السلام علیکم دوستو
صوبہ خیبر پختونخواہ کے ضلع
کوہاٹ میں ایک خود کش دھماکے
میں پندرہ افراد ہلاک اور
انیس زخمی ہوئے ہیں۔
ہلاک ہونے والے بیشتر افراد
کا تعلق قبائلی علاقے
اورکزئی ایجنسی سے بتایا گیا
ہے۔
کوہاٹ کے ضلعی پولیس افسر
دلاور بنگش نےبتایا ہے کہ دوپہر کے وقت ایک
نوجوان نے تیراہ روڈ پر
اورکزئی ایجنسی کے علاقے
کلایہ کے کوچ اڈے میں اپنے آپ
کو دھماکے سے اڑا دیا۔
پولیس کے مطابق نوجوان حملہ
آور کی عمر پندرہ سے سولہ سال
کے لگ بھگ تھی اور اس نے اپنے
آپ کو کلایہ جانے والی اس کوچ
کے دروازے میں اڑا دیا۔
دھماکے کے وقت بارہ سے پندرہ
تک سواریاں بیٹھی ہوئی تھیں۔
حکام کا کہنا ہے کہ بم ڈسپوزل
سکواڈ کے مطابق حملہ آور کا
سر اور ٹانگیں ملی ہیں جس کی
بنیاد پر تفتیش کو آگے
بڑھایا جائے گا۔
اورکزئی ایجنسی کی طرف جانے
والی گاڑیوں کا یہ اڈا شہر کے
اندر واقع ہے جبکہ حکام کا
کہنا ہے کہ ان تمام اڈوں کو
نوٹس جاری کیے گئے ہیں کہ وہ
شہر کے باہر قائم اڈے کو
منتقل ہو جائیں۔
Bookmarks