آئی سی سی ایوارڈ 2011: شارٹ لسٹڈ امیدواروں کے ناموں کا اعلان
نٹرنیشنل کرکٹ کونسل نے آئندہ ماہ ہونے والے آئی سی سی ایوارڈ 2011ءکیلئے دس کیٹگریریوں کے شارٹ لسٹڈ امیدواروں کے ناموں کا اعلان کردیا ہے۔
آئی سی سی کی سالانہ ایوارڈ تقریب بارہ ستمبر کو لندن میں منعقد ہوگی جس میں دس انفرادی کیٹگریوں میں بہترین کارکردگی دکھانے والوں کو انٹرنیشنل کرکٹ کونسل انعامات سے نوازے گی جبکہ امیدواروں کے ناموں کا چناﺅ آئی سی سی کے پانچ رکنی سلیکشن پینل نے کیا۔ جن کھلاڑیوں اور آفیشلز کو ان دس کیٹگریوں میں شارٹ لسٹ کیا گیا ہے ان میں سر گیری فیلڈ سوبرز ٹرافی فار آئی سی سی کرکٹرز آف دی ایئر کیلئے جنوبی افریقہ کے ہاشم آملہ ، برطانیہ کے السٹر کک ، بھارت کے سچن ٹنڈولکر اور برطانیہ کے جوناتھن ٹراﺅٹ شامل ہیں ۔ آئی سی سی ٹیسٹ پلیئر آف دی ایئر میں برطانیہ کے جیمز اینڈرسن ، برطانیہ کے ہی السٹر کک اور جوناتھن ٹراﺅٹ جبکہ جنوبی افریقہ کے جیک کیلس شامل ہیں ۔ آئی سی سی ون ڈے پلیئر آف دی ایئر کے ایوارڈ کی کیٹگری میں جنوبی افریقہ کے ہاشم آملہ ، بھارت کے گوتھم گھمبیر ، سری لنکا کے کمارا سنگاکارا ، آسٹریلیا کے شین واٹسن ، آئی سی سی ایمرجنگ پلیئر آف دی ایئر میں پاکستان کے اظہر علی ، ویسٹ انڈیز کے دویندرا بشو ، پاکستان کے وہاب ریاض اور ویسٹ انڈیز کے ڈیرن براﺅ شامل ہیں ، آئی سی سی ایسوسی ایڈ اینڈ افیلیڈ پلیئر آف دی ایئر میں ہالینڈ کے ریحان ٹین ، افغانستان کے حامد حسن ، آئرلینڈ کے کیون برائن اور پال سٹرلنگ شامل ہیں۔ آئی سی سی ٹوئنٹی ٹوئنٹی پرفارمنس آف دی ایئر میں انگلینڈ کے ٹم بریسنن ، جنوبی افریقہ کے جے پی ڈومنی،نیوزی لینڈ کے ٹم ساﺅتھی اورآسٹریلیا کے شین واٹسن شامل ہیں. آئی سی سی وویمن کرکٹرز آف دی ایئر میں برطانیہ کی چارلوٹی ایڈورڈز اور لیڈیا گرین وے،آسٹریلیا کی شیلی نٹسچکی اور ویسٹ انڈیز کی سٹار فنی ٹیلر شامل ہیں۔ آئی سی سی ڈیوڈ شیفرڈ ٹرافی آف دی بیسٹ ایمپائرز کی کیٹگری کیلئے پاکستان کے علیم ڈار،سٹیو ڈیوس،این گولڈ اور سائمن ٹائفل شامل ہیں۔ آئی سی سی سپرٹ آف کرکٹ کیٹگری میں بھارت کے مہمندر سنگھ دھونی ، جنوبی افریقہ کے جیک کیلس شامل ہیں۔ آئی سی سی پیپلز چوائس کیٹگری میں جنوبی افریقہ کے ہاشم آملہ ، انڈیا کے مہندر سنگھ دھونی ، ویسٹ انڈیز کے کرس گیل ، سری لنکا کے کمارا سنگاکارا اور برطانیہ کے جوناتھن ٹراﺅٹ شامل ہیں۔
Bookmarks