My Collection 4

[Pagal_Azeem]

us bevafaa kaa shahar hai aur ham hai.n dosto
ashk-e-ravaa.N kii nahar hai aur ham hai.n dosto

shaam-e-aalam Dhalii to chalii dard kii havaa
raato.n kaa pichhalaa pahar hai aur ham hai.n dosto

aa.Nkho.n me.n u.D rahii hai luTii mahafilo.n kii dhuul
ibrat bara-e-dahar hai aur ham hai.n dosto

ye ajanabii sii ma.nzile.n aur raftagaa.N kii yaad
tanha_iiyo.n kaa zahar hai aur ham hai.n dosto

[Pagal_Azeem]

ahal-e-dil aur bhii hai.n ahal-e-vafaa aur bhii hai.n
ek ham hii nahii.n duniyaa se Khafaa aur bhii hai.n

kyaa huaa gar mere yaaro.n kii zabaane.n chup hai.n
mere shaahid mere yaaro.n ke sivaa aur bhii hai.n

ham pe hii Khatm nahii.n maslak-e-shoriidaa_sarii
chaak-e-dil aur bhii hai chaak-e-qabaa aur bhii hai.n

sar salaamat hai to kyaa sang-e-malaamat kii kamii
jaan baaqii hai to paikaan-e-qazaa aur bhii hai.n

munsif-e-shahar kii vahadat pe na harf aa jaaye
log kahate hai.n ke arabaab-e-jafaa aur bhii hai.n

[Pagal_Azeem]

dekhaa hai zindagii ko kuchh itanaa qariib se
chehare tamaam lagane lage hai.n ajiib se

is re.ngatii hayaat kaa kab tak uThaaye.n baar
biimaar ab ulajhane lage hai.n tabiib se

har gaam par hai majamaa-e-ushshaaq muntazir
maqtal kii raah milatii hai kuu-e-habiib se

is tarah zindagii ne diyaa hai hamaaraa saath
jaise ko_ii nibaah rahaa ho raqiib se

ai ruuh-e-asar jaag kahaa.N so rahii hai tuu
aavaaz de rahe hai.n payambar saliib se

[Pagal_Azeem]

tumhe.n udaas saa paataa huu.N mai.n kaa_ii din se naa jaane kaun se sadame uThaa rahii ho tum vo shoKhiyaa.N, vo tabassum, vo kah_kahe na rahe har ek chiiz ko hasrat se dekhatii ho tum chhupaa chhupaa ke Khamoshii me.n apanii bechainii Khud apane raaz kii taashiir ban gaii ho tum merii ummiid agar miT gaii to miTane do ummiid kyaa hai bas ek paas-o-pesh hai kuchh bhii nahii.n merii hayaat kii Gam_Giii.nio.n kaa Gam na karo Gam hayaat-e-Gam yak naqs hai kuchh bhii nahii.n tum apane husn kii raanaaiio.n par raham karo vafaa fareb tul havas hai kuchh bhii nahii.n mujhe tumhaare taGaaful se kyuu.n shikaayat ho merii fanaa meer ehasaas kaa taqaazaa hai main jaanataa huu.N ke duniyaa kaa Khauf hai tum ko mujhe Khabar hai ye duniyaa ajiib duniyaa hai yahaa.N hayaat ke parde me.n maut chalatii hai shikast saaz kii aawaaz me.n ruu naGmaa hai mujhe tumhaarii judaaii kaa koii ra.nj nahii.n mere Khayaal kii duniyaa me.n mere paas ho tum ye tum ne Thiik kaha hai tumhe.n milaa na karuu.N magar mujhe bataa do ki kyuu.N udaas ho tum hafaa na ho merii jurrat-e-taKhtab par tumhe.n Khabar hai merii zi.ndagii kii aas ho tum meraa to kuchh bhii nahii.n hai mai.n ro ke jii luu.Ngaa magar Khudaa ke liye tum asiir-e-Gam na raho huaa hii kyaa jo zamaane ne tum ko chhiin liyaa yahaa.N par kaun huaa hai kisii kaa socho to mujhe qasam hai merii dukh bharii jawaanii kii mai.n Khush huu.N merii mohabbat ke phuul Thukaraa do mai.n apanii ruuh kii har ek Khushii miTaa luu.Ngaa magar tumhaarii masarrat miTaa nahii.n sakataa mai.n Khuud ko maut ke haatho.n me.n sau.Np sakataa huu.N magar ye bar-e-musaaib uThaa nahii.n sakataa tumhaare Gam ke sivaa aur bhii to Gam hai.n mujhe nijaat jin se mai.n ek lahaza paa nahii.n sakataa ye uu.Nche uu.Nche makaano.n kii deva.Diiyo.n ke tale har kaam pe bhuuke bhikaariiyo.n kii sadaa har ek ghar me.n aflaas aur bhuuk kaa shor har ek simt ye insaaniyat kii aah-o-bukaa ye karaKhaano.n me.n lohe kaa shor-o-gul jis me.n hai dafn laakho.n Gariibo.n kii ruuh kaa naGmaa ye sharaho.n pe ra.ngiin saa.Diio.n kii jhalak ye jho.Npa.Diyo.n me.n Gariibo.n ke be-kafan laashe.n ye maal road pe karo.n kii rail pail kaa shor ye paTariyo.n pe Gariibo.n ke zard_ruu bachtche galii galii me.n bikate hue javaa.N chehare hasiin aa.Nkho.n me.n afsurdagii sii chhaii huii ye jang aur ye mere vatan ke shoKh javaa.N khariidii jaatii hai.n uThatii javaaniyaa.N jinakii ye baat baat pe kanuun aur zabte kii giraft ye ziisq ye Gulaamii ye daur-e-majabuurii ye Gam hai.n bahot merii zi.ndagii miTaane ko udaas rah ke mere dil ko aur ranj na do

[Pagal_Azeem]

ai ishq hamein barbaad na kar
ai ishq na chheir aa aa ke hamein
ham bhuule huoon ko yaad na kar
pahale hii bahut naashad hain ham
tuu aur hamein naashaad na kar
qismat kaa sitam hii kam nahiin kuchh
ye taazaa sitam ijaad na kar
yuuN zulm na kar bedaad na kar
ai ishq hamein barbaad na kar

jis din se mile hain donon kaa
sab chain gayaa aaraam gayaa
cheharoon se bahaar-e-subah gaii
aankhoon se faroG-e-shaam gayaa
haathoon se Khushii kaa jaam chhuutaa
hoontoon se hansii kaa naam gayaa
Gamgiin na banaa naashaad na kar
ai ishq hamein barbaad na kar

raatoon ko uth uth rote hain
ro ro kar duaayein karate hain
aankhoon mein tasavvur dil mein Khalish
sar dhunate hain aahein bharate hain
ai ishq yeh kaisaa rog lagaa
jiite hain na zaalim marate hain
ye zulm to ai jallaad na kar
ai ishq hamein barbaad na kar

ye rog lagaa hai jab se hamein
ranjiidaa huun main biimaar hai vo
har vaqt tapish har vaqt Khalish
be-khvaab huun main bedaar ha vo
jiine se idhar bezaar huun main
marane pe udhar tayyaar hai vo
aur zabt kahe fariyaad na kar
ai ishq hamein barbaad na kar

bedard zaraa insaaf to kar
is umr mein aur magmuum hai vo
phuuloon kii tarah naazuk hai abhii
taaroon kii tarah masuum hai vo
ye husn sitam ye ranj Gazab
majabuur huuN main mazaluum hai vo
mazaluum pe yuun bedaad na kar
ai ishq hamein barbaad na kar

ai ishq Khudaaraa dekh kahiin
vo shoKh hasiin badanaam na ho
vo maah-e-laqaa badanaam na ho
vo zohraa-jabiin badanaam na ho
naamuus kaa us ko paas rahe
vo pardaa-nashiin badanaam na ho
us pardaa-nashiin ko yaad na kar
ai ishq hamein barbaad na kar

ummiid kii jhuuthii jannat ke
rah rah ke na dikhalaa Khvaab hamein
aaiindaa ke farzii ishrat ke
vaade se na kar betaab hamein
kahataa hai zamaanaa jis ko Khushii
aatii hai nazar kaamayaab hamein
chhod aisii Khushii ko yaad na kar
ai ishq hamein barbaad na kar

do din hii mein ahad-e-tifalii ke
maasuum zamaane bhuul gaye
aankhoon se vo Khushiyaan miT sii gaiin
lab ke vo taraane bhuul gaye
un paak bahishtii Khvaabon ke
dilchasp fasaane bhuul gaye
un Khvaaboon se yuun aazaad na kar
ai ishq hamein barbaad na kar

aankhoon ko ye kyaa aazaar huaa
har jazb-e-nihaan par ro denaa
aahang-e-tarab pe jhuk jaanaa
aavaaz-e-fugaan par ro denaa
barbat kii sadaa par ro denaa
mutrib ke bayaan par ro denaa
ehasaas ko Gam buniyaad na kar
ai ishq hamein barbaad na kar

jii chaahataa hai ik duusare ko
yuun aath pahar ham daikha karein
aankhoon mein basaayein Khvaaboon ko
aur dil ko Khayaal aabaad karein
Khilvat mein bhii jo jalvat kaa saamaan
vahadat ko duii se shaad karein
ye aarazuuein ijaad na kar
ai ishq hamein barbaad na kar

vo raaz hai ye Gam aah jise
paa jaaye koii to Khair nahiin
aankhoon se jab aansuu bahate hain
aa jaaye koii to Khair nahiin
zaalim hai yeh duniyaa dil ko yahaan
bhaa jaaye koii Khair nahiin
hai zulm magar fariyaad na kar
ai ishq hamein barbaad na kar

duniyaa kaa tamaashaa dekh liyaa
Ghamgiin sii hai betaab sii hai
ummiid yahaan ik vaham sii hai
taskiin yahaan ik Khvaab sii hai
duniyaa mein Khushii kaa naam nahiin
duniyaa mein Khushii nayaab sii hai
duniyaa mein Khushii ko yaad na kar
ai ishq hamein barbaad na kar

[Pagal_Azeem]

Ahl-e-dil aur bhee hain ahl-e-vafa aur bhee hain
aik hum hee naheen duniya say khafa aur bhee hain

kiya hua gar miray yaaron kee zubaanain chup hain
mairay shaahid miray yaaron kay siwa aur bhee hain

hum pay hee khatm naheen maslak-e-shoreeda-saree
chaak-e-dil aur bhee hay chaak-e-qaba aur bhee hain

sar salaamat hay to kiya sang-e-malaamat kee kamee
jaan baaqee hay to paikaan-e-qaza aur bhee hain

munsif-e-shehar kee vehdat pay na harf aajaye
log kehtay hain kay arbaab-e-jafa aur bhee hain

[Pagal_Azeem]

Aab Kay Yoon Dil Ko Saza Di Hum Nay
Us Ki Her Baat Bhula Di Hum Nay

Eik , Eik Phool Bohat Yaad Aaya
Shakh-E-Gul Jab Woh Jala Di Hum Nay

Aaj Tak Jis Pay Woh Shermatay Hain
Baat Woh Kab Ki Bhula Di Hum Nay


Sheher-E-Jahan Rakh Say Abad Hua
Aag Jab Dil Ki Bujha Di Hum Nay


Aaj Phir Yaad Bohat Aaya Woh
Aaj Phir Us Ko Dua Di Hum Nay


Koi To Baat Hia Us Main Faiz
Her Khushi Jis Pay Luta Di Hum Nay

[Pagal_Azeem]

mere saath tum bhi dua karo yun kisi ke haq mein bura na ho
kahin aur ho na ye hadsa koi raaste mein judaa na ho

mere ghar se raat ki sej tak vo ik aansu ki lakir hai
zaraa barh ke chand se puchna vo isi taraf se gayaa na ho

sar-e-shaam Thehari hui zamin, aasman hai jhuka hua
isi mod par mere vaaste vo chiragh le kar khada na ho

vo farishte aap hi Dhoondiye kahaniyon kii kitaab mein
jo buraa kahein na buraa sunay koi shaKhs un se Khafa na ho

vo visaal ho ke firaaq ho teri aag mahakegii ek din
vo gulaab ban ke khilegaa kyaa jo chiragh ban ke jalaa na ho

mujhe yun lagaa ki Khaamosh Khushbu ke hont titali ne chu liye
inhi zard patton ki oT mein koi phool soyaa huaa na ho

isii ehatiyaat mein main rahaa, isi ehatiyaat mein vo rahaa
vo kahan kahan mere saath hai kisi aur ko ye pata na ho

[Pagal_Azeem]

guzartay lamho main thak gaya hoon, bikhar gaya hoon
main saathiyon say bichar gaya hoon
ye saathion kee mufarqat bhee ajeeb shay hay
kay jitna arsa ye saath chaltay hain
chotee chotee fuzool baaton pay rooth jatay hain aur lartay hain
doston kay jawaan iraday shikast kartay hain
raastay kee saaoobaton say inhain daratay hain aap dartay hain
manzilon ko pukartay hain
magar inhee kay wujood hain jo musafaton ko nikhartay hain
guzartay lamho main sathion say bichar gaya hoon
main apnee tanhaee kay tahayyur say dar gaya hoon
main wo musafir hoon jis kay paaon main manzilain hain na rehgyzar hay.............

[Pagal_Azeem]

Raha gardisho me har dum
Mere ishq ka sitara
Kabhi dagmagai kashti
Kabhi kho gaya kinara
Koi dil ke khel dhikhaye
Koi mohabbat ki baazi
Wo kadam kadam pe jeete
Main kadam kadam par haara
Raha gardisho me har dum
Mere ishq ka sitara
Ye hamari badnaseebi jo nahi tu aur kya hai
ke usi ke ho gaye ham jo hua na hamara
Raha gardisho me har dum
Mere ishq ka sitara...
Padte jab ghamo se palle
Rahe meet ke meete wale
Jise maut ne na poocha
Use zindagi ne mara...
Raha gardisho me har dum
Mere ishq ka sitara
Kabhi dagmagai kashti
Kabhi kho gaya kinara...

[Hope]

Good Work

[*KHAN*JEE*]

BahoOooOoT KhoOooOoB...~*