“تُم ھو“
آسماں تُم ھو زمیں تُم ھو
ھے یقیں اِن میں کہِیں تُم ھو
جس جگہ خُوشبُو برستی ھے
ہم جانتے ہیں وہیں تُم ھو
ہم محبت سے جسے چاہیں
وہ محبت کا نگیں تُم ھو
تعریف ھو نہ سکے تیری
جانِ مَن اِتنی حسِیں تُم ھو
روشنی جس کی رھے ھر سُو
وہ حسِیں نُورِ جبیں تُم ھو
دِل چِیر ڈالُوں رقیبوں کے
جو پتا ھو کہ یہیں تُم ھو
جو طلب میری بڑھا ڈالے
وہ صدائے نغمگیں تُم ھو
بے فکر ہیں ہم تُجھے دے کر
اب مِرے دِل کے امِیں تُم ھو
ھے تِرا گھر تو دِلِ سُلطاں
ہاں مِرے دِل کے مکِیں تُم ھو ۔
Bookmarks