روزہ دارکے لیے مباح چيزيں

[ALLAH'S SLAVE]

سوال :
کیا رمضان المبارک میں دن کے علاوہ دوسرے اوقات میں جماع کرنا جائز ہے ؟

جواب:

الحمد للہ :

رمضان میں مغرب سے لے کر فجر تک بیوی سے جماع کرنا جائز ہے ۔

اللہ تبارک وتعالی کا فرمان ہے :

( روزے کی راتوں میں اپنی بیویوں سے ملنا تمہارے لۓ حلال کیا گیا ہے وہ تمہارا لباس اور تم ان کے لباس ہو تمہاری پوشیدہ خیانتوں کا اللہ تعالی کو علم ہے اس نے تمہاری توبہ قبول فرما کر تم سے درگزر فرما دیا ، اب تمہیں ان سے مباشرت اور اللہ تعالی کی طرف سے لکھی ہوئی چیز کو تلاش کرنے کی اجازت ہے ۔

تم کھاتے پیتے رہو یہاں تک کہ صبح کا سفید دھاگہ سیاہ دھاگے سے ظاہر ہو جائے پھر رات تک روزے کو پورا کرو اور عورتوں سے اس وقت تک مباشرت نہ کرو جب کہ تم مسجدوں میں اعتکاف کرو یہ اللہ تعالی کی حدود ہیں تم ان کے قریب نہ جاؤ اسی طرح اللہ تعالی اپنی آیات لوگوں کے سامنے بیان فرماتا ہے تا کہ وہ تقوی اختیار کریں ) البقرہ / 187


واللہ تعالی اعلم .

[ALLAH'S SLAVE]

سوال :
کیا یہ صحیح ہے کہ روزہ دار ناخن نہيں کاٹ سکتا یا اسے زيرناف بال صاف نہيں کرنے چاہيیں ؟

جواب:
الحمد للہ
یہ کوئي ایسے اعمال نہيں جوروزے دار کے لیے ہی واجب نہيں ، اور نہ ہی ان اعمال میں شامل ہيں جوروزے کے منافی ہوں ، بلکہ روزے دار توکھانے پینے ، اورجماع ، سے رکے گا کیونکہ یہ کام روزے کو فاسد کردیتے ہیں ، اور اسی طرح ہر قسم کے گناہ اوربرے کاموں اورچغلی وغیبت سے باز رہے گا کیونکہ یہ سب کام روزے میں نقص پیدا کرتے ہیں ۔
لیکن ناخن کاٹنا اورزيرناف بال صاف کرنا تو ایک فطرتی کام ہے جس کے لیے شارع نے وقت مقرر کیا ہے کہ یہ چالیس دن سے زيادہ نہيں رکھے جاسکتے ، اوران کا روزے کے صحیح ہونے کے ساتھ کوئي تعلق نہيں ہے ۔

واللہ اعلم .

[ALLAH'S SLAVE]

سوال :
کیا روزے کی حالت میں ہمارے لیے قبرستان جانا جائز ہے ؟

جواب:
الحمد للہ
روزے کی حالت میں زیارت کے لیے قبرستان جانے میں کوئي مانع نہيں ، کیونکہ نبی صلی اللہ علیہ وسلم کے فرمان :
( اب زیارت کرنے جایا کرو ) میں وقت کے اعتبارسے عموم ہے جس سے یہ پتہ چلتا ہے کہ ہرجب چاہے جایا جاسکتا ہے ۔

ابوھریرہ رضي اللہ تعالی عنہ بیان کرتے ہیں کہ رسول اکرم صلی اللہ علیہ وسلم نےاپنے صحابہ کرام کو فرمایا :

( آج صبح کس نے روزہ رکھا ہے ، توابوبکررضي اللہ تعالی عنہ کہنے لگے میں نے رکھا ہے ، تو نبی صلی اللہ علیہ وسلم نے فرمایا : تم میں سے آج جنازہ کے ساتھ کون گیا ہے ؟

توابوبکر رضي اللہ تعالی عنہ کہنے لگے میں نے ، نبی صلی اللہ علیہ وسلم فرمانے لگے : آج مریض کی عیادت کس نے کی ہے ، ابوبکررضي اللہ تعالی عنہ کہنے لگے میں نے ، نبی صلی اللہ علیہ وسلم فرمانے لگے : تم میں سے آج صدقہ کس نے کیا ہے ؟

توابوبکررضي اللہ تعالی عنہ کہنے لگے میں نے ، نبی صلی اللہ علیہ وسلم فرمانے لگے : جس میں بھی یہ اشیاء جمع ہوجائيں وہ جنت میں داخل ہوگا ) ۔

