Main saahil pey likhi hoee ibaarat nahi,
Jo lehrouN se mit jaati hay,
Main baarish ki barasti boond nahi,
Jo baras ker tham jaati hay,
Main khuwab nahi,
Jisey dekha aur bhula dya,
Main shama nahi,
Jisey phoonka aur bujha dya,
Main hawa ka jhonka nahi,
Jo aaya aur guzar gaya,
Main chaand bhi nahi,
Jo raat k baad dhal jaye,
Main to woh ahsaas hoon,
Jo tujh main lahoo ban ker gardish karay,
Main to woh rang hoon,
Jo teray dil pay charhay to kabhi na mitay,
Main woh geet hoon,
Jo teray labouN se juda na hoga,
Khuwab,ibaarat,hawa ki tarah,
Chand boond shama ki tarah,
Meray mitnay ka sawaal nahi,
Kyunkay MAIN TO MOHABBAT HOON...!
Bookmarks