Mera Intekhaab

**afrozkhan** · 28th November 2005, 12:12 AM

ya rab teri duniya main adakaar bahoot hain
dildaar yahan kum hain dilazaar bahoot hain

woh sir pe latakti hui talwaar bhi dekhain
insaan ka lahoo pee ke jo sarshaar bahoot hain

ab koi talabgaar nahi laala o gul ka
is dour main lashoon ke khareedaar bahoot hain

woh qoum tabahi ke dahane pe khadi hai
jis qoum ki taqdeer main sardaar bahoot hain

ab aap ke wadoon ka yaqeen aye to kaise
sachaai ke pardey main riyakaar bahoot hain

haq baat ka izhaar yahan jurm hai logo
is shaher main batil ke parastaar bahoot hain

ahsaas e khudi jin main nahi un se yeh keh do
bikne ke liye kooch o bazaar bahoot hain

ab kiun lab o ariz hi ko unwaan banain
tazaeen e ghazal ke liye afkaar bahoot hain

kuch joosh e amal bhi mere ahbaab dikhain
akhbaar ki surkhi main to ghamqaar bahoot hain

taqdees e mohabbat mera imaan hai lekin
is shaher e mohabbet main gunhagaar bahoot hain

ley baithey RAIS aap bhi shayed gham e duniya
kiya baat hai kiun tanz ke ashaar bahoot hain

**Afridi** · 28th November 2005, 01:25 AM

Salam first Of All Welcome To IT dunya... Nice Shairng,...
Agair inpage main urdu mian lektee too char chand lag jatee ...
App apnee Pasand eseee thread main share keya kareee....
agair ho sakeee to inpage urdu main leka keree..
great Sharing once again......
Keep it up..
Afridi

**sufiaamir** · 28th November 2005, 03:51 PM

Good and nice.

**afrozkhan** · 29th November 2005, 11:23 PM

assalam o alikum afridi bhai
mazarat chahtey hain ki hamare pass inpage nahi hai aur mujhe urdu type bhi seekhna hai InshAllah koshish karainge tab tak to hum post ker saktey hain ijazt
ALLAH HAFIZ

**afrozkhan** · 29th November 2005, 11:39 PM

Duniya meri halaat se majboor bahoot hai
khushiyoun se tahi dard se mamoor bahoot hai

ankhoun ke isharey,na tabassum,na takkalum
nazdeek mere ho ke bhi woh door bahoot hai

aye hasrat e deedaar zara soch ke badhna
jalwoun ki tajjali to sar e toor bahoot hai

main paas e khudi ke liye sir qam nahi kerta
duniya yeh samajhti hai ke maghroor bahoot hai

ji shaher main houn nakhwat wa nafrat ke andhere
woh jashn e charaaghaan main bhi be noor bahoot hai

suntey hain ki shab kut gayi din bhi nikal aaya
aankhoun main andhera to badastoor bahoot hai

beh jayen RAIS aap na sailaab main us ke
jazbaat ka darya hai yeh bharpoor bahoot hai

**afrozkhan** · 30th November 2005, 12:01 AM

Hathoun main haath ho jaye
pal bhar main raat ho jaye

main tera chehra ban jaoon
tu meri zaat ho jaye

chahat ka waar khali na jaye
aur nafrat ki maat ho jaye

teri ankhoun ke kajal se
ab to barsaat ho jaye

tere ansoo meri jhooli
ab yeh khairaat ho jaye

dono ki izzat reh jaye
jo pardey main baat ho jaye

dil to phir bhi dil hai SAHIL
lo phir dil ki baat ho jaye

**Noman Khan** · 9th December 2005, 04:11 AM

wow zabardast sharing
hai nice bohat hi aala
wel work
keep it up
ALLAH HAFIZ

**mr.smart** · 18th January 2006, 04:18 AM

bohut hi achi bro good work
keep it up men

**Terminator** · 1st February 2006, 03:36 PM

wha keya hob leka hay may nay sona to dil pe laga
wha wha
Z.I.Adam Khel

**cute_charming786** · 1st February 2006, 06:20 PM

Aslam O Alekum
Afroz bahi sab se pelay ham aap ko itduya ki nagri main kush amdeed kehtey aaap ki collection bohat perfect aur bohat zabardast hai hope k aap agay bhi iss tarah ki sharing karain gay lekin try karin k urdu main post karian yahan aap ko urdu main likhne ky bohat se thread milain gay waisay main aap ko pm ker doon gi
Walekum salam