ishqe khuda se dil mera sarshaar ho gaya
kirdaare Mustafa* se mujhe pyaar ho gaya
eemaan gar khuda pe ho aa^maal nek ho.n
beshak woh shakhs khuld ka haqdaar ho gaya
hone lage hai.n log munaafiq pe meherbaa.n
momin har aik samt se laachaar ho gaya
dekho panapne lag gaye zaalim jahaan ke
mo^min ka saans lena bhi dushwaar ho gaya
sadqa hai kaaye naat Mohammed* ke noor ka
"jis samt aankh uth gayee deedaar ho gaya
naqshe qadam pe Ahmed e Mursal* ke chl ke mai.n
fazle khuda se saahibe kirdaar ho gaya
uqba bhi milgaya mujhe duniya bhi milgayee
haamid ajal ke waaste tayyaar ho gaya
*(s.a.w)
Bookmarks