~*~*~*~*~

[Fatima Iqbal]

Bohat achi sharing ki

[IT.BOY]

بہت اچھی شیئرنگ کی ہے آ پ نے
شکریہ

[Nahid]

very nice to read.....Good sharing

[cute_student005]

thanks for sharing

[Dark LION]

Thanks for Sharing

[MR.Balouch]

بہت عمدہ