Remotely shutting down network client from DOS. Complete tutorial
As Salam O Alaikum
Network Administrator ke leye kabhi kabhi aesa case ata hai jis main un ko cleints system ko shutdown karnay ke leye kud clients system pr jana parta hai. Kya aesa possible hai ke Network Administrator remotely apnay clients ko Shutdown/Restart/Logoff kr sakay?????!
Yes it's possible. Follow these steps,
Step # 01
Jis system ko ap ShutDown karna chah rahay ho us ka NAME ya IP ap ko pata hona chahiye.
Ksi System ke name jannay ke leye command prompt main yeh command type kr ke enter krain :
hostname
IP jannay ke leye yeh command type kr ke enter krain:
IPCONFIG
STEP # 02
Yeh confirm krain ap us ko network pr us se communicate bhi kr sakain gay ya nahe. Aesa karnay ke leye ap ko apnay us remote system ko ping krna ho ga. Ap ke pass IP ya hostname to hai. To command prompt main yeh command type krain
ping hostname ya
ping IpAdress
Agr ping reply aa jaye its mean ap ki communication ho sakti hai phr ap next step main us ko remotely shutdown krnay ka procedure follow krain warna IP/HOSTNAME dobara check krain aur apnay system se us remote system ki connectivity check krain.
STEP # 3
To shutdown use following command
shutdown -s -m \\HOSTNAME -c "Testing" ya
shutdown -s -m \\IP -c "Testing"
Ab ap ne saray steps theek follow keye hain to sirf yahan ap ko aik error aa sakta hai aur wo hai Access Denied ka. Agr ap ke pass Access Denied ka error aa jaye, its mean ke pass itni access/privileges nahe hain. Access gain krnay ke leye ap ko remote client pr kuch settings krni ho gein jo ke next step hai.
TROUBLESHOOTING ACCESS DENIED
1) Click on Start -> Setting -> Control Panel
2) Double Click Administrative Tools
3) Double Click Local Security Policies -> Local Policies -> Click User Right Assignments
4) Right side pr bohat sari policies show ho rahi ho gein. Us main aik Policy ho gi 'Force Shutdown From a Remote System'. Is Policy pr right click kr ke is ki properties open krain.
5) ADD USER GROUP main apnay system ke username yahan add krwa dein like YOURCOMPUTERNAME\USERNAME.
Ab ap apnay system se jis client ke system pr ap ne yeh changes ki hain us ko remotely shutdown kr saktay hain.
Ap apnay network ke multiple computers ko bhi aik command se shutdown kr saktay hain mager us ke leye ap ko batch file banani parey gi.
---------------------------
ABOUT SHUTDOWN.EXE DOS COMMAND
DOS/COMMAND-PROMPT main jitni bhi commands hotein hain un ke switches hotay hain jin ki madat se ap parameters ya options detay ho. For example SHUTDOWN aik command hai aur kis computer ke shutdown krna hai, kitni deer baad karna hai, shutdown krna hai ya logoff ya restart wagera yeh ap switches ke madat se mention kro gay. Syntax of shutdown command:
shutdown [-i | -l | -s | -r | -a] [-f] [-m \\computername] [-t xx] [-c "comment"] [-d up:xx:yy]
shutdown -i : is command se Graphical screen display ho jaye gi, agr ap switches main nahe parna chahtay simple yeh command apply krain. Window main graphically apnay network computer ko add krwa kr ap Shutdown kr saktay hain.
shutdown -l : ap ka system logoff ho jaye ga
shutdown -s : ap ka system shutdown ho jaye ga
shutdown -r : ap ka system restart ho jaye ga
shutdown -a : agr ap ne ghalti se shutdown kr deya hai apna system to yeh command apply krnay se shutdown procedure abort/khatam ho jaye ga.
oper wali sari commands se ap ka system effect ho ga magr agr ap ksi remote system ko effect krna chah rahay ho to ap ko us ka IP ya name pata hona chahiye
shutdown -s -m \\COMPUTERNAME
shutdown -r -m \\192.168.1.50
Baki switches -t time ke leye , -c shutdown/restart/logg ke wqt comment display krwaneye ke leye, -d shutdown reason ke leye hain.
Information provided here is for educational purposes only.
Regards,
Atif Raza
Last edited by AtifRaza; 15th September 2011 at 01:48 PM.
MS TELECOMMUNICATION SYSTEMS
BSCS HONORS
CCNA & MCP CERTIFIED
Reply With Quote
faizanelahi said:
Bookmarks