Angraayi perr angraayi laiti hay raat judaai ki
tum kya samjho tum kya jano bat meri tanhai ki
kon siyahi ghol raha hay waqtke behtay darya mein
mein nay aankh jhuuki daikhi hay aj kisi harjaayi ki
tut gaye siyal nageenay, phoot bahay rukhsaron per
dekho mera saath na dena, baat hay ye ruswaayi ki
wasl ki raat na janay kyun israr tha un ko janay ka
waqt say pehlay doob gaye taaron nay bari danaai ki
urtay urtay aas ka panchi dur ufaq mein doob gaya
routay routay baith gayi, aawaaz kisii soudaayi ki
Bookmarks