شرر پہ ہی قناعت کیوں بھڑک آتش فشاں ہو جا
شرر پہ ہی قناعت کیوں بھڑک آتش فشاں ہو جا
سِتاروں تک رسائی کر فلک کا رازداں ہو جا
خِراماں چل مگر پیہم سُبک رفتار ہو کر تُو
کلی سے پھول سے مومن چمن اور گُلستاں ہو جا
اگر خواہش ہے جنٌت کی سلف کے نقش و پا پر چل
غلامِ مصطفٰے بن کر بلند تر آسماں ہو جا
مِٹا باطل کی تصویریں درُونِ خانہِ دل سے
بسا کر عشق مولا کا مظفر جاوِداں ہو جا
عداوت کو مروت سے بدلتا جا مسلماں تُو
پیامِ دینِ مسلم کا سفیر و پاسباں ہو جا
دِکھا دے شانِ مرسل زورِ بازوئے علی حیدر
نکل آ قیدِ باطن سے مسلماں پھر عیاں ہو جا
خوشی ہو یا غمی سب کچھ ترے ہاتھوں میں ہے مومن
کُہن سالی کو رونا چھوڑ ہمت کر جواں ہو جا
یہ مُشتِ خاکِ آ د م کی بھلا اوقات ہی کیا ہے
نمونا انکسا ر ی کا سراپا مہر باں ہو جا
Reply With Quote
itzaltaf said:
Bookmarks