السلام علیکم ورحمتہ اللہ وبرکاتہ
اس وقت دنیا کی سب سے زیادہ اور بار بار پڑھی جانے والی کتاب ’’قرآن مجید‘‘ ہے۔۔قرآن پاک واحد کتاب ہے جسے جتنی مرتبہ پڑھا جائے ہر مرتبہ پڑھنے سے پہلے سے زیادہ لذت حاصل ہوتی ہے۔۔۔جس طرح کسی شاعر کے کلام کو درست نہ پڑھا جائے تو اس کے کلام کا حسن ختم ہو جاتا ہے،اسی طرح قرآن پاک کو تجوید وترتیل کے ساتھ نہ پڑھنے سے قرآن پڑھنے کا مزہ محسوس نہیں ہوتا،اور قرآن پاک اس بات کا زیادہ حقدار ہے اسے کسی شاعر کے کلام سے زیادہ عمدہ طریقہ پر پڑھا جائے۔۔۔قرآن پاک کو عمدہ اور خوب صورت انداز میں پڑھنے کے لئے ضروری ہے کہ ہم ’’تجوید و ترتیل‘‘ کے قوانین سے واقف ہو۔۔۔قرآن پاک کی تلاوت میں تجوید کا لحاظ رکھنا اتنا ضروری ہے کہ بعض جگہ پر تجوید کے ساتھ نہ پڑھا جائے تو معنی کفر کا بن جاتا ہے۔۔۔اس لئے تمام علماء کا اس پر اتفاق ہے کہ ’’جس طرح نماز پڑھنا فرض ہے اسی طرح تجوید کا سیکھنا بھی فرض ہے‘‘۔
تجوید سیکھنے کے سلسلے میں ایک کتاب ’’حسن القرآن‘‘ کے نام سے حضرت قاری عبد الرحمن بن سعید صاحب نے لکھی ہے۔اس کتاب میں کل پچیس (25) اسباق ہیں۔اگر روزانہ اس کتاب کے ایک سبق کو صرف آدھا گھنٹہ اچھی طرح پڑھا جائے تو ان شاء اللہ آپ پچیس دن میں مناسب تجوید سیکھ لیں گے اور اگر ممکن ہو تو تجوید کے ما ہر شخص سے کتاب پڑھی جائے تو ان شاء اللہ آپ کی تجوید بہت اعلیٰ ہو جائے گی۔اور آپ قرآن پاک پڑھنے کے دوران تلفظ کی غلطی سے محفوظ ہو جائیں گے۔
کتاب کے آخر میں ایک امتحانی پرچہ دیا گیا ہے جس کو حل کر نے سے آپ یہ جان سکتے ہیں کہ آپ کتنی تجوید سیکھ چکے ہیں۔یاد رکھئے!جتنی زیادہ آپ تلفظ درست ادا کرنے کی مشق کریں گے اتنا ہی زیادہ آپ تلفظ اچھی طرح ادا کر سکیں گے!
ضروری گزارش: برائے مہر بانی اس تھریڈ میں صرف وہ حضرات ریپلائے کریں جو یا تو تجوید سے پڑھنا جانتے ہیں یا پھر وہ حضرات جو آج سے ہی تجوید سیکھنے کا پختہ ارادہ کر تے ہیں۔۔۔لیکن۔۔۔سب سے زیادہ خوشی اس ریپلائے کی ہو گی کہ:’’میں نے الحمد للہ تجوید سیکھ لی ہے اور اب میں تجوید کے ساتھ قرآن پاک کی تلاوت کر سکتا ہوں‘‘۔کاش کوئی ایسا ریپلا ئے بھی پڑھنے کو مل جائے۔
آخر میں اللہ تعالیٰ سے دعا ہے کہ: اللہ تبارک وتعالیٰ ہم سب کو قرآن پاک صحیح تلفظ کے ساتھ پڑھنے اور قرآن پر عمل کرنے کی تو فیق عطا فرمائے۔
کتاب ڈائنلوڈ کرنے کےلئے یہاں
کلک کیجئے۔
Bookmarks