السلام علیکم
کیسے ہیں آپ سب؟
میں آپ کی دعا سے اچھی ہوں۔جب سے آم اور تربوز آئے ہیں مارکیٹ میں میں تو خوب فروٹ کمپاؤونڈ بنا بنا کر کھا رہی ہوں اور گھر والوں کو کھلا بھی رہی ہوں۔
تو سوچا اتنی مزیدار اور ہیلدی چیز آپ سب کو بتانی چاہیئے
اس کے لئے یہ چند اشیاء درکار ہیں
ضروری اجزاء
بادیانی خطائی کا پھول
یعنی
سٹار فوڈ دو عدد
لونگ Cloves دو عدد
دار چینی Cinnamon چھوٹے ایک انچ کے دو ٹُکڑے
لیمو کا رس جتنی آپ کھٹاس کرنا چاہیں اُتنا
سیب ایک عدد
چینی حساب ضرورت
اگر پھل زیادہ میٹھے نہیں ہیں تو چینی زیادہ اگر زیادہ پھل میٹھے ہیں تو کم چینی۔
فروٹس میں
تربوز،خربوزہ،گرما،سیب،سٹابری،انگور،آم،آڑو
مطلب یہ کہ ہر طرح کے موسی پھل
ان سب کی کچھ کچھ مقداریں اپنی مرضی سے چھوٹے سائز میں کٹنگ کر کے کسی ایسے باؤل میں رکھ
لیں جو گرم گرم سیرپ جو کہ ابھی بنانا بتاؤنگی اُس کو برداشت کر سکے۔
سیرپ بنانے کے لئے آپ ایک پین میں تین گلاس پانی لیں
پانی میں جتنیا آپ کو میٹھا کرنا ہو اُتنی چینی ڈال لیں
اُس میں دار چینی،لونگ،فوڈ سٹار اور لیمو کا رس ڈال کر پکائیں اُس پانی کو اتنا پکائیں کہ
تین گلاس کا پک کر سوا دو گلاس رہ جائے
یہ سیرپ ہو گا چاشنی نہیں کیونکہ چاشنی بہت گاڑھی ہوتی ہے اور سیرپ صرف پانی سے دو حصے گاڑھا ہوتا ہے
جب سیرپ بن جائے تو اس میں سیب کے چھوٹے چھوٹے ٹکڑے دال کر دو منٹ اور اُبال لیں۔
پھر یہ گرم گرم سیرپ فروٹس کے اوپر دال دیں اور سب پھلوں کو مکس کر لیں
تھوڑی دیر باہر پڑا رہنے دیں تا کہ گرمائش کم ہو جائے
پھر فریج میں رکھیں اور خوب ٹھنڈا ہونے پر تناول فرمائیں۔
انشاءاللہ آپ کو پسند ائے گا
وقت کا شُکریہ
سُلطانہ مُصطفیٰ
Bookmarks