کوئٹہ آزادی اخبار سے
ڈیرہ مراد جمالی، مسلح افراد نے غیر سرکاری تنظیم کے ڈرائیور کو ذبح کر دیا، لاش برآمد
ڈیرہ اللہ یار (نامہ نگار) ڈیرہ مراد جمالی میں نامعلوم مسلح افراد نے پراؤڈ پاکستان این گی اوز کے ڈرائیور کو ذبح کردیا، لاش برآمد، تفصیلات کے مطابق:۔ ڈیرہ مراد جمالی میں نامعلوم مسلح افراد نے پراؤڈ پاکستان این گی اوز کے ڈرائیور محمد اعظم کا گلہ کاٹ کراسے انتہائی بےدردی سے قتل کردیا ہے۔ مسلح افراد نے ڈرائیور کو قتل کرنے کے بعد انکی لاش گورنمنٹ ہائی اسکول کے قریب ایک ویرانے میں پھینک کر فرار ہوئے ہیں۔ ڈیرہ مراد جمالی کی سٹی تھانہ کی پولیس نے دوران گشت مقبول ڈرائیر کی لاش برآمد کر کے سول ہسپتال ڈیرہ اللہ یار پہنچائی بعدازاں مقتول ڈرائیر کے ورثا، اور پراؤڈ پاکستان کا ڈسٹرکٹ کو آرڈینیٹر علی حسن منجھو نے پہنچ کر لاش وصول کی اور گھر کے گئے۔ ڈیرہ مراد جمالی میں این جی اوز کے ڈرائیر کے قتل کے بعد دیگر این جی اوز کے رضاکاروں میں خوف پھیل گیا۔ انہوں نے اپنا کام عارضی طور پر بند کر دیا ہے۔ پولیس نے قتل کا مقدمہ درج کر کے مزید تفتیش شروع کردی ہے۔
Bookmarks