صحیح مسلم ۔

واللہ اعلم

[ALLAH'S SLAVE]

سوال :
كيا روزے دار كے ليے دانتوں كے ڈاكٹر كے پاس جانا جائز ہے ؟ كيونكہ ميرے دانت ضرورى علاج كے محتاج ہيں ؟
اور اگر ميں روزے كى حالت ميں دانتوں كے ڈاكٹر كے پاس ہوں اور ميرے حلق ميں كچھ چلا جائے اور بغير قصد كے اسے نگل لوں تو مجھ پركيا لازم آتا ہے ؟

جواب:

الحمد للہ :

شيخ عبد العزيز بن باز رحمہ اللہ تعالى سے دريافت كيا گيا:

جس كسى انسان كے دانت ميں درد ہو اور وہ ڈاكٹر كے پاس جائے اور اس نے دانتوں كى صفائى كى يا كھوڑ بھرى يا كوئى دانت نكلوايا تو كيا يہ اس كے روزے پر اثرانداز ہو گا ؟

اور اگر ڈاكٹر نے دانت سن كرنے كے ليے اسے انجيكشن لگايا تو يہ روزے پر اثرانداز ہو گا ؟

شيخ رحمہ اللہ تعالى كا جواب تھا:

سوال ميں جو كچھ ذكر كيا گيا ہے اس كا روزے پر كچھ اثر نہيں، بلكہ وہ اسے يہ معاف ہے، صرف اسے دواء يا خون نگلنے سے اجتناب كرنا ہو گا، اور اسى طرح مذكورہ انجيكشن كا بھى روزہ پر كچھ اثر نہيں كيونكہ يہ انجيكشن كھانے پينے كے قائم مقام نہيں ... اصل ميں اس كا روزہ صحيح اور سلامت ہے " انتہى

ديكھيں: اجوبۃ مھمۃ تتعلق باركان الاسلام.

اور اگر ڈاكٹر كے پاس آپ كے ليے رات كے وقت جانا ممكن ہو تو يہ زيادہ بہتر اور اولى ہے.

واللہ اعلم .

[ALLAH'S SLAVE]

سوال :
کیامیں روزے کی حالت میں اپنی بیوی سے محبت کا اظہار کرتے ہوئے یہ کہہ سکتا ہوں کہ مجھے آپ سے محبت ہے ؟
میری بیوی مجھ سے یہ مطالبہ کرتی رہتی ہے کہ میں روزے کی حالت میں اس سے محبت کا اظہار کرتےہوئے کہوں کہ میں آپ سے محبت کرتا ہوں ، لیکن میں نے اسے کہا کہ روزے کی حالت میں ایسا کہنا جائز نہیں ، لیکن وہ کہتی ہے کہ جائز ہے ؟

جواب:
الحمد للہ
مرد روزے کی حالت میں اپنی بیوی سے خوش طبعی کرسکتا ہے ، اسی طرح بیوی کے لیے بھی جائز ہے کہ وہ اپنے خاوند سے روزے کی حالت میں خوش طبعی کرلے ، لیکن ایک شرط ہے کہ وہ دونوں اپنے آپ پر کنٹرول رکھ سکتے ہوں کہ انزال نہ ہونے پائے ، اوراگر انہیں اپنے آپ پر کنٹرول نہيں کہ شدید قسم کی شھوت ہونے کی بنا پر اس کا انزال ہوجائے ، تومنی کے اخراج سے روزہ فاسد ہوجائے گا ۔
لھذا ایسے شخص کے لیے بیوی سے خوش طبعی کرنا جائز نہيں ،کیونکہ وہ ایسے کرنے سے اپنا روزہ فاسد کرلے گا ، اوراسی طرح مذی کے نکلنے کا خدشہ ہو ۔

دیکھیں الشرح الممتع ( 6 / 390 ) ۔

روزے کی حالت میں انزال ہونے سے محفوظ رہنے والے شخص کے لیے بیوی سے بوس وکنار کرنے کی دلیل یہ ہے کہ :

عائشہ رضي اللہ تعالی عنہا بیان کرتی ہيں کہ نبی صلی اللہ علیہ وسلم ان سے روزہ کی حالت میں بوس وکنار کیا کرتے تھے ، اورانہيں اپنے آپ پرتم سے زيادہ کنٹرول تھا ۔

صحیح بخاری حدیث نمبر ( 1927 ) صحیح مسلم حدیث نمبر ( 1106 )

اور ایک حدیث میں ہے کہ :

عمرو بن سلمہ رضي اللہ تعالی عنہ بیان کرتے ہیں کہ انہوں نے نبی صلی اللہ علیہ وسلم سے سوال کیا کہ کیا روزہ دار بوسہ لے سکتا ہے ؟

تورسول اکرم صلی اللہ علیہ وسلم فرمانے لگے :

اس سے پوچھ لو ( ام سلمہ رضي اللہ تعالی عنہا سے ) ام سلمہ رضي اللہ تعالی عنہا نے انہیں بتایا کہ نبی صلی اللہ علیہ وسلم ایسا کیا کرتے تھے ۔

صحیح مسلم حدیث نمبر ( 1108 ) ۔

شیخ ابن عثیمین رحمہ اللہ تعالی کہتے ہیں :

بوسہ کے علاوہ معانقہ اوردوسرے ابتدائي کام کے حکم کے بارہ میں ہم یہ کہيں گے کہ اس کا حکم بھی بوسے کاحکم ہی ہے اوراس میں کوئی فرق نہيں ۔ا ھـ دیکھیں الشرح الممتع ( 6 / 434 ) ۔

لھذا اس بنا پر آپ کا صرف اپنی بیوی کو یہ کہنا کہ میں آپ سے محبت کرتا ہوں ، یا وہ آپ کو یہ کہے کہ میں آپ سے محبت کرتی ہوں ، روزے کو کسی بھی قسم کا کوئي نقصان نہيں دیتا ۔

واللہ اعلم .

[ALLAH'S SLAVE]

سوال :
كيا روزے كى حالت ميں دانتوں كى صفائى كے ليے ٹوتھ پيسٹ استعمال كرنى جائز ہے، ميرے علم كے مطابق اگر ٹوتھ پيسٹ پيٹ ميں نہ جائے يعنى اگر اسے نگلا نہ جائے تو اس كا استعمال جائز ہے، آپ سے گزارش ہيكہ اس موضوع ميں اپنى رائے كا اظہار فرمائيں ؟

جواب:

الحمد للہ:

فضيلۃ الشيخ ابن باز رحمہ اللہ تعالى سے ٹوتھ پيسٹ استعمال كرنے كے متعلق دريافت كيا گيا تو ان كا جواب تھا:

جس طرح روزے دار كے ليے مسواك كرنا جائز ہے، اسى طرح اگر ٹوتھ پيسٹ ميں سے كچھ نگلا نہ جائے تو اس ميں بھى كوئى حرج نہيں ...

ديكھيں: فتاوى الشيخ ابن باز ( 4 / 247 ).

اور شيخ محمد صالح بن عثيمين رحمہ اللہ كا كہنا ہے:

" اس ميں سے يہ بھى نكلتا ہے كہ: كيا روزے دار كے ليے ٹوتھ پيسٹ اور برش استعمال كرنا جائز ہے يا نہيں ؟

جواب:

جائز ہے، ليكن بہتر يہى ہے كہ اسے استعمال نہ كيا جائے، كيونكہ اس ميں حلق تك جانے كى قوت ہوتى ہے، ٹوتھ پيسٹ دن كو استعمال كرنے كى بجائے رات كو استمال كر لى جائے"

ديكھيں: الشرح الممتع ابن عثيمين ( 6 / 407 - 408 ).

واللہ اعلم .

[ALLAH'S SLAVE]

روزے کی حالت میں سرمہ اور مہندی اور میک اپ کی دوسری اشیاء استعمال کرنے کا حکم

سوال :
عورتوں کا رمضان میں دن کو روزے کی حالت میں سرمہ اور خوبصورتی کی دوسری اشیاء استعمال کرنے کا کیا حکم ہے ؟
اور کیا یہ چیزیں روزہ توڑ دیتی ہیں یا کہ نہیں ؟

جواب:

الحمدللہ

علماء کے صحیح قول کے مطابق مطلقا سرمہ عورت اور مرد کا روزہ نہیں توڑتا لیکن روزہ دار کے لۓ افضل یہ ہے وہ اسے رات کو استعمال کرے ۔

اور ایسے ہی جس سے چہرے کو خوبصورت کرنے والی چیزیں مثلا صابون تیل جن کا تعلق صرف ظاہری جلد کے ساتھ ہوتا ہے اور اسی طرح مہندی اور میک اپ وغیرہ (روزے کو کوئی نقصان نہیں دیتیں ) لیکن یہ ہے کہ میک اپ کا استعمال اگر چہرہ کو نقصان دے تو استعمال کرنا ضروری نہیں ۔.


شیخ ابن باز رحمہ اللہ تعالی کا فتوی
دیکھیں کتاب : الفتاوی الجامعہ جلد نمبر 1 صفحہ نمبر 349

[awaisedu]

Jazak Allah .. thanks for information

[مون لائیٹ آفریدی]

جزاک اللہ خیرا۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