حضرت محمد صلی اللہ علیہ وسلم ہی رہبرِ کامل ( مکمل راہ نما) ہیں
لاریب ۔۔۔ پوری کائنات میں حضرت محمد (صلی اللہ علیہ وسلم) کے سوا کوئی شخصیت ایسی نہیں ہے ، جسے دنیائے انسانیت کے سامنے نمونے کے طور پر پیش کیا جا سکے۔
خود اللہ سبحانہ و تعالیٰ نے فرمایا ہے :
اے حبیب ! ہم نے تجھے تمام دنیا کے لیے پیغمبر بنا کر بھیجا ہے۔
(سبا : ٢٨)۔
اور اسی لیے یہ بھی ارشاد فرمایا :
یہ رسول تمھارے لیے ایک بہترین نمونہ ہے۔
(الاحزاب : ٢٨)۔
بے شک اللہ تعالیٰ نے دنیا کی ہدایت کے لیے بڑے بڑے پیغمبر ، رسول اور نبی مبعوث فرمائے ۔ مگر کسی قوم کا ہادی ، کسی قوم کا پیشوا اور راہنما ایسا نہیں ہوا ، جو ... انسانی زندگی کا ایک مکمل لائحہ عمل ان کے سامنے رکھ سکے اور اپنی زندگی کو اپنی امت اور اپنی قوم کے لیے بطور نمونہ پیش کر سکے۔
یہ فخر صرف اس ذاتِ گرامی کو حاصل ہے ، جو ۔۔۔ تمام دنیا کے لیے یکساں راہبر اور مرشد و ہادی بن کر آیا۔
اور یوں رہبرِ کامل کہلایا ۔
آج دنیا کی جو متمدن اور مہذب قومیں ہیں ، وہ سب کی سب رسول اللہ (صلی اللہ علیہ وسلم) کی زندگی ہی سے سبق لے رہی ہیں اور اعلیٰ حضرت (صلی اللہ علیہ وسلم) ہی کے ارشادات پر عمل پیرا ہو کر دنیوی ترقی اور مدارج حاصل کر رہی ہیں۔
امام الانبیاء ، اعلیٰ حضرت (صلی اللہ علیہ وسلم) کی مبارک زندگی ... کامیاب انسانی زندگی کے مختلف پہلوؤں اور شعبوں کا ایک مجموعہ ہے ۔
جس سے ہر کوئی سبق لے سکتا ہے ۔۔۔ مثلاً ۔۔۔
زاہد ، بادشاہ ، تاجر ، مزدور ، جرنیل ، سپاہی ، سخی ، گداگر ، حکیم ، مریض
پیر ، مرید ، خطیب ، سامع ، جج ، مجرم ، فاتح ، شہری ، باپ ، بیٹا ، شوہر ، بیوی ۔۔۔
غرض دنیا کا ہر انسان اپنے اپنے شعبے اور اپنے کاروبارِ حیات میں رسول اکرم (صلی اللہ علیہ وسلم) کی سیرتِ مقدسہ سے سبق لے سکتا ہے ۔ اور دین کے علاوہ دنیاوی مدارج میں ترقی کر سکتا ہے۔
--------------------------------------------------------------------------------
Peer-e-kamil(rahbar-e-kamil)
Reply With Quote
2.gif "Smile::")
.gif "Mashallah(itdunya)")
Nice Sharing
Bookmarks