ورلڈ کپ 2011: جنوی افریقہ کی آئر لینڈ کو 131 رنز سے شکست
ورلڈ کپ 2011 کے پول بی کے میچ میں جنوبی افریقہ کو 131 رنز سے شکست دے دی۔ کے ایڈن گارڈن میں آئر لینڈ نے ٹاس جیت کر جنوبی افریقہ کو بیٹنگ کی دعوت دی۔ جنوبی افریقہ نے مقررہ پچاس اوورز میں 272 رنز بنائے اور اس کے 7 کھلاڑی آؤٹ ہوئے۔ جواب میں آئر لینڈ کی ٹیم تینتیس اعشاریہ دو اوورز میں 141 رنز بنا کر آؤٹ ہو گئی۔ رابن پیٹرسن اور مورکل نے تین تین کھلاڑیوں کو آؤٹ کیا۔
آئر لینڈ نے جب اپنی اننگز کا آغاز کیا تو پورٹفیلڈ 6 اور پال سٹرلنگ 10 رنز بنا کر مورکل کا شکار بن گئے۔ نیال اوبرائن 10 رنز بنا کر جیک کیلس کی گیند پر مورنے وان وِک کے ہاتھوں کیچ آؤٹ ہو کر پویلین واپس لوٹ گئے۔ گیری ولسن نے ٹوٹل میں اکتیس رنز کا اضافہ کیا۔ ان کے بعد کوئی بھی کھلاڑی جم کر نہ کھیل سکا اور پوری ٹیم 141 رنز پر پویلین لوٹ گئی۔
اس سے قبل جنوبی افریقہ کی ٹیم نے مقررہ پچاس اوورز میں سات وکٹوں کے نقصان پر 272 رنز بنائے تھے۔
ہاشم آملہ 18 رنز پر رینکن کی گیندپر ڈوکریل کے ہاتھوں کیچ آؤٹ اور گریم سمتھ صرف 7 رنز بنا رن آؤٹ ہو گئے۔ مورنے وان وِک نے ٹوٹل میں 42 رنز کا اضافہ کیا، وہ جارج ڈوکریل کے ہاتھوں بولڈ ہوئے۔ جیک کیلس 19 رنز بنا کر رن آؤٹ ہوئے جبکہ پلیسس 11 رنز بنا کر سٹرلنگ کی گیند پر جونسن کے ہاتھوں کیچ آؤٹ ہو کر پویلین واپس جا بیٹھے۔
اس صورتحال میں جین پال ڈمنی نے آ کر ٹیم کو سہارا دیا اور کولن انگرام کی شراکت میں ٹوٹل 269 تک پہنچا دیا۔ ڈمنی نے 99 رنز بنائے اور نروس نائنٹیز کا شکار ہو کر مونی کی گیند پر کیون اوبرین کے ہاتھوں کیچ آؤٹ ہو کر پویلین لوٹ گئے۔
Bookmarks